Wellington
|
Quest articol chì l'è scrivud in lombard, con la Noeuva Ortografia Lombarda |
Wellington a l'è la capitala de la Noeuva Zelanda e de la region de Wellington, a l'è la segonda cità del paes per popolazzion, dopo de Auckland, con 215.900 persone in de la cità e 439.200 in de la cità metropolitana (che la ciapa denter anca i center de Porirua, Upper Hutt e Lower Hutt) (sgiugn 2021). De sorapu Wellington a l'è anca la capitala de Stat sovran pussee a sud del mond[1]. El nom a l'è stad dad in onor de l'Arthur Wellesley, duca de Wellington, che l'ha vensgiud la bataja de Waterloo.
Storia
[Modifega | modifica 'l sorgent]El sit de incoeu de Wellington a l'è stad abitad de divers grup Māori del secol XII. El se dis che l'esplorador legendari polinesian Kupe el sia stad in de la zona in del 925 circa.[2] Un olter esplorador maori, Whatonga, l'ha ciamad la zoca de Wellington Te Whanganui-a-Tara per el so fioeul Tara.[3]
La cità de Wellington l'è nassuda in tra el 1839 e 'l 1840 cont el rivà di europee, i prim in su la nav Tory el 20 de setember del 1839, e poeu in su la nav Aurora el 22 de sgenar del 1940, che se stabilissen arent a la boca del fium Hutt. La ciapa el nom de incoeu in del november del 1840. La cità la diventa capitala de la Noeuva Zelanda in del 1865, in de la cità a troeuvom el Governo e el Parlament, la Cort Suprema e la pupart di servizzi publegh statai.
Geografia
[Modifega | modifica 'l sorgent]La cità la se troeuva in de la guzza sud-ovest de l'Isola del Nord, a nord del Strecc de Cook e a sud de la cadena di mont Remutaka. Wellington la gh'ha havud dagn seri in pussee terramot in del 1848[4] e de un olter in del 1855.
Note
[Modifega | modifica 'l sorgent]- ↑ (2008) Guinness World Records 2009. London, United Kingdom: Guinness World Records Ltd, 277. ISBN 978-1-904994-36-7.
- ↑ Waitangi Tribunal (2003). Te Whanganui a Tara me ona takiwa : report on the Wellington District.. Wellington, N.Z.: Legislation Direct, 13. ISBN 186956264X. OCLC 53261192.
- ↑ Waitangi Tribunal, Te Whanganui a Tara me ona Takiwa, page 18, https://forms.justice.govt.nz/search/Documents/WT/wt_DOC_68452530/Wai145.pdf Archiviad chi: [1]
- ↑ The 1848 Marlborough earthquake – Te Ara: The Encyclopedia of New Zealand. Teara.govt.nz (30 March 2005).
Ligam de foeura
[Modifega | modifica 'l sorgent]Alter proget
[Modifega | modifica 'l sorgent]
Wikimedia Commons el gh'ha dent imagin o alter archivi su Wellington
Wikivoyage el gh'ha dent Informazzion turisteghe su Wellington