Catualium

Dit artikel is gesjreve in 't Tegels. Ómdat 't plaatsgebónge is, maogs doe 't ómzètte nao 't Haels, es te dit dialek sjpriks.

---

Catualium op de Peutingerkaart.

Catualium, 't hujige Hael, waar ein Romeinse plaats in de provins Ónger-Germanieë (Latien: Germania Inferior).

Catualium sjteit vermeld op de Peutingerkaart (Tabula Peutingeriana) tösse Feresne (Dilse in Belsj) en Blariacum (Blierik of Holt-Blierik) op de heirwaeg van Atuatuca Tungrorum (Tóngere) nao Noviomagus (Nimwege). De plaatsnaam kump van de Kelte: het Keltische catul beteikent stried. Catualium verangerde in de loup van de tied in Hathualium, Hethelium, Hethele, Haedele en sunk 1650 Hael.

De reste van Catualium zien gevónge beej de Stefanuskèrk en op de terreine van de Sint Anna-sjtichting aan de Panheelderwaeg: inkel opgegrave sjtökker zien tentoengestèld in 't gemeintehoes van Maasgoew en 't Limburgs Museum in Venlo.