Calzetta
La calzetta a l'è 'n tocch de la biancheria intima de tesuu che 'l quatta el pee e almen 'n tocch de la caviggia. Tradizionalment eren doperaa di omen e di tosann preadolescent, vist che poeu i donn doperaven i colz. Al dì d'incoeu 'sta differenza chì l'è dré a slontanàss, e i donn doperen i calzett despess, anca se in di occasion pussee formai l'è doperaa anmò la calza tradizionala o 'l collant.
In d'on poo de coltur l'è tradizion mett ona calzetta che l'è impienii di cadò e di dolz da la Befana o dal Bobà Nedal. In Russia inveci se doperaven no i calzett, e anca i soldaa finna ai agn 1970 gh'aveven i pezz de pee. Vist che in Russia l'è comun cavàss i scarp prima de andà dent in d'ona cà eren doperaa di sciavatt de legn ciamaa lapti.