Agus Salim
Galat skrip: tidak ada modul tersebut "Infobox Wikidata".
H. Agus Salim lahèr kalabân nyama Masjhoedoelhaq sè ngaghungi artè "pembela kebenaran". Dhibi'èn lahèr 8 Oktober 1884 bân dhinggâl omor 4 Novèmber 1954. H. Agus Salim èngghi panèka sorang pejuang kamardhikaan Indonèsia. Dhibi'èn ètettepaghi mènangka sala sèttong pahlawan nasional Indonèsia ka 27 Dèsèmber 1961 lèbât kendil Prèsiden Indonèsia nomer 657 taon 1961.[1] Lalakon sè bhândhreng èngghi panèka mènangka orator bân penulis. Agus Salim ngoasaèh empa' bhâsa asèng nèng èropa (Bhâsa Belanda, Bhâsa Inggris, Bhâsa Jèrman bân Bhâsa Prancis), Bhâsa asèng nèng tèmor tengnga (Bhâsa Arab bân Bhâsa Turki) kalabân Bhâsa Jeppang.
Carèta odi'
[beccè' | beccè' sombher]Agus Salim lahèr dâri pasangan Soetan Salim bân Siti Zainab. Kalaghungan tèrahèr eppa'èn èngghi panèka jhâksa kapala nèng Pangadilân Tènggih Riau.[2]
Pendidikan dâsar ètempo nèng Europeesche Lagere School (ELS), sakolah khusus kaangghuy na'-ana' Eropa. Pas èlanjutaghi nèng Hoogere Burgerschool (HBS) Koning Willem III (Kawedrie) nèng Batavia. Bilâ ampon lulus, berhasil dhâddhi alumni palèng bhâghus neng HBS se-Hindia Belanda.
Saamponah lulus, Salim alakoh mènangka penerjemah bân pembantu notaris è kongsi pertambangan è Indragiri.
è taon 1906, Salim mangkat ka Jeddah, Arab Saudi kaangghuy alakoh nèng duta bessar Belanda è dissa. Nèng periode panèma Salim aguruh ka Syaikh Ahmad Khatib, se panèka ghi' anommah.
È taon 1912-1915, Salim mokka' sakola dâsar abhâsa Belandâ, Hollandsch-Inlandsche Scholl (HIS). Pas è taon 1915 dhibi'èn maso' ka kalakowan jurnalistik è Harian Neratja mènangka bâkkèl Redaktur. Salastarènah ghâpanèka è angka' dhâddhi Ketua Redaksi. Agus Salim abinih sarèng Zaenatun Nahar Almatsier bân andi' 10 ana'. Kalakowanna e dâlâm jurnalistik tèrros ajhu sampè' ahèrra dhâddhi Pimpinan Harian Hindia Baroe è Jakarta. Salastarènah ghâpanèka abangun Surat kabar Fadjar Asia. Bân èlanjutaghi dhâddhi Redaktur Harian Moestika è kottah Yogyakarta bân mukka' kantor Advies en Informatie Bureau Penerangan Oemoem (AIPO). Abhârèngan sarèng ghâpanèka dhibi'èn maso' ka politik dhâddhi pamimpin Sarekat Islam.
Karjâ Tolès
[beccè' | beccè' sombher]Riwayat Kedatangan Islam di Indonesia
Dari Hal Ilmu Quran
Muhammad voor en na de Hijrah
Gods Laatste Boodschap
Jejak Langkah Haji Agus Salim (Kumpulan karya Agus Salim yang dikompilasi koleganya, Oktober 1954)
Karya Terjemahan
[beccè' | beccè' sombher]Menjinakkan Perempuan Garang (dari The Taming of the Shrew karya Shakespeare)
Cerita Mowgli Anak Didikan Rimba (dari The Jungle Book karya Rudyard Kipling)
Sejarah Dunia (karya E. Molt)
Karier Politik
[beccè' | beccè' sombher]È taon 1915, H. Agus Salim agabung sareng Sarekat Islam bân dhâddhi pemimpin kaduwâ' samarèna Oemar Said Tjokroaminoto.
Peran H. Agus Salim è masa perjuangan kamardhikaan Indonesia èngghi panèka:
anggota Volksraad (1921-1924)
anggota Panitia Sembilan dâlâm Badan Penyelidik Usaha-usaha Persiapan Kemerdekaan sè asiapaghi UUD 1945
Menteri muda Lowar Negeri Kabinet Sjahrir II 1946 bân Kabinet III 1947
pembukaan hubungan diplomatik Indonesia sareng negara-negara Arab, terutama Mesir è taon 1947
Menteri Lowar Negeri Kabinet Amir Sjarifuddin 1947
Menteri Lowar Negeri Kabinet Hatta 1948-1949
È antara taon 1946-1950 dhibi'en akadhi bintang cemerlang dâlâm pergolakan politik Indonesia, saèngghâ kerap kali ègelari "Orang Tua Besar" (The Grand Old Man). Dhibi'en jughân pernah ajabat Menteri Lowar Negeri Indonesia è kabinet presidensial bân è taon 1950 sampè ahèr hayatdeh èparcajâ mènangka Penasehat Menteri Lowar Negeri.
È taon 1952, dhibi'en menjabat Ketua è Dewan Kehormatan Persatuan Wartawan Indonesia. Makkè epon penana tajâm bân kritikanna peddhes namong Haji Agus Salim èkenal pagghun ngormatè batas-batas bân ajunjung tèngghih kode etik jurnalistik.
Samarèna gundurkan diri dâri dhunnyah politik, è taon 1953 dhibi'en ngarang buku sè judul Bagaimana Takdir, Tawakal dan Tauchid harus dipahamkan? Sè lantas èperbaiki dhaddhi Keterangan Filsafat Tentang Tauchid, Takdir bân Tawakal.
Dhibi'en dhinggâl dhunnyah è 4 November 1954 è RSU Jakarta bân èmakam aghi è Taman Makam Pahlawan Kalibata, Jakarta. Nyamana satiya è abadiaghi kaangghuy stadion sepak bola è Kotta Padang.
Dâlem Budhâjâ Populer
[beccè' | beccè' sombher]Dâlem film Tjokroaminoto: Guru Bangsa (2015), Agus Salim èperan aghi sareng Ibnu Jamil.
Dâlem film Moonrise Over Egypt (2018), Agus Salim èperan aghi sareng Pritt Timothy.
Dâlem film Buya Hamka (2023), Agus Salim èperan aghi sareng Pritt Timothy.
Sombher
[beccè' | beccè' sombher]- Matanasi, Petrik (4 November 2017). "Memimpin Itu Menderita, Seperti Agus Salim". tirto.id. Diakses tanggal 3 Februari 2024.
- ↑ Adryamarthanino, Verelladevanka dan Widya Lestari Ningsih. "Biografi Agus Salim, "The Grand Old Man" Indonesia". Kompas.com. 2022-04-13. Aksès 2023-11-17.
- ↑ Deezan, Yadi. "KH. Agus Salim". Moeslim.id. 23-09-02. aksès 2023-11-17.