Andamanese spraoke

Dit artikel is gesjreve (of begós) in 't Mofers. Laes hie wie v'r mit de versjillende saorte Limburgs ómgaon.

---

De prekoloniaal spraoksituatie oppe Andamane.

De Andamanese spraoke zeen de inheimsje spraoke vanne Andamane, in India. De spraokgroep is geografisch bepaoldj en de subgroepe zeen neet genetisch verwantj. 't Guuef twieë dudelike spraokfemieljes oppe eilenj: de Grótter-Andamanese spraoken en Ongisch, daobie kump nag 't Sentinelees, wo gein gegaeves euver besjikbaar zeen en daoveur is 't huuj nag neet te classificere. Of de twieë groeate spraokfemieljes verwanth zeen is zieër ómstreje.

De meiste Andamanese spraoke zeen oetgestórven of oetstèrvendj, veural de Grótter-Andamanese spraoke. Häör spraekers zeen namelik róndj 1900 massaal oetgestórve door neet-inheimsje krenkdjes die de koloniserendje Britten enne Indiërs van 't vastelandj mitnome.

Indeiling

Hie-ónger volg 'n lies mitte veurnaamste subgroepe van 't Andamanees. Spraoke die 'n apaarte pagina op dees Wikipedia höbbe staon achtere subgroep vermeldj:

• Andamanees
  • Grótter-Andamanees
    • Groeat-Andamanees
    • Centraal
      • A-Pucikwar
      • Aka-Bea
      • Aka-Kede
      • Aka-Kol
      • Akar-Bale
      • Oko-Juwoi
    • Naord
      • Aka-Bo
      • Aka-Cari
      • Aka-Jeru
      • Aka-Kora
  • Zuud-Andamanees
    • Ongisch
      • Jangil
      • Jarawa
      • Öñge
    • Sentinelees

Opmirking: Van 't Sentinelees is nieks bekèndj. De Sentineleze stèlle zich saer jaor en daag vieënjig op taengen alle boetestaonders en höbbe noeatj toegestange det me häör bestudeertj. Op gróndj van häör matterjeel cultuur, die sterk liek op die vanne Jarawa enne Öñge, nump me aan det ouch de Sentinelese spraok ane Ongische spraoke verwantj is.