Bres
.svg)
Bres es un penisola de Frans ueste, situada entre la Manga a norde, la Mar Celta a ueste e la Golfo de Gasconia a sude.
A la fini de la impero roman, lo ia reseta un flue enorme de migrores brites a un parte de Armorica, un rejion celta antica (la norde-ueste de Galia). Estas ia fundi un rena en la sentenio 9, cual ia deveni un duxia a pos. En 1532, lo ia deveni un provinse unida a Frans su la mesma corona, asta sua desapare como provinse en 1790 e sua divide a sinco departes: Côtes-d'Armor/Aochou an Arvor, Finistère/Penn-Ar-Bed, Ille-et-Vilaine, Loire-Inférieure e Morbihan. Bres posese un identia forte an si ancora controversa.
Asta la sentenio 20, la parte ueste ia manteni un lingua celta (bresonica), parlada par 1 200 000 persones a la comensa de la sentenio 20 ma cual ia deveni cuasi estinguida par manca de reconose e susta ofisial par la stato franses.
La lingua ave un difusor de televide (TV Breizh) e es enseniada en multe scolas.
Cantores popular en la lingua es Dan Ar Braz e Nolwenn Leroy.
Governa
[edita | edita la fonte]Bres como identia political ia desapare en 1790, cuando ia es divideda en sinco departes. La departes bresonica coresponde a la nove bispias catolica cual ia apare en la comensa de la eda medieval. Los ia es nomida "bro" (pais en bresonica e franses) e ia ance funsiona como distritos finansial e militar. Bres ia es ance divideda en Bres Basa ("Basse Bretagne" e "Breizh Izel" do la bresonica ia es parlada) e Bres Alta ("Haute Bretagne" e "Breizh Uhel").