Walt Whitman

Dit artikel is gesjreve (of begós) in 't Norbiks. Laes hie wie v'r mit de versjillende saorte Limburgs ómgaon.

Walter "Walt" Whitman (West Hills (New York), 31 mei 1819 - Camden (New Jersey), 26 maart 1892) waor 'ne Amerikaanse dichter, essayist, journalist en humanist. Töt z'n beroemdste waerk behure de dichtbundels Leaves of Grass en Drum-Taps.

Leaves of Grass

Whitmans mèts bekaande werk is Leaves of Grass. E bleef d'r bies an z'ne doeëd aan wèrke en redigere. Nog ömmer wert 't besjoewd es z'n mèts persuënlèk en polletiek waerk. 'ne Groep van die gedichte, die över d'r Amerikaanse börgerkreeg geunt, werre soms aafzoonderlek gepubliceerd oonder d'r titel Drum-Taps. De örsjte publicatie versjaen oonder ège beheer en waoërt mer maotig oontvange dör 't laezerspubliek. In versjillende gedichte verheerlijkt Whitman 't miensjelek lichaam in 'ne gaans vernujende catalogiserende sjtiel, wat 'm vanwaege d'r heersende Victoriaanse ethiek neet in daank waoërt aafgenaome. Oondanks z'ne revolutionaire inhoud kreeg 't waerk in de VS ooch in daarópvólgende oetgaves wènnig belangsjtèlling. Boete de VS makde 't evvel furore, vöral in Frankriek oeë Whitmans humanisme de naturalistische literaire sjtroming beïnvloedde. Taege 1865 how Leaves of Grass Whitman waeltberoemd gemakd en zie waerk waoërt noe dör 'n belangrieke oetgaeveriej aanvaard.

Bekènde vertalinge en thema film

Tibor Tollas vertaalde "O Captain! My Captain" van Walt Whitman tiedens zien gevangsjap. O Captain! My Captain is 'n apostrof. Huub Beurskens oet Tegele is ing van de 21 Hollendsje dichters die d'r bundel "Laeves of Grass" in 2007 vertaalde in 't Nederlandse "Grasbladen". In d'r film Dead Poets Society is d'r titel van dit gedich e belangriek repetetief thema.

Vertaling örsjte sjtrofe van "O Captain! My Captain" dör Bep Mergelsberg.

O Captain! Miene Captain, os bang rees is gedoeë

't Sjip haat eder pieneging dörsjtande, d'r pries dae v'r zeukde is gewonne

D'r have is nao,'ch huur loewende klokke, oetgelaote luuj

Terwiel owwe d'r sjtandvastige kiel volge, deet 't sjip akelig gedörfd

Mae O Hart! Hart! Hart!

O de blojende druppele va roeëd, oeë miene Captain op 't dek geboonde

Kaod waoëre en doeëd

Werken

1855 Leaves of Grass; 95 pp.; 10 pp. vörwaoërd, 12 gedichte
1856 Leaves of Grass; 32 gedichte, mèt prozabiedrages
1860 Leaves of Grass; 456 pp.; 178 gedichte
1865 Drum-Taps
1865;1866 Sequel to Drum-Taps
1867 Leaves of Grass; nuuj editie; toegevoegd Drum-Taps, Sequel to Drum-Taps, en Songs Before Parting; 6 nuuj gedichte
1871;72 Leaves of Grass; toegevoegd 120 pagina's mèt 74 gedichte, oeëvan 24 nuuj tekste
1875 Memoranda During the War
1881;82 Leaves of Grass; 17 toegevoegde nuuj gedichte, 39 voetgelaote of aandersj gerangsjikt; 293 gedichte in totaal, Song of Myself kriet vör 't örsj dizze titel
1891;92 Leaves of Grass; gèè betekenisvool nuuj waerk
1982 Poetry and Prose (Justin Kaplan, ed.) (Library of America)
2003 Selected Poems (American Poets Project) (Harold Bloom, ed.) (Library of America)