Civilization III

Quest articol chì l'è scrivuu in lombard, grafia milanesa.

Quella vos chi la gh'ha mìnga dì font o a hinn tròpp pocch. Per piesè, gionta di font a la vos.
Per avè on'ideja di alter vos senza font, vardee chichinscì.

Civilization III a l'è staa on videogioeugh faa de la Firaxis Games in del 2001. A l'è staa el primm gioeugh de la serie desviluppaa del Soren Johnson e mìnga del Sid Meier.

Meccanism

Meravili

In del gioeugh a gh'è i grand meravili, che pòden vess faa su domà 'na voeulta in tutta la partida, e i meravili piscininn, che pòden vess faa su 'na voeulta per civiltà. Tucc i meravili dann on vantagg al giugador che i ha faa su e, tipicament, a tutt el mond per quej grand, a nivell militar, economich o social.

Etnica

Ogni zittadin el gh'ha on background etnich che 'l cambia minga 'na voeulta conquistaa: Se per esempi la Russia la conquista 'na città di American i zittadin resten american, e domà i noeuv zittadin sarann russ. I zittadin forestee a hinn pussee fazil a la revoeulta e a l'infelicità, soratutt se la civiltà dominanta a l'è in guerra con la soa.

Coltura

Ogni città la gh'ha 'na coltura, al principi bassa, ma che la se volza cont el sò desvilupp. La coltura la serviss a slargà i confin del Stat e a ciappà i città forestee per domini coltural. A l'è anca possibil vincc cont on Imperi assee accolturaa.

Armaa

A l'è possibil unì trè unità per formà 'n armada, cont on leader vittorios o 'n accademia militara, che permett de taccà con pussee forza i nemis.

Resors

A gh'è di resors che permetten de fà su di particolar edifizzi e unità. I resors a hinn:

Ben de luss

A gh'è anca di ben de luss, che permetten de fà content on zittadin che l'è infelis. A hinn:

Corruzion

A gh'è la possibilità che in di città la ghe sia la corruzion, a segonda de la distanza de la capital e de la forma de governo. Cont la Polizia, el Tribunal, el Palazz Proibii e i connession a la capital a l'è possibil sbassà la corruzion.

Recojenza

El gioeugh, anca se l'è sortii cont on quaj bug che l'ha obligaa a fà 'na patch pocch dòpo, a l'è staa valutaa ben de la critica e de l'utenza.

Vos correlaa