Witty
![]() |
Quest articol chì l'è scrivud in lombard, con la Noeuva Ortografia Lombarda |
Witty a l'è stad un worm che 'l tacava firewall e alter software de sigurezza desvilupad de l'azienda Internet Security Systems e l'è el prim worm cognossud a doperà propi i vulnerabilità di software de protezzion per spantegàss, pussee de precis una vulnerabilità in l'analisi del protocoll ICQ.
L'è in general considerad un "worm di primad": oltra al tipo di vulnerabiità l'è anca retegnud el prim worm che 'l s'è spantegad tant con dent un payload destrutiv, el prim a spantegàss aposta in d'una popolazzion che la se protesg, el prim a spantegàss apena cognossuda la vulnerabilità e a spantegàss diretament e senza un cresser esponenzial.
Ciamad inscì per una fras in del payload, el 19 de marz 2004 l'ha tacad a infetà di host e in mez'ora l'ha infetad 12'000 computer e generad 90 Gbps/s de trafegh UDP. El provava a spantegàss in su 20'000 IP catad foeura random pussee a la svelta che se po e, intant, el tacava a scriver roba random in su l'hard disk, inscì de danegià el file system e obligà a 'na formatazzion.