Woofhaag

Dit artikel is gesjreve in 't Valkebergs. Ómdat 't plaatsgebónge is, maogs doe 't ómzètte nao 't Völzer, es te dit dialek sjpriks.

---

Woofhaag (Nederlands: Wolfhaag) ies 'n buurtsjap van Vaols in 't utersjte zuudoaste van Nederlands Limburg. Haag in de naam beteikent hègk es besjerming rónd 'n terrein (tege wolve?). In de buurt zint miè veldname te vinge mèt haag d'r in: Volserhaag, Knopshaag en Reutershaag. De beboewing van 't gehuch ies gelege rónd de waeg Woofhaag, de Gemmenicherwaeg, de Meelenbroekerwaeg en de Sjöttebergswaeg op de grens mèt 't Belsj. Hie bevingk ziech 'ne grenseuvergank nao 't Belzje Gemmenich op 'n huègde van 275m bove AP. In 2003 wone d'r 110 luuj.

Gesjiedenis

In de 14e ièw weurt Woofhaag geneump vanwege accijns, die betaald zint gewore door de gebreursj de Wolfhagen aan de abdij Burtscheid in Burtscheid in (Aoke).

Bezeenswaerdig

• Tot de Woofhager-Rotte huèrde vreuger de haof Weijer en de watermeule aan de Weijerwaeg.
• Op de Woofhagerhei (Sjöttebergswaeg) liek 'n aantal vakwerkhoezer.
• Hie bevingk ziech ouch 'n oorlogsmonument oet 1949.