Sjwats Wies
- Dit artikel is gesjreve in 't Valkebergs. Ómdat 't plaatsgebónge is, maogs doe 't ómzètte nao 't Kirchröadsj, es te dit dialek sjpriks.
Sjwats Wies ies 'n cabaretduo oet Kèrkrao, dat besjteit oet Jack Vinders en Roger Lataster. Vinders en Lataster sjpele es Sjwats Wies dèks de zuustersj Mimi en Clara Zoerbier.
Sjwats Wies besjteit sins 1993 en maak sins 1996 aovendvullende cabaretprogramma's. Sins 1997 sjpele ze jaorliks de keersjveursjtèlling Kribkroame. Ouch ies Sjwats Wies dèks te gas op vastelaovesziettinge in Nederlands Limburg. In 2010 geit Sjwats Wies sjtoppe; zie sjpele hun aafsjeidsveursjtèllinge Sjloes in juni van dit jaor in Kèrkrao.
Sjwats Wies brach drie cd-singles oet. In 2004 versjeen 't sjtripbook Mimi & Clara in Sjwats/Wies. In 2009 kreeg Sjwats Wies de Sjwatse Kater oetgereik op 't jalabal van de Kirchröatsjer Vasteloavends Verain Alaaf Kirchroa 1936.
Discografie
[bewirk | brón bewèrke]- 't Liettie Liettie (single, 2002)
- Los d'r Laudie flöte (single, 2004)
- Las va zin in sjpas (single, 2007)