Henri Ratsimbazafy
I Henri Ratsimbazafy (Grand Officier de l'Ordre National Malgache 2009 ; Grand Croix de 2ème Classe de l'Ordre National de Madagascar - 29 mars 2018) dia mpanakanto malagasy fanta-daza ary manana ny maha-izy azy amin'ny tantara sy ny anatra an-kira (un des grands maîtres de l'opérette malgache).
Ny momba azy
[hanova | hanova ny fango]Mpanakanto Malagasy, mpihira sy mpamoron-kira ary mpanofana mpihira i Henri Ratsimbazafy. Teraka ny 29 mars 1933 tao Ankadifotsy - Antananarivo, Madagasikara, ary injeniera momba ny travaux publics izy rehefa avy nahazo vatsim-pianarana ka nandranto fianarana tany Nantes fony izy 17 taona. Noho ny zava-bitany ara-javakanto dia nahazo ny mari-boninahitra izay fanao ho an'izay efa nodimandry raha ny mahazatra.
Izy dia zaza faharoa avy amin'ny tokantrano tso-piainana anankiray izay nisy enina mianadahy. Ny rainy no nanorotoro azy ny momba ny mozika raha vao 7 taona monja izy. Notrandrahany teny izany ary nisy mpampianatra mozika nianarany izany tato aoriana. Ny asabotsy sy alahady dia niasa anaty orkestra madinidinika izy hanampiany ny fivelomany tany ampita, nanampy azy tamin'ny traikefany tokoa izany ny fiakarana an-tsehatra, ny fiatrehana mpijery sy ny fandaharana hira. Rehefa nody izy ny taona 1959 dia kisendrasendra no nahitàny ny fandraisam-peo an'i Roland Raelison, mpihira nalaza tamin'izany. Ary dia teo no teraka ny hetahetany hamoron-kira.
Ny sangan'asany
[hanova | hanova ny fango]"La chercheuse d'eau" sy "Chante ma valiha"[1] no tadidy hoe voalohany amin'ny hira noforoniny izany hoe tamin'ny teny frantsay ary tao anatin'ny faha-zanatany. Nitombo izany, ary nahafahany nandray anjara tamin'ny fifaninanana radiophonique tao Antananarivo ka nahazoany amboara. Izany rahateo no nahafahany nitsidika ny kaontinanta dimy na dia nanana ny asa fivelomany aza izy, ao ny Allemagne, Malawi, Sénégal, Mayotte, La Réunion... Raha atambatra dia mahatratra 270 ny hira noforoniny, amin'ny teny malagasy sy frantsay. Maro ny efa vakoka na tsy fantatry ny tanora intsony[2].
Anisan'ny ahafantarana azy ny fihirana amin'ny teny Frantsay sy Malagasy, indrindra tamin'ny taona enimpolo tany ho any. Tao koa anefa ny hira mitory ny fitiavan'Andriamanitra ary misy amin'izany no voarakitra ho Hira an'ny Fiangonana.
Taona vitsy izay dia nilaza izy fa hijanona tsy hanohy ny hira intsony, nefa ny faramparan'ny volana jolay 2014 dia nivahiny indroa miantoana teo amin'ny fahitalavitra Dreamin' izy hampahafantatra ny fiverenany amin'ny kanto indray, izay miendrika kabare, ao amin'ny paprika d'Antananarivo.
Ny hirany fantatra indrindra
[hanova | hanova ny fango]Na dia Disque Vinyl (45 tours) aza no nanaovany ny fandraisam-peo dia tsy lefy laza ny zavatra vitany hatraty amin'ny taona 2020.
"Ton Lamba blanc", "Veloma" [3]
"Tsy misy anenenako", "Taiza".[4]
"Revoir Tana", "Mademoiselle Rasoa",[5]
"Ny tsara indrindrako" [6]
"Foko kely feno ratra" [7]
Ny niara-niasa taminy
[hanova | hanova ny fango]Ny taona 1963 dia niara-niasa tamin'ny mpitendrin'ny Les Surfs izy [8].
- ↑ Henri Ratsimbazafy – Voahirina (Vinyl) - Discogs
- ↑ Henri Ratsimbazafy – Toi Qui Regrettes / Le Mexicain / Quand Le Soleil Était Là / Roses Blanches De Corfou (Vinyl) - Discogs
- ↑ Encyclopédisque - Recherche (encyclopedisque.fr)
- ↑ Henri Ratsimbazafy – Tsy Misy Anenenako / Taiza (Vinyl) - Discogs
- ↑ H. Ratsimbazafy Et Beby – 2è Grand Prix De la Chanson Française à Madagascar (1963, Vinyl) - Discogs
- ↑ tresserve.chez-alice.fr/voahirana/page16.html
- ↑ Henri Ratsimbazafy - Foko Kely Feno Ratra / Lavitry Ny Maso mp3 flac download free (music-ape.com)
- ↑ Les années surfs pour Henri Ratsimbazafy et Isabelle Rabaraona-nocomment