Malta
Republica de Malta Republic of Malta Repubblika ta' Malta | |||
![]() |
![]() | ||
![]() | |||
Informa jeneral | |||
Capital: | Valetta | ||
Lingua ofisial: | Engles e malti | ||
Dirije | |||
Governa: | Republica parlamental | ||
- Xef de stato: | Marie Louise Coleiro Preca | ||
- Xef de governa: | Joseph Muscat | ||
Otras | |||
Area: | 316 km² | ||
Popla: | 416,055 | ||
Densia: | 1410 | ||
PIB: | |||
Mone: | Euro | ||
Zona de ora: | UTC 1 | ||
Numero de telefon: | 356 | ||
Interede: | .mt | ||
![]() |
Malta (ofisial Republica de Malta, engles: Republic of Malta, malti: Repubblika ta' Malta) es un pais en Europa e un arcipelago en la Mar Mediteraneo. Lo es locada a 80 cilometres a sude de Italia, a 284 cilometres a este de Tunisia e a 333 cilometres a norde de Libia. La area es sirca 316 cilometres cuadrida e la cuantia de abitores, en la anio 2014, ia es sirca 445 426 persones. La site capital es Valletta e la linguas major es malti e engles.
Malta es un pais en Europa e un isola en la Mar Mediteraneo. Lo es un membro de la Eurozona e la Comunia de Nasiones [Brites].
La situa de Malta ia dona istorial un importa stratejial grande como base marinal, e la isolas ia es governada par un pasa de potias, incluinte la fenisias, romanes, moros, normandes, sisilianes, espanioles, Cavalores de San Joan, franseses e briteses.
Malta ave un longa istoria cristian. Longo la Atas de la Apostoles, San Paulo ia es perdeda a mar en "Melita", oji interpreteda como Malta. Catolicisme es la relijio ofisial de Malta[1][2].
Malta es un destina popular per turistes par causa de sua clima calda, la partes recreal diversa, e la monumentos arcitetal e istorial, incluinte tre Locas de Erita Mundal: Ħal Saflieni Hypogeum[3], Valletta[4], e sete Templos megalitica[5][6].
Istoria
[edita | edita la fonte]Elinicas, fenisias e romanes
[edita | edita la fonte]La mercatores fenisian, ci ia usa la isolas como un loca de pausa en sua vias comersial de la Mediteraneo este a Cerneu, ia uni a la nativas sur la isolas. La fenisias ia abita la area conosea oji como Mdina, e sua site visina, Rabat, cual los ia nomi Maleth. La romanes, ci ia abita ance Mdina plu tarda ia refere a lo (e a la isola) como Melita.
Eda medieval
[edita | edita la fonte]Malta ia es envolveda en la Geras Muslim-Bizantian e la concista de Malta ia es liada con lo de Sisilia en la comensa de 827 pos la tradi de la amiral Eufemio a sua amis bizantian.
Concista normande
[edita | edita la fonte]La normandes ia concista Malta en 1091, como parte de sua concistas de Sisilia. La gidor normande, Roger 1 de Sisilia, ia es bonvenida per la cristianes nativa.
La periodo normande ia es produosa; Malta ia deveni un parte de la Rena de Sisilia nova emerjinte cual ia covre la isola de Sisilia e la dui sude de Italia. La Eglesa catolica ia es restorada como relijio de stato e alga arciteta normande ia estende tra Malta, spesial en sua capital antica Mdina. Tancred, re de Sisilia, la re normande ultima, ia fa ce Malta deveni un feudo de sua rena e ia instala un conte de Malta. Car la isolas ia es multe desirada per sua importa stratejial, en esta tempo la omes de Malta ia es militarida per evita atentas de catura, prima par la piratas genoves.
Jeografia
[edita | edita la fonte]Malta es un arcipelago en la Mar Mediteraneo sentral, a 80 km a sude de la isola italian Sisilia ultra la Canal de Malta. Sola la tre isolas la plu grande – Malta (Malta), Gozo (Għawdex) e Comino (Kemmuna) – es abitada. La isolas la plu peti no es abitada. La arcipelago es locada entre la placas tetonical eurasian e african.
Politica
[edita | edita la fonte]Malta es un republica de cual sua sistem parlamental e dirije publica es fundida sur la sistem de Westminster.
La Salon Basa es formida par 69 membros de parlamento. An tal, cuando un partito gania un majoria asoluta de votas, ma no ave un majoria de sejas, acel partito reseta plu sejas per serti un majoria parlamental. La Constitui de Malta furni ce la presidente asinia como ministro xef la membro de la Salon Basa ci es la plu bon per comanda un majoria en la Salon Basa.
Economia
[edita | edita la fonte]Malta es clasida como un economia avansada, en junta con otra 32 paises, longo la Reserva Monal Internasional.
Divides dirijal
[edita | edita la fonte]Malta ave un sistem de governa local de pos 1993.
La pais es divideda en sinco rejiones, de cual cada ave sua propre Comite Rejional.
Referes
[edita | edita la fonte]- ↑ Central Intelligence Agency (CIA). "Malta." The World Factbook. Retraeda en 11 March 2016.
- ↑ "Chapter 1 – The Republic of Malta." Legal-Malta. Retraeda en 4 September 2011.
- ↑ "Hal Saflieni Hypogeum." UNESCO. Retraeda en 18 January 2014.
- ↑ "City of Valletta." UNESCO. Retraeda en 18 January 2014.
- ↑ "Megalithic Temples of Malta." UNESCO. Retraeda en 18 January 2014.
- ↑ "Malta Temples and The OTS Foundation." Otsf.org. Retraeda en 31 March 2009.