Krejje

Dit artikel is gesjreve (of begós) in 't Mestreechs. Laes hie wie v'r mit de versjillende saorte Limburgs ómgaon.

---

Krejje of kake is de generieke naom veur alle veugel oet 't geslach Corvus, vaan de femilie Krejechtege en de orde Zaankveugel. De soorte apaart weure mèt versjèllende naome beneump. In de Limburge kómme hoegstes vief soorte veur: De zwarte krej, de rook en 't däölke es breujveugel, de boonte krej es wintergas en de raof es daolgas (mèt planne veur herintroductie en meugelekheid tot rekolonisatie).

Kinmerke

De krejje zien relatief groete veugel - nao de lierveugel de groetste vaan de zaankveugel - mèt e veurnaomelek zwart kleid. De meiste soorte höbbe e groet verspreijingsgebeed, wat ze te daanke höbbe aon hun wieneg selectief dieet: krejje ete vaan alles, zoewel insekte en ander klein bieste es vröchte en ouch aofval. Dit maak ze, zjus wie de liesters en de miewe, wieneg geveuleg veur sjaarsde of milieuvervouling. De familieleje zien euver de ganse wereld te vinde.

Boete door hun gruutde en hun dieet valle krejje ouch op door hun intelligentie. Veural de raof deit 't dao-in good. Vaan versjèllende krejjesoorte is bekind tot ze e rudimentair vermoge tot tèlle höbbe en tot ze gereidsjap wie klein tekskes gebruke um aon ete te kómme (wie dat ouch vaan aapechtege bekind is). Raove kinne geluide oet hun umgeving, inclusief de minseleke stum, imitere.

Printsjes

• 
  Zwarte krej
• 
  Raof
• 
  Rook
• 
  Däölke

Taxonomie

GESLACH CORVUS

• Witnakraof (Corvus albicollis)
• Sjèldraof (C. albus)
• Bennettkrej (C. bennetti)
• Amerikaanse krej (C. brachyrhynchos)
• Kaapse rook (C. capensis)
• Bairdkrej (C. caurinus)
• Raof (C. corax)
• Boonte krej (C. corone)
• Australische raof (C. coronoides)
• Dikbekraof (C. crassirostris)
• Weusteraof (C. cryptoleucus)
• Daurisch däölke (C. dauricus)
• Soendakrej (C. enca)
• Floreskrej (C. florensis)
• Rook (C. frugilegus)
• Broenkopkrej (C. fruscicapillus)
• Hawaiikrej (C. hawaiiensis)
• Mexicaanse krej (C. imparatus)
• Jamaicaanse krej (C. jamaicensis)
• Marianekrej (C. kubaryi)
• Witnakkrej (C. leucognaphalus)
• Dikbekkrej (C. macrorhynchos)
• Kleine raof (C. mellori)
• Däölke (C. monedula)
• Wipsnavelkrej (C. moneduloides)
• Cubaanse krej (C. nasicus)
• Australische krej (C. orru)
• Vèskrej (C. ossifragus)
• Paamkrej (C. palmarum)
• Wejjerstartraof (C. rhipidurus)
• Broennakraof (C. ruficollis)
• Sinaloakrej (C. sinaloae)
• Hoeskrej (C. splendens)
• Tasmaanse raof (C. tasmanicus)
• Haasbandkrej (C. torquatus)
• Maskerkrej (C. tristis)
• Celebeskrej (C. typicus)
• Banggaikrej (C. unicolor)
• Molukse krej (C. validus)
• Witsnavelkrej (C. woodrofi)