Marc Lotz
- Dit artikel is gesjreve in 't Gelaens. Ómdat 't plaatsgebónge is, maogs doe 't ómzètte nao 't Valkebergs, es te dit dialek sjpriks.
Marc Lotz (Valkeberg, 19 oktober 1973) is ènne veurmalige Nederlands prefesjenel fisterenner. Zien profloupbaan doerde van 1997 tot en mèt 2005. Lotz woont in de gemeinte Lanaken (woonkern Sjmeermaas) in Belsj.
Loupbaan
[bewirk | brón bewèrke]Marc Lotz reej 't groatste deil van zien loupbaan veur de ploog van Rabobank. In deze tied waas hae veurnamelik es knech actief, meistal veur Michael Boogerd, mèr 'ne ènkele kiër moch hae ouch veur eige kanse rieje. Zien veurnaamste euverwinning die hae hiebie behaolde waas in 2004 in de Runj van de Haut-Var.
Marc Lotz stónd in 2003 veur de veerde kiër aan de sjtart van de Runj van Frankriek, naodat hae in 2002 nog boete de ploog wórt geloate. Lotz sjtelde zien Tourticket veilig door zien gooi optraeje in de Route du Sud. Hij moosj de runj jaomer genóg alweer sjnel verlaote nao ein valpartie in de iësjte etappe. Ouch in 2004 naom Lotz deil aan de Tour de France. In dees editie woort hae eine kiër viefde en eine kiër zösde in ein etappe.
In augustus 2004 maakde Lotz bekènd dat 'r de Rabobankploog aan 't eind van dat jaor zou verlaote. Van 't begin van 't sezoen 2005 tot 1 juni van dat jaor reej hae veur Quick·Step - Innergetic. Toen biej ein gerechtelik óngerzeuk EPO bie häöm thoes waor aangetrófe en hae ouch haw bekènd 't middel gebruukt te höbbe, leet hae zelf op 1 juni zien contract óntbènje. Zijn ploog accepteerde 't óntslaag en 't dopinggebroek kaom häöm op 'n sjorsing van 2 jaor te staon veur 't fitserenne in 't algemein en 4 jaor veur de Pro Tour. Lotz ging trög in zien awt beroop es liëraar wiskunde.
In jannewari 2007 woort bekènd dat Lotz nao aafloup van zien sjorsing 'n contract zouw teikene bie de Nederlandse amateurploog Löwik Meubelen. Later dat jaor is Lotz weer in 't peloton trökgekiërd. Bie 't Nederlands Kampioensjap op de waeg behaolde hae 'n 19e plaats.
Inmiddels wirkde Lotz weer op 'n middelbare sjaol in Kirkraoj (College Rolduc). Dees baan haet 'r opgezag toen hae mondeling akkoord waas gegaon om veur de wielerploog Pedaltech te gaon rieje. Oeteindelik ging dit neet door en op 19 december 2007 maakde Lotz bekènd dat hae per direct sjtop mèt fitserenne aangezeen hae gein nuuj ploog koosj vènje.
Op vriedig 3 octwouber 2008 woort Lotz door ein Belsje rechbank veroardaelt tot ein boete van 16.500 euro, wovan 8250 veurwaardelik, weges 't gebruuk van 't verbaoje middel EPO. Oarsjprónkelik waas, naeve ein boete van 17.000 euro, ouch ein ónveurwaardelike celsjtraof van 'n hauf jaor geeis.
Belangriekste euverwinninge
[bewirk | brón bewèrke]1997
- Brussel-Opwijk
1999
- Wateringse wielerdag
- Hattem (derny)
2004
- Ronde van de Haut-Var
- Profrunj Heërle
Deilnames aan de Runj van Frankriek
[bewirk | brón bewèrke]- 2004: 90e
- 2003: opgegaeve
- 2001: 93e
- 2000: 56e
- 1999: 72e
Ploge
[bewirk | brón bewèrke]- Rabobank (1997-2004)
- Quick·Step - Innergetic (2005)
- Löwik Meubelen (2007)