Bangso Maduro
| Bangso Maduro أَورَيڠ مادْوراْ Orèng Mâḍurâ |
|---|
 |
| Potret kapalo desa Madura. |
| Jumlah populasi |
|
7.179.356 (sensus 2010)[1] |
| Kawasan bapopulasi cukuik banyak |
| Jawa Timur: 6.520.403. Kalimantan Barat: 274.869. |
| Bahaso |
| Madura, dan Indonesia. |
| Agamo |
| Islam |
| Kalompok etnik takaik |
| Bugis dan Malayu. |
Bangso Maduro (Bahaso Maduro: Ḅângsa Mâḍurâ) marupokan etnis nan barasa dari Pulau Madura dan pulau-pulau sakitarnyo, Provinsi Jawa Timur. Etnis ko tamasuak etnis jo populasi gadang di Indonesia nan bajumlah sakitar 7.179.356 juta jiwa (sensus 2010). Etnis ko kasahariannyo mangecek jo bahaso Madura. Inyo barasa dari Pulau Madura jo pulau-pulau sakitarnyo (Pulau Puteran, Pulau Gili Iyang, Pulau Sapudi, Pulau Gili Raja, Pulau Giligenting, Pulau Raas, dan lain-lain). Suku Madura adolah suku parantau nan banyak tasebar di babarapo kawasan Indonesia. Salain di Indonesia, babarapo urang Madura parantauan juo dapek dijumpoi di nagaro tatanggo yoitu Malaysia jo Singapura.[2]
Sijarah
[suntiang | suntiang sumber]Saperti Gili Raja, Sapudi, jo Raas. Salain itu, urang Madura tingga di bagian timur Jawa Timur biaso disabuik kawasan Tapal Kuda, dari Pasuruan sampai utaro Banyuwangi. Urang Madura nan barado di Situbondo, Bondowoso, sabalah timur Probolinggo, utaro Lumajang, jo utaro Jember, jumlahnyo paliang banyak jo jarang nan buliah babahaso Jao, Surabaya utaro juo, sarato sabagian Malang, ado juo nan manatok di Bawean, di nagari jiran Malaysia, Timor Leste, Brunei Darussalam misalnyo ado juo, inyo ado nan manjadi panduduak tatok (alah dapek IC/ surek tingga salamanyo.), Bahkan ado juo di nagaro-nagaro Timur Tangah.
Demografi
[suntiang | suntiang sumber]
Urang Madura mauni kawasan Jawa Timur, tarutamo kawasan Pulau Madura (tamasuak pulau-pulau di sakitarnyo) jo kawasan Tapal Kuda. Salain itu, urang Madura banyak juo nan marantau ka kawasan lain tarutamo ka Kalimantan, Jabodetabek, Bali, Nagaro Timur Tangah juo khususnyo Saudi Arabia. Babarapo kota di Kalimantan saperti Sampit jo Sambas, parnah tajadi karusuahan etnis nan malibekkan urang Madura disabokkan oleh kasanjangan sosial, tetapi kini kasanjangan itu alah marado jo etnis Madura jo panduduak satampek alah rukun kambali.
Urang Madura pado dasarnyo adolah urang nan mampunyoi etos karajo nan tinggi, ramah, giek bakarajo jo ulet, inyo suko marantau karano kaadoan kawasannyo nan indak elok untuak batani. Urang parantauan asal Madura umumnyo baprofesi sabagai padagang, misalnyo: bajua-bali basi tuo, padagang asongan, jo padagang pasa. Namun, indak saketek pulo di antaro inyo nan manjadi tokoah nasional saperti:
- Mahfud MD (mantan Ketua Mahkamah Konstitusi)
- Wardiman Djojonegoro (Menteri Pendidikan dan Kebudayaan Indonesia pado tahun 1993 hinggo tahun 1998 di bawah pamarintahan Presiden Soeharto dalam Kabinet Pembangunan VI)
- Rachmat Saleh (Gubernur Bank Indonesia pado tahun 1973 hinggo tahun 1983 jo Menteri Perdagangan Indonesia tahun 1983 hinggo tahun 1988)
- R. Hartono (mantan jenderal dengan pangkek tatinggi di TNI Angkatan Darat yoitu jenderal bintang ampek dengan jabatan tatinggi pulo sabagai Kapalo Staf TNI Angkatan Darat). Inyo marupokan satu-satunyo pawira tinggi dari korps Kavaleri nan mandapekkan pangkek jenderal panuah (bintang ampek) juo (Mantan Mentri Penerangan )
- M.A. Rachman (Jaksa Agung Republik Indonesia untuak periode 2001 sampai 2004)
- Hadi Purnomo (Mantan Ketua Badan Pemeriksa Keuangan BPK )
- Nurmahmudi Ismail (Mantan Mentri Kehutanan dan Presiden PKS )
- Soedjono C. Atmonegoro (Jaksa Agung Republik Indonesia pado Kabinet Pembangunan VII)
- Herman Widyananda (Mantan Wakil Ketua Badan Pemeriksa Keuangan periode 2009–2011)
- Banurusman Astrosemitro (Kepala Kepolisian Negara Republik Indonesia periode 1993–1996)
- Hanafie Asnan (Mantan Kepala Staf TNI Angkatan Udara)
- Muhamad Arifin ( Mantan Kepala Staf TNI Angkatan Laut periode 1989–1993)
- Roesmanhadi (Mantan Kapalo Staf Kepolisian RI ).
- D. Zawawi Imron (Tokoh panyair dan budayowan Madura nan takenal dengan juluakan Clurit Emas. Inyo marupokan tokoah budayowan kalahiran Sumenep.
- Mien Achmad Rifai (Prof. Mien Achmad Rifai, M.Sc.,Ph.D.) nan akrab diimbau Pak Mien lahia di Desa Gapura Tengah, Sumenep, Beliau Sabagai Ahli Botani Indonesia
- Achsanul Qosasi (Anggota VII Badan Pemeriksa Keuangan Republik Indonesia 2014–2019, Presiden Klub Madura United FC, Mantan Manajer Persepam Madura United,)
Salain itu banyak juo tadapek tokoah pajuang kamerdekaan nan layak manjadi Pahlawan nasional Indonesia Saperti:
- Trunojoyo, nan alah mambarikan parlawanan tahadok Kolonial Balando (VOC tahun 1677).
- Halim Perdana Kusuma salah satu pahlawan Nasional kalahiran Sampang nan taweh di samananjuang Malaya
- Kyai Taman, adolah saurang pajuang Islam nan gigiah manantang Balando pado tahun 1919
- Kyai Djauhari, mambuka cabang Hizbullah di Prenduan. Didirikan pado tahun 1944, Hizbullah adolah organisasi militer pamuda Majelis Muslimin Indonesia (Masjumi), organisasi nan bapangaruah sacaro nasional maso itu.
- KH. Abdullah Sajjad, salah satu pangasuah Pondok Pesantren An-Nuqayah salah satu pahlawan dari Kabupaten Sumenep.
- KH. Mawardi, salah satu pangasuah Pondok Pesantren Sumber Anyar salah satu pahlawan dari Pamekasan.
Madura masiah manyimpan banyak tokoah ulama saperti
- Syaikhona Kholil Bangkalan
- KH Bahaudin Mudhary
- K.Abdul Majid Bata-bata
- K.Moh.Ilyas Guluk-guluk
- K. Abdul Hamid Baqir Banyuanyar
- KH.M.Tidjani Djauhari
- KH. M. Idris Djauhari
- K.Jufri Marzuqi Sumber Batu (dianugerahi gala al-Syahidul Kabir oleh PBNU)
Kapicayoan
[suntiang | suntiang sumber]Mayoritas masyarakaik urang Madura hampia 100% baragamo Islam, bahkan urang Madura nan tingga di Madura buliah dikatokan 100% muslim. urang Madura takenal sangaik taaik dalam baragamo Islam, saperti halnyo urang Malayu atau urang Bugih nan juo sangaik manjunjuang agamo Islam dalam kahidupan sahari-hari. Salah satu saboknyo dengan adonyo Pondoak Pesantren nan tasebar di saluruah pulau madura. Misalnyo Pondoak-pondoak pesantren miftahul ulum panyepen, Pesantren Mambaul Ulum Bata-Bata, pondoak pesantren Al hamidiy banyuanyar Pondok Pesantren Darul Ulum Banyuanyar di Kabupaten Pamekasan, Pondok pesantren Annuqayah disingkat PPA pesantren nan talatak di desa Guluk-Guluk, Pondok Pesantren Al-Amin di Sumenep jo, Pondok Pesantren Syaikhona Kholil Bangkalan, Pondok Pesantren Attaraqqi Sampang, jo pesantren-pesantren lainnyo dari nan mampunyoi santri ribuan, ratuihan, jo puluahan nan tasebar di Pulau Madura. Pesantren-pesantren sangaik mangakar dalam kahidupan masyarakaik Madura karano pesantren indak sakadar mangajar ilmu agamo tetapi juo mampunyoi kiprah dalam kahidupan sosial kamasyarakaikan jo paduli pado nasib rakyaik ketek.
Karakter
[suntiang | suntiang sumber]Urang Madura dikenal dengan intonasi mangeceknyo nan kareh jo tadanga kasa. Walaupun bagitu inyo juo dikenal imaik, disiplin, jo rajin bakarajo. Salain itu urang Madura dikenal mampunyoi tradisi Islam nan kuek, sakalipun kadang malakukan ritual Pethik Laut atau Rokat Tasse (samo dengan laruang sesaji).[3] Sakali pun bapandapekan ketek pasti manyisiahkan sakatek panghasilannyo untuak simpanan naik haji.
Budayo Sosial
[suntiang | suntiang sumber]Harago diri jugo paliang pantiang dalam kahidupan urang Madura, inyo mampunyoi sabuah paribahaso lebbi bagus pote tollang, atembang pote mata. Artinyo, labiah ancak mati (putiah tulang) daripado malu (putiah mato). Sipek nan saperti iko malahiakan tradisi carok pado masyarakaik Madura, tetapi tradisi lambaik laun malamah sairiang dengan tadidiaknyo kaum mudo di palosoak desa, dahulu inyo mamakai kakuekan emosional jo tanago sajo, tetapi kini inyo labiah arif dalam manyikapi babagai pasoalan nan ado.
Ado pabedoan antaro Madura Timur (Sumenep jo Pamekasan) dengan Madura Baraik (Sampang jo Bangkalan). Urang Madura Timur dikenal labiah haluih baik dari sikap, bahaso, jo tatakrama daripado urang Madura Baraik.[3] Urang Madura Baraik labiah banyak marantau daripado Madura Timur.[3] Hal iko, disabokkan Madura Baraik labiah gersang daripado Madura Timur nan dikenal labiah subua.[3]
Rujuakan
[suntiang | suntiang sumber]- ↑ Kewarganegaraan, Suku Bangsa, Agama dan Bahasa Sehari-hari Penduduk Indonesia – Hasil Sensus Penduduk 2010. Badan Pusat Statistik. 17 Nopember 2011. ISBN 9789790644175. http://sp2010.bps.go.id/files/ebook/kewarganegaraan penduduk indonesia/index.html.
- ↑ Kewarganegaraan, Suku Bangsa, Agama dan Bahasa Sehari-hari Penduduk Indonesia – Hasil Sensus Penduduk 2010. Badan Pusat Statistik. 2011. ISBN 9789790644175.
- ↑ a b c d Melalatoa, M.Junus (1995). Eksklopedia Suku Bangsa di Indonesia. Departemen Pendidikan dan Kebudayaan RI.
Pautan lua
[suntiang | suntiang sumber]- http://media-kitlv.nl/all-media/indeling/detail/form/advanced/start/31?q_searchfield=martapoera Archived 2017-12-25 di Wayback Machine. Serdadu Madura di Banjarmasin.
- http://media-kitlv.nl/all-media/indeling/detail/form/advanced/start/70?q_searchfield=martapoera Archived 2017-12-25 di Wayback Machine. Perahu Madura di Banjarmasin.
