Potenza sonòra

Quest articol chì l'è scrivuu in lombard, grafia milanesa.

La potenza sonòra or potenza acustica a l’è la quantità de energia sonòra mandada foeura, reflettuda, transmissa o recevuda, per unitàa de temp . A l’è definida come "el prodòtt de la pressión sonòra e la componént de la velocità di partìcol, ind on pont in su la superfice adrée a la direzión perpendicolàr a la superfice medèsima, integrada sora quèlla superfice là". L’unità de misura in del Sistèma internazional de la potenza sonòra l’è el watt (W). La potenza sonòra l’è definida come la potènza che la sortìss de ‘na superfice che la circuìss la sorgént. Per ona sorgént sonòra, diversamènt de la pression sonòra, la potenza sonòra la dipend né de l’ambiént né de la distanza ma domà de la sorgént. La pression sonòra a l’è ona proprietà del camp sonòr ind on cèrt pont del spazzi, ligada a la potenza totàl emissa de la sorgént sonòra in tucc i direzión. La potenza sonòra che la passa travèrs on’area la ven di vòlt ciamada fluss sonòr o fluss acustich travèrs quèll’area là.

Vos correlad

• Pression sonòra
• Livèll de pression sonòra
• Livèll de potenza sonòra