Os Moddersproak
Dit artikel is gesjreve (of begós) in 't Norbiks. Laes hie wie v'r mit de versjillende saorte Limburgs ómgaon.
Os Moddersproak is 'n sjtichting van d'r neerlandicus Jean Frins oet Landgraaf. Frins publiceerde in 2005 z'n sjtudie uvver wat Ad Welschen 'n jaor later 't Driejlandelimburgs genump haat[1]: de sjtrieëktaal van 't Driejlandgebied (Zuidoost Limburg, de regio Aoke en 't aangrenzende deel va Belsj n.l. va g'ne Blieberig bies Raore en va Hommerig bies Eupe). Op z'n laezinge c.q. oonderzeuksmomaente wert Frings begeleid dör Lei Heijenrath, besjtuurslid va Veldeke Limburg en lid van d'r Raod veur 't Limburgs. Frins haat 'ne bezoondere zinsboew oontdèkt in dizze regio dae neet gebroekd wert en och neet mäögelek is in de sjtandaardtale, 't Nederlands, 't Duutsj of 't Fraans. Oet beväörbeeld de constructie Dae sjnuuts èt zich good dör keender makt e óp dat 't hie öm 'n ègesstjendige taal zów goeë. (kiek ooch: baar (etymologie))
Website
[bewirk | brón bewèrke]De website van Os Moddersjproak neumt 't Drielandelimburgs 'n volkstaal. De site bevat artikele in driej zogenaamde kultuur- of officieel tale in dit gebied, n.l. 't Nederlands, 't Duutsj en 't Fraans.
Drielandetaalfestival
[bewirk | brón bewèrke]Frins is d'r initiator van 'n Drielandefestival, 'n programma vool mèt zaank, muziek, poëzie en verhaole, oeëbie èèderèè z'n èège dialek gebroekt.
- D'r tournee gèèt va sjtart in oktober 2007. 'n Speciaal vör dit doel gesjraeve toneelsjtuk De Jow Adres, mèt 'n internationaal bezètting mèt lifs ach versjillende dialekte van 't Driejlandelimburgs, wert da opgeveurd.
- In 2008 wert d'r ooch wer 'n driejlandefestival georganiseerd mèt óptraejes van o.m. troubadour Jan Diederen en d'r sjriever Leo Wintgens.
- In 2009 wert d'r ooch wer 'n driejlandefestival georganiseerd mèt óptraejes van o.m. Jan Hendriks va Carboon en d'r troubadour va Eupe d'r Hans Wertz.
- In de herfs van 2010 wurt d'r ooch wer 'n driejlandefestival georganiseerd mèt óptraejes van o.m. d'r troubadour va Kölle d'r Hans Jürgen Jansen en d'r dialekdichter Theo Versteegen oet Krefeld.
- In de herfs van 2011 wurt de lustrum jubileum-editie georganiseerd mèt óptraejes van o.m. de Elzasser Liedermacherin Isabelle Grussenmeyer.
D'r naam van de Sjtichting
[bewirk | brón bewèrke]'t Taalgebied van 't Driejlandelimburgs liegkt ten ooste van de isoglosse de Panninger linie (Goossens). Ten ooste van die lijn verendert de s- an 'n begin van 'n waoërd in 'n sj-. Bie samesjtèllinge va wäörd, oeëdör 'n waoërd beginnend mèt sj- neet mie vöraan sjtèèt, blieft de sj- behaowe. Och de oa in sproak sjtèèt hie neet op z'n plaatsj. In 't Driejlandegebied zaet me Os Moddersjpraok, zoonder naosjlaag in de ao.