Kakristenan Timur

Bagian dari serial tantang
Kakristenan Timur
Pasakutuan Kristen Ortodoks Kristen Ortodoks Oriental Gareja Katolik Timur Gareja dari Timur (Asiria dan Kuno) Kristen Spiritual
Ritus Bizantin Aleksandria Antiokhia Armenia Suriah Barat Suriah Timur Malabar Malankara
Teologi Apofatisme Hipostasis Ikon Teotokos
Kontroversi Nestorianisme Skisma Nestorian Monofisitisme Diofisitisme Miafisitisme Henotikon Tigo Bab Monotelitisme Ikonoklasme Filioque
Lain-lain Kakristenan Barat Kristologi Liturgi Ilahi Mistik Kristen Sijarah Kakristenan Timur Monastisisme

Kakristenan Timur tadiri ateh ampek kaluarga gareja utamo: Kristen Ortodoks, Kristen Ortodoks Oriental, Kristen Asiria dari Timur, jo Gareja Katolik Timur. Istilah iko digunokan sacaro nyato mambedakan jo Kakristenan Barat. Sacaro kolektif maliputi gareja-gareja jo tradisi-tradisi Kristen nan bakambang di wilayah Balkan, Eropa Timur, Asia Kaciak, Timur Tangah, Afrika, India, dan sabagian wilayah Timur Jauah salamo barabaik-abaik. Istilah ko bukan manggambarkan suatu pasakutuan tongga atau tradisi religius umum. Babarapo gareja Timur labiah banyak mampunyoi kasamoan historis jo teologis ka Kakristenan Barat daripado nan lainnyo. Gareja-gareja Timur umumnya indak manyabuik diri surang sabagai "Timur", salain Gareja Asiria dari Timur dan cabang-cabangnyo.

Istilah "Timur" dan "Barat" dalam hal ko barasa dari pambagian geografis dalam Gareja Kristen nan mancaminkan adonyo pabedaan budayo antaro timur Helenistik jo barat Latin sarato pambagian politik antaro Kakaisaran Romawi Barat dan Timur. Dek gareja paliang gadang di Timur adolah himpunan nan kini tanamo sabagi Kristen Ortodoks Timur jo Pusek pamarintahannyo di Gareja Konstantinopel dan pado maso kini alah manjadi Musajik Istanbul salapeh panjajahan Kakaisaran Ottoman sadangkan Gareja paliang gadang atau Pusek Pemerintahan barat iolah di Gareja Vatikan, istilah "Ortodoks" acok digunokan sacao perai bak cando "Timur" untuak manyabuik pasekutuan Kristen historis ko. Baapun banyaknyo gareja Kristen, baiak Timur ataupun Barat, mamandang diri surang "ortodoks" (manuruikan kayakinan nan bana) bak cando "katolik" (universal) walau namo-namo tu indak digunokan dalam namo rasminyo.

Kaluarga gareja

Nagara-nagara manuruik jumlah umaik Kristen Ortodoks pado taun 2010 ██ Labiah dari 50 juta ██ Labiah dari 20 juta ██ Labiah dari 10 juta ██ Labiah dari 5 juta ██ Labiah dari 1 juta

Umaik Kristen Timur mampunyoi tradisi religius nan babeda-beda, dan mampunyoi banyak tradisi budayo. Kakristenan di Timur surang tabagi pado wakatu abaik-abaik mulonyo, baiak di dalam maupun di lua Kakaisaran Romawi, dalam salisiah sakitaran Kristologi jo teologi fundamental sarato dek pambagian-pambagian kabangsoan (Romawi, Persia, dll.). Barabaik-abaik kudian Kakristenan Barat tapisah sapanuahnyo dari tradisi-tradisi iko sabagai pasakutuan surang. Kini ado ampek kaluarga atau cabang utamo Kakristenan Timur, nan mano tiok ciek surang mampunyoi dogma jo teologi babeda.

• Kristen Ortodoks
• Kristen Ortodoks Oriental
• Kristen Asiria dari Timur
• Gareja Katolik Timur

Liturgi

Tiok-tiok gareja Timur (salain himpunan-himpunan babeda nan non-liturgis) tamasuak dalam salah satu dari babarapo kaluarga liturgis barikuik ko:

• Ritus Aleksandria
• Ritus Antiokhia
• Ritus Armenia
• Ritus Bisantin
• Ritus Siria Barat
• Ritus Siria Timur

Bacoan lanjuik

• Angold, Michael, ed (2006). The Cambridge History of Christianity. Volume 5, Eastern Christianity. Cambridge University Press. ISBN 978-0-521-81113-2. 
• Julius Assfalg (ed.), Kleines Wörterbuch des christlichen Orients, Wiesbaden 1975
• Jenkins, Philip (2008). The Lost History Of Christianity. New York: HarperCollins. ISBN 978-0-06-147281-7. 

Pautan lua

• Eastern Christian Churches
• Eastern Catholics Archived 2012-02-04 di Wayback Machine. Information concerning Christians of Eastern rites who are in communion with, and under the jurisdiction of, the Pope, the Bishop of Rome.
• Byzantine Chant Studies Page
• The Greek Orthodox Church in Canada Archived 2019-11-05 di Wayback Machine.
• OrthodoxWiki