Nicolò II d'Est

Quell articol qì l'è scrivud in Lombard, cond l'ortografia Scriver Lombard.

Ol Nicolò II d'Est (1338-1388), ciamad ol Zop, l’è stait un nobel lombard, member de la Cà d'Est, marqes de Ferrara del 1361 fin a la so mort.

Biografia

Infanzia

L'era s'ciet del Sior de Ferrara, Modena e Parma, Obiz II, e de la so moier, Lipa Ariost.

Ol poder

Ind el ciapar ol poder sora i so stats, l'ha fait lianza coi Sior de Padova, Verona e Mantova contra ol Bernabò Viscont. Ind el 1362 l'è indait con tuta la so cort a incontrar la Verda de la Scala (qe l'havress sposad l'istess ann), a la porta de Formignana.

Ind un inconter a Viterb ind el 1367 l'ha otegnid la protezion del papa Urban V. Intratant Rej l'era tirada vià a'l Feltrin Gonzaga e vendida a'l Bernabò Viscont e Faenza, qe l'era apena staita ciapada, l'era conquistada del Astor I Manfred.

Ferrara

Con la so sioria, Ferrara l'ha començad a ciapar la reputazion de citaa meraveiosa. Ol marqes l'ha aidad a far plu bei tants monuments citadin, e l'ha inviad la costruzion del Castell Estens despos d'una revolta popolar del 1385.

Mort

L'è mort ol 26 de marz del 1388 e ol so funeral l'è stait celebrad ind el Venerdé Sant. A dispet dei convenzion, tute i campane de la citaa i ha sonad a martell. Ol so sucessor l'è stait l'Albert V d'Est.

Referiments

(IT) Graziano Gruppioni, LA NOSTRA STORIA Storie di storia ferrarese, Ferrara, 2G Editrice, 2010.
(IT) Luciano Chiappini, Gli estensi. Storia di mille anni, Ferrara, Corbo Editore, 2001. 9788882690298
(IT) Ludovico Antonio Muratori. Delle antichità Estensi. 1717, Modena;
(IT) G. B. Pigna. Historia dei Principi d'Este. 1570, Ferrara.
(IT) Marco Antonio Guarini, Compendio historico dell'origine, accrescimento, e prerogatiue delle Chiese, e luoghi pij della citta, e diocesi di Ferrara, e delle memorie di que' personaggi di pregio, che in esse son sepelliti: ... opera non meno curiosa che diletteuole descritta per D. Marc'Antonio Guarini ferrarese, Ferrara, heredi di Vittorio Baldini, 1621.

Olter projets

Wikiquote el gh'ha dent citazzion de o su Nicolò II d'Est
Wikimedia Commons el gh'ha dent imagin o alter archivi su Nicolò II d'Est