Witte koekoeksbloom

Dit artikel is gesjreve (of begós) in 't Norbiks. Laes hie wie v'r mit de versjillende saorte Limburgs ómgaon.

---

Witte koekoeksbloom ♂

Silene latifolia

De witte koekoeksbloom (Silene latifolia subsp. alba, synoniem: Melandrium album) is 'n plaant oet 't Silenegesjlacht van de familie Caryophyllaceae. 't Is 'n bies 1 m hoeëg algemèng vörkaomende plaant. D'r saoërtnaam is gebaseerd óp de kleur.

De behäörde sjtengele zeunt recht opgericht en vertakt. De blajjer sjteunt paarsgewies aan d'r sjtengel.

De blome haant vief witte, deep ingesjnaoëje kroeënbledsjes. De bleujperiode is van mei bies oktober, mae in 2009 bleujde ze nog begin december. De vrucht is, zjuus wie bie alle Caryophyllaceae 'n mèt teng ópsjpringende doeësvrucht, die sjterk geliekt óp 'ne groffelsnagel.

Väörkome

De plaant sjteet óp voedselrieke besjaduwde plaatsje die mèt graas bewase zeunt . 't Versjpreidingsgebied bereikt in Europa z'n noordgrens in Scandinavië, de zuidgrens löpt in Noord-Afrika, nao 't ooste toe keumt ze vör bies 't Baikalmeer.