Assel

Dit artikel is gesjreve (of begós) in 't Zjwaams. Laes hie wie v'r mit de versjillende saorte Limburgs ómgaon.

---

Ligking van Assel inne gemeinte Remunj.

De Denieskèrk in Assel.

Assel (Nederlands: Asselt) is ein klein dörp in de gemeinte Remunj, westelik van Zjwame en noordelik van Neel, mit (1 januari 2006) 180 inwoners.

Assel lik aan de Asselse Plasse, aafgedamde meanders van de Maas, hoog op eine heuvel. Bekènd is de H. Dionysiuskirk, Romaans van oorsjpróng, mer dök ver- en herbouwd. Taenge euver 't kirkske sjteit ein muzejum.

Historie

Assel óntleent ziene naam aan 't Aadnederfrankisch Ascaloha, van de Oergermaanse wäörd aksi 'es' en lauha 'lo(o), leechte en begaonbare bos'. In de Karolingischen tied (achste toet èlfde eeuw) woor 't eine vroonhaof en palts. Biej de invalle van de Noormanne deende Asselt es oetvalsbasis veur rouverieje. Sinds óngeveer 1100 woor Assel ein eige heerlikheid. Eine heer van Assel, Rutger (1275), woor ouch lienman van zowaal 't graofsjap Gelder es 't graofsjap Loeën. De heerlikheid en de vroonhaof bleve toet 1695 besjtaon; toen waerde ze aan Zjwame toegevoog. Toet 2007 heurde de plaats biej de toen opgehöfde gemeinte Zjwame.

Straotname

De volgendje straoten en waeg vallen ónger Eind:

• Asselsesjtraot
• Linjewaeg
• Maasroute
• Oppe Berg
• Pastoor Pinckensjtraot
• Zandjsjtraot

Externe link

• Euver de Asseler Denieskèrk