Linguas tocarian
La linguas tocarian es la ramo la min conoseda de la familia de linguas indoeuropean. Lo ia es parlada en la sentenios ses, sete e oto en la parte de Xina moderna cual on nomi Txindjiang. La nom "tocarian" veni de elinica, en cual alga poplas de esta area ia es nomida Τόχαροι Tokharoi.
La linguas tocarian inclui du linguas: tocarian A (o turfanian, o arxi, o tocarian este), e tocarian B (o cutxean, o cutxi, o tocarian ueste). Ma un person ci ia parla la un no ia pote comprende fasil la otra. On divina ce la du ia es separada par multe sentenios.
La linguas parteni a la centum de indoeuropean (como la linguas romanica, germanica, celta e elinica de Europa). Ma los ia deveni separada de los a cisa un milenio aec, e ia es ensircada par la satem (como slavica e indoiranian).
On ave partes de manoscritos de la sentenio oto (e alga plu veas), scriveda sur folias de palma, tabletas de lenio, e paper xines, conservada par la clima plu seca de la deserto basa de Tarim. Otra esemplos de la linguas ia es descovreda en Cutxa e Carasar, incluinte multe scrives mural. La scrives ia es traduis de testos budiste e maniste, notas comersial, testos medical e majial, e ance un poesia de ama.
La alfabeta cual la tocarianes ia usa veni de la abugida (alfabeta silabal) brahmi (indian norde), e es nomida "brahmi apoiada".
Tocarian ia es estinguida pos 840 ec, cuando la cirgizes ia forsa la uigures de Mongol a la Tarim, e la uigures ia concista la tocarianes e asorbe los.
Fonolojia
[edita | edita la fonte]Vocales
[edita | edita la fonte]La linguas tocarian ia cambi multe de la vocales de PIE, e no sempre acorda con lunlotra. La reconstrui de vocales en tocarian es multe difisil, e linguistes continua disputa. Asi es la vocales jeneral asetada e sin la ajuntas e varias sujesteda par linguistes individua:
| Fronte | Sentral | Dorsal | |
|---|---|---|---|
| Alta | i /i/ | ä /ɨ/ | u /u/ |
| Media | e /e/ | ọ /o/ | |
| Basa | ā /a/ | o /ɔ/ |
Consonantes
[edita | edita la fonte]La consonantes de tocarian ia es multe reduida de PIE. On no distingui entre esplodentes vosida e nonvosida, aspirada e nonaspirada, e la tre distinguis de esplodentes velal no survive. Ma lo ia introdui multe varias de nasales e un grupo de consonantes alveolal-palatal.
| Bilabial | Alveolal | Alveolo-palatal | Palato-alveolal? | Palatal | Velal | Velal labialida | |
|---|---|---|---|---|---|---|---|
| Esplodentes | p /p/ | t /t/ | c /tɕ/ | k /k/ | |||
| Africantes | ts /ts/ | ||||||
| Fricantes | s /s/ | ś /ɕ/ | ṣ/ʃ/ | ||||
| Nasales | m /m/ | n ṃ /n/ | ñ /ɲ/ | ṅ /ŋ/ | |||
| Vibrante | r /r/ | ||||||
| Prosiminte | y /j/ | w /w/ | |||||
| Prosiminte ladal | l /l/ | ly /ʎ/ |
Morfolojia
[edita | edita la fonte]Nomes
[edita | edita la fonte]Tocarian ia reconstrui completa la sistem de nomes de proto-indo-european. La sola casos eritada de la protolingua ia es la nominativa e la jenitiva (e, en tocarian B) la vocativa En ajunta a esta casos, cada lingua tocarian ia ave ses casos formida par la ajunta de un sufisa nonvariante a la caso oblica. An ce la colie de ses casos no es identica en cada lingua, e la sufises es per la plu parte nonconaseda
| Caso | Tocarian B | Tocarian A | ||||
|---|---|---|---|---|---|---|
| Sufisa | Singular | Plural | Suffisa | Singular | Plural | |
| Nominativa (la sujeto) | — | yakwe | yakwi | — | yuk | yukañ |
| Vocativa ("o!", clama) | — | yakwa | — | — | — | — |
| Jenitiva ("de", posese) | — | yäkwentse | yäkweṃtsi | — | yukes | yukāśśi |
| Acusativa (o "oblicuo", la ojeto direta) | — | yakwe | yakweṃ | — | yuk | yukas |
| Strumental ("con", usante) | — | — | — | -yo | yukyo | yukasyo |
| Perlativa ('"tra", "longo") | -sa | yakwesa | yakwentsa | -ā | yukā | yukasā |
| Comitative (sosial "con") | -mpa | yakwempa | yakweṃmpa | -aśśäl | yukaśśäl | yukasaśśäl |
| Alativa ("a", dirije de move) | -ś(c) | yakweś(c) | yakweṃś(c) | -ac | yukac | yukasac |
| Ablativa ("de", move a via) | meṃ | yakwemeṃ | yakweṃmeṃ | -äṣ | yukäṣ | yukasäṣ |
| Locativa ("a", "en") | -ne | yakwene | yakweṃne | -aṃ | yukaṃ | yukasaṃ |
| Causativa (causa) | -ñ | yakweñ | yakweṃñ | — | — | — |
Verbos
[edita | edita la fonte]Como un contrasta, la sistem de conjuga de verbos es multe conservante. La majoria de clases e categorias de verbs proto-indo-european es respresentada en alga modo en tocarian, an si no sempre con la mesma funsiona.
Categorias
[edita | edita la fonte]Verbos tocarian es conjugada en la categorias seguente:
- Modo: direta, sujuntal, esperante, comandante
- Tempo/aspeta: presente, pasada, nonperfeta (pasada e continuosa)
- Vos: ativa, mediopasiva (pasiva e refletante), deponente (ativa en natur, pasiva en forma)
- Person: 1, 2, 3
- Cuantia: singular, dual, plural
- Causa: fundal, cuasante
- Infinitiva: partisipio ativa, partisipio mediopasiva, jerundio presente, jerundio sujuntal
Clases
[edita | edita la fonte]Cada verbo parteni a un de un cuantia grande de clases, seguente sua conjuga. Como en sanscrito, elinica antica, e (alga min) latina, on ave colies autonom de clases en al direta presente, sujuntal, perfeta, comandante, e a un estende limitada, esperante, e nonperfeta, e on ave no coresponde jeneral entre la colies diferene de clases, pd cada verbo debe es spesifada par usa un cuantia de partes prinsipal.
La sufisas per alga verbos en la presente, per esemplo:
| PIE orijinal | Tocarian B | Tocarian A | |||
|---|---|---|---|---|---|
| fonte PIE | Forma real | fonte PIE | Forma real | ||
| 1 sing | *-o-h₂ | *-o-h₂ PToch -u | -āu | *-o-mi | -am |
| 2 sing | *-e-si | *-e-th₂e? | -'t | *-e-th₂e | -'t |
| 3 sing | *-e-ti | *-e-nu | -'(ä)ṃ | *-e-se | -'ṣ |
| 1 pl | *-o-mos? | *-o-mō? | -em(o) | *-o-mes V | -amäs |
| 2 pl | *-e-te | *-e-tē-r V | -'cer | *-e-te | -'c |
| 3 pl | *-o-nti | *-o-nt | -eṃ | *-o-nti | -eñc < *-añc |