Поза

Поза — кунардонь мокшень симомбяльсь. Поза пицесть озксонди, оцю иланди.

Поза мокшень койса

Мокшетнень ульсь тяфтама койсна — Авань поза. Тя илась ётафневсь Очижида меле фкя таргань ётазь. 30 кудста аватне пуромкшнесть фкя оцю кудс, каннесть мархтост алхт, пачат, почфт эди марса пицесть авань поза. Фкя-фкянь каванямста, арьсекшнесть велеряйснонды пара сёронь шачема, мекпяли ся кудста, коса пидефоль авань позась, кукшеннять каннезь ся куду, коса тяфтама ила ётафтови сай кизоть.

Позань пидемась

Цебярь позать пидемац тевсь аф тёждяль. Васень пингть сонь пицезь розень почфста, а меле ламбама якстеряпсста. Розень почфста позать тиемста аноклакшнесть солод, сон тиендевсь касфтф сёраста. Тя розть яжафнезь кядьгевса эли томбсезь шоварняса. Солодть шоворькшнезь розь почф мархта, кайсесть ёткозонза ведь эди путнезь цюгунца пянакудс 2 — 3 шинди. Паряф солодть меле кайсезь оцю, кели парьс. Кайсесть парьти юфт, шорсезь паряф солодть мархта ди тага путнезь пянакуду. Омбоцеда парямда меле, меки кайсезь парьняв ди пяшкотькшнезь парьнять лакай ведьса. Нолдаф суслать кельмофнезь, а меле шапафнезь.

Кяльвалсь

• Энциклопедия «Мордвась» Саранск, 2006 к. 274-275 лл. (руз.)