Anamamy

Ny anamamy dia zavamaniry ahitra misy voniny sy ravina mivelatra. Misy amin' izy ireo ny avy any Amerika, any Melanezia, any Ginea Vaovao ary any Aostralia.

Maro ny anarany ara-tsiansa ka anisan' izany ny hoe Solanum americanum Mill. sy ny hoe Solanum nodiflorum. Indreto ny anarany hafa amin' ny teny malagasy: anamamy, anantsatria, anantsindrana, avaizo, bemine ary mailo.

Ity zavamaniry ity dia nentina novolena any amin' ny ankamaroan' ny faritra trôpikaly amin' ny faritr' i Pasifika sy amin' ny faritry ny Ranomasimbe Indiana, anisan' izany i Hawaii, i Indôsina, i Madagasikara ary i Afrika, mety tamin' ny fitondran' ny olona nifindra monina any amin' ireo toerana ireo.

Ny anamamy dia iray amin' ireo karazan-javamaniry miparitaka be indrindra sy miovaova ara-endrika ao amin' ny fizarana Solanum. Mety hafangaro amin' ny karazana anamamy hafa ao amin' ny toy ny voanantay (Solanum nigrum) izy.