Republik Rakyaik Cino

"Cino" baraliah ka laman iko. Untuak kagunoan lain, caliak Cino (disambiguasi).

Republik Rakyaik Tiongkok (Cino) 中华人民共和国 Zhōnghuá Rénmín Gònghéguó
Bandera Lambang Nasional
Lagu kebangsaan:  "Pawai Para Relawan" 《义勇军进行曲》 (Pinyin: Yìyǒngjūn Jìnxíngqǔ)
Wilayah nan dikontrol RRC bawarno hijau gelap. Wilayah klaim namun indak dikontrol bawarno hijau mudo.
Ibu kota	Beijing (Peking)
Kota paliang gadang	Shanghai
Bahaso resmi	Baso Mandarin
Bahaso daerah nan diakui	Mongolia, Tibet, Uyghur, Zhuang, dan lain-lain
Baso tulis rasmi	Cina Vernakular
Aksara resmi	Cino Disadoanoan
Kalompok etnik	91,51% Han; 55 minoritas diakui Daftar kelompok etnis 1,30% Zhuang 0,86% Manchu 0,79% Uyghur 0,79% Hui 0,72% Miao 0,65% Yi 0,62% Tujia 0,47% Mongol 0,44% Tibet 0,26% Buyei 0,15% Korea 1,05% lainnya
Demonim	Urang Cino
Pamarintahan	Marxisme–Leninisme, negara partai tunggal
• Presiden	Xi Jinping
• Perdana Menteri	Li Qiang
• Ketua Kongres	Zhang Dejiang
• Ketua Konferensi	Yu Zhengsheng
Legislatif	Kongres Rakyaik Nasional
Pembentukan
• Penyatuan Cina oleh Dinasti Qin	221 BC
• Republik didirikan	1 Januari 1912
• Republik Rakyat diproklamasikan	1 Oktober 1949
Area
• Total	9,640,821 km2 (3,722,342 sq mi) atau 9.671.018 km² (ke-3/ke-4)
• Aia (%)	2,8
Populasi
- Pakiroan 2011	1.347.350.000 (ke-1)
- Sensus Panduduak 2010	1,339,724,852 (ke-1)
- Kapadatan	139,6/km2 (ke-81)
PDB (KKB)	2011
- Total	$11,299 triliun (ke-2)
- Per kapita	$8.382 (ke-91)
PDB (nominal)	2011
- Total	$7,298 triliun (ke-2)
- Per kapita	$5.413 (ke-90)
Gini (2022)	35,7 manangah
IPM (2021)	▲ 0,768 tinggi · 89
Mato uang	Renminbi (yuan) (¥) (CNY)
Zona wakatu	Waktu Standar Cina (UTC 8)
Format tanggal	yyyy-mm-dd atau yyyy年m月d日 (CE; CE-1949)
Lajua kamudi	suok, kacuali Hong Kong dan Makau
Kode telepon	86
Ranah Internet	.cn .中國 .中国
a. ^ Karakterisasi sederhana struktur politik sejak 1980-an tidak memungkinkan lagi. c. ^ 9,598,086 km2 (3,705,842 sq mi) tidak termasuk semua teritori sengketa. 9,640,821 km2 (3,722,342 sq mi) termasuk kawasan bepemerintahan Cina (Aksai Chin dan Trans-Karakoram Tract, kedua teritori diklaim India), Taiwan tidak termasuk. d. ^ Informasi untuk Cina daratan saja. Hong Kong, Makau, dan teritori di bawah yurisdiksi Republik Cina (Taiwan) tidak termasuk.

Republik Rakyaik Cino (RRC; Pinyin: Zhōnghuá Rénmín Gònghéguó; Hanzi tradisional: 中華人民共和國; Hanzi sadarano: 中华人民共和国; disabuik juo Republik Rakyaik Tiongkok/RRT) adolah sabuah nagara kuminih nan tadiri dari ampia saluruah wilayah kabudayoan, sijarah, jo geografi, nan sajak daulu dikana jo namo "Cina". Didirian pado taun 1949, RRC lah bakataruihan dipimpin dek Partai Kuminih Cina (PKC). Sungguahpun acok dilihek sabagai nagara kuminis, kabanyakan parekonomian republik ko lah diswastakan sajak tigo dasawarsa nan lalu. Walaupun baitu, pamarentah masih mangawasi ekonominyo sacaro politik tarutamo malalui parusaoan-parusaoan miliak pamarentah jo sektor perbankan. Sacaro politik, nagaro masih tatap dalam pamarentahan ciek partai sajo. RRC adolah nagara jo panduduak tabanyak di dunia, jo populasi malabiahi 1,3 miliar jiwa, nan mayoritas basuku banso Han. RRC juo marupokan nagara talaweh di Asia Timur, dan katigo talaweh di dunia, salapeh Rusia jo Kanada. RRC babatehan jo 14 nagara: Afganistan, Bhutan, Myanmar, India, Kazakhstan, Kirgizstan, Korea Utara, Laos, Mongolia, Nepal, Pakistan, Rusia, Tajikistan, jo Vietnam.

Dalam suatu patikaian nan taruih balansuang, RRC manuntuik hak mamarintah ateh Taiwan jo pulau-pulau sakitarnyo nan indak pernah dilapehan dek Republik Cina. Pamarintah RRC mandakwa baso Republik Cina marupokan suatu entitas nan indak lai ado dan sacaro administratif malatakkan Taiwan sabagai provinsi ka-23 RRC. (Caliak Cina jo Status politik Taiwan untuak informasi labiah lanjuik).

RRC mangklaim kadaulatan tahadok Taiwan namun indak mamarintahnyo (hal nan samo juo balaku tahadok Pescadores, Quemoy, jo Matsu). Status politik Taiwan marupokan hal nan kontroversial; Taiwan diparintah Republik Cina, nan kini babasis di Taipei. Republik Cina mangklaim kadaulatan tahadok saluruah Cina daratan dan baitu juo jo RRC.

Cina Daratan marupokan istilah nan digunokan untuak marujuak kapado kawasan di bawah pamarintahan RRC dan indak tamasuak kawasan administrasi khusus Hong Kong jo Makau. Pamarintah RRC maliek pamarintahannyo di Cina sabagai Tiongkok Baru (新中国) saaik mambandiangan dirinyo jo Cina sabalun taun 1949. RRC juo dijuluaki sabagai "Cina Sirah" bagai kawasan nan samo, tautamo dek musuahnyo di Barat, jo marujuak kapado warna sirah nan marupokan lambang kuminih.