Elezion presidenziai in Franza del 2017

Quest articol chì l'è scrivuu in lombard, grafia milanesa.

Elezion presidenziai in Franza del 2017
Stat		France
Data		23 de april e 7 de magg del 2017
Candidads		Emmanuel Macron	Marine Le Pen
Partid		En Marche	Front National
I tornada		8 528 585 23,86 %	7 658 990 21,43 %
II tornada		20 703 694 66,06 %	10 637 120 33,94 %
President frances de prima
François Hollande
2012

I Elezion presidenziai in Franza del 2017 hinn staa el 23 de april e el ballottagg el 7 de magg del 2017 per elegg el President de la Franza che 'l vegnarà dopo del François Hollande. A la fin l'è staa elegiuu l'Emmanuel Macron.

Modalità

El President de la Franza l'è elegiuu ogni 5 agn de tucc i cittadin frances, cont on sistema uninominal e cont on ballottagg se al primm turn nissun el riva al 50% 1 di sched a sò favor. Per vess candidaa vun el gh'ha de mandà al Consili Costituzional almen 500 firm de elett, nazionai o locai, (hinn 42000 chi che poden firmà), cattaa in almen 30 dipartiment. El 23 de marz del 2017 hinn staa publegaa i candidaa oficiai.

I candiaa

I candidaa eren:

• Marine le Pen del Front National
• Emmanuel Macron di En Marche!
• François Fillon di Les Républicains
• Benoît Hamon del Partii socialista franzes
• Jean-Luc Mélenchon de La France insoumise
• Nicolas Dupont-Aignan de Debout la France
• Nathalie Arthaud de Lutte Ouvrière
• François Asselineau de Union populaire républicaine
• Philippe Poutou del Nouveau Parti Anticapitaliste
• Jacques Cheminade de Solidarité et progrès
• Jean Lassalle de Résistons

Sondagg de opinion

I primm sondagg de opinion per el primm turn daven ciarament prima la Marine le Pen cont el 25% circa, per el segond turn el somejava favorii finna a metà febrar 2017 el Fillon, che però per di scandol e di noeuv lianz el lassa spazzi al Macron.

A la fin, per i sondagg, la gara l'ha res'ciaa de vess a quater: Anca se 'l favorii l'è restaa Macron, anca Fillon e Mechelon i gh'aveven di possibilità, ma la Le Pen l'è dada squasi certament al ballottagg.

Per i sondagg del segond turn sia Macron che Fillon avarien poduu batt la Le Pen cont el 55-60%, ma poeu s'hinn volzaa al 60-62 dopo del passagg de Macron e Le Pen al ballottagg.

Resultaa

Primm turn

I resultaa per dipartiment

Candidaa		Partii	Vot	%
	Emmanuel Macron	En Marche!	8.528.585	23,86 %
	Marine Le Pen	Front National	7.658.990	21,43 %
	François Fillon	I Republegan	7.126.632	19,94 %
	Jean-Luc Mélenchon	La France insoumise	7.011.856	19,62 %
	Benoît Hamon	Partii socialista franzes	2.268.838	6,35 %
	Nicolas Dupont-Aignan	Debout la France	1.689.686	4,73 %
	Jean Lassalle	Resist!	433.996	1,21 %
	Philippe Poutou	Noeuv Partii Anticapitalista	392.454	1,10 %
	François Asselineau	Union Popolar Republegana	329.951	0,92 %
	Nathalie Arthaud	Lotta Operaria	231.660	0,65 %
	Jacques Cheminade	Solidarietà e Progress	65.076	0,18 %
Total			36.681.113	100 %

Font: Ministère de l'intérieur

Second turn

Resultaa per dipartiment (Le Pen in gris e Macron in giald)

Candidaa		Vot	%
	Emmanuel Macron	20 703 694	66,06
	Marine Le Pen	10 637 120	33,94