Dissoluzion (qimega)

Quell articol qì l'è scrivud in Lombard, cond l'ortografia Scriver Lombard.

La dissoluzion de gas, liqueds o solids denter un liqued o un olter solvent l'è un process a travers del qual un solud (de forma gassosa, liqueda o solida) el va a formar una soluzion ind el solvent istess. Le soluzion solide i è el resultad de la dissoluzion de un solid denter un olter, 'me sœced prexempe cond i metai. Ind el cas de un solid cristallin qe el se dissolve ind un liqued, la strutura cristalllina la g'ha de vesser disintegrada fina a rivar al pont de lassar indar i atom, ion o molecole qe i la fava sœ. Per i liqueds e i gas l'è in jeneral plœ agil la formazion de una soluzion; la se forma quand qe le molecole i è bone de formar interazion intermolecolare miga covalente cond le molecole del solvent. La dissoluzion l'è de importanza granda grandenta in tœts i process qimeg, naturai e miga-naturai, e le prœve de dissoluzion i è doperade fess ind l'industria. Se pœl far distinzion intra solvatazion, dissoluzion e solubilità.