Mascarpon
Quel articul chì l'è scrivüü in Lumbard, cun l'urtugrafia insübrica ünificada. |
Mascarpon | |
---|---|
![]() | |
Origen | |
Pòst d'origen | ![]() |
Region | Lombardia |
Area de produzion | Pianura Padana (in particolar pruvincia de Lod) |
Dettaj | |
Categoria | formai |
Reconossiment | P.A.T. |
Settor | Formai |
El Mascarpon (o anca Mascherpon) l'è un furmài fresch ricavad da la laurassion d'la panera cun l'àcid cìtrich o àcid acétich. L'è un prudut morbid e cremus, dal saur duls e da l’aroma incunfundìbil de pana.
Urìgin
[Modifega | modifica 'l sorgent]L'è tìpich d'la Lumbardìa e in particulàr de la Pruincia de Lod e de la cità de Abià. L'è ricunisid dal Minister d'le Pulìtiche Agrìcule, Alimentar e Furestal cume prudut tradissiunal italian[1].
I sò urìgin i en miga cunusside, ma la sò prudussion e el sò cunsüm i gh'han almen 800 an. Difati l'è citad ind un ducümént dal XII secul e anca ind el famus Summa Lacticiniorum dal 1477 dal verceles Pantaleone da Confienza.
La sò prima prudussion par che la sia avegnüda tra le pruince de Mantua, Cremuna e Lod.
El num
[Modifega | modifica 'l sorgent]Scunda el giurnalista Giuan Brera el sò num el vegn da 'na cassina che la se ciameva Mascherpa, specialisada ind la sò prudussion, che la se trueva al cunfin tra le pruince de Milan e Pavìa. Mascherpa l'è un cugnum tìpich d'la zona.
Àltor linguista, tra i quai J.L. Hubschmied, i pénsun invece che'l vegna da la füsión de dù parole d'i antich gal: makko che la vör dì fiöl e skarpa che la stà par separassion. El num el vuraress donca dì, prudut de la separassion (de la panera dal sarun dal lat)[2].
Gh'è però un'altra spiegassion che la fà curispund la sò denuminassion a l'espression spagnöla màs que bueno (püssè che bon) druada par la prima volta da un nòbil de curt ind el méntor de la duminassion spagnöla d'la Lumbardìa.
Prudussion
[Modifega | modifica 'l sorgent]Tradissiunalment el mascarpon el vegneva fai apena ind i stagion püssè frege, méntor incö l'è un prudut che'l se tröva tüt l'an.
Curiusità
[Modifega | modifica 'l sorgent]- Se dis che Napuleon, par preparà i sò suldà a la Bataia dal punt de Lod, l'eva fai preparà 'na sena energética a bas de paneron e mascarpon;
- L'è vün d'i ingredient dal Tiramisù.