Anell del pescador
|
Quest articol chì l'è scrivud in lombard, con la Noeuva Ortografia Lombarda |
L'anell del pescador (Annulus piscatorius in latin) a l'è vuna di insegne del Papa che ghe dann in la Messa del principi del ministeri pedrin: el met, tant 'me l'anell del vescov, in sul sposin drit, e l'è fad diferent per ogni pontefice, con la tradizzion del secol XIV de metegh el san Peder cont i red de pesca inveci di evangelista, che però l'è no semper respetada, con di Papa che hann mitud el Peder con di alter simboi e 'l papa Franzesch che 'l gh'ha metud di simboi cristian generich.
Doperad almen del 1265, ann che l'è tirad a man in d'una letera, fina al 1842 a l'è stad el sigill del Papa, in quell ann a l'è bandonad e l'è doperad un timber e insì el resta domà simbolegh. Quand che 'l Papa el moeur o el renonzia l'anell a l'è annullad: un temp a l'era propi destrugad ma, cont el passà de la Universi Dominici Gregis, el basta bifàll, o ben metegh sora un gran marchi. Oltra che a la reson pratega de permetégh a nissun de doperàll per firmà di ducument noeuv cont i insegne del Pontefice, a l'è deventad anca el simbol del facc che, in sede vacante, nissun el po sostituiss al Papa legitim.
Riferiment
[Modifega | modifica 'l sorgent]Alter proget
[Modifega | modifica 'l sorgent]
Wikimedia Commons el gh'ha dent imagin o alter archivi su Anello del Pescatore