Bielarus
| Republica de Bielarus Рэспубліка Беларусь Respúblika Belarús Республика Беларусь Respublika Bielarus' | |||
|
.svg)
| ||
| |||
| Informa jeneral | |||
| Capital: | Minsk | ||
| Lingua ofisial: | Bielarusce e rusce | ||
| Dirije | |||
| Governa: | Republica presidental | ||
| - Xef de stato: | Alecsandr Lucaxenco | ||
| - Xef de governa: | Roman Golovchenko | ||
| Otras | |||
| Area: | 207 600 km² | ||
| Popla: | 9 475 174 | ||
| Densia: | 46.7/km² | ||
| PIB: | US$ 81 627 milion | ||
| Mone: | Rublo bielarusce (BYN) | ||
| Zona de ora: | EEST (UTC 3) | ||
| Numero de telefon: | 375 | ||
| Interede: | .by e .бел | ||
| |||
Bielarus (en bielarusce: Беларусь, Bielaruś o Biełaruś, AFI: [bʲɛlaˈrusʲ]; en rusce: Беларусь, Belarusʹ o Белоруссия Belorusia; AFI: [bʲɪlɐˈrusʲ]), nomida ofisial la Republica de Bielarus, es un pais sin costa en Europa este. Lo borda Rusia a la norde-este, Ucraina a la sude, Polsca a la ueste, e Lietuva e Latvia a la norde-ueste. La site capital e la plu poplada es Minsc. Plu ca 40% de la area de lo, la intera cual es sirca 207 600 cilometres cuadrida, es forestosa. La cuantia de abitores, en la anio 2019, ia es sirca 9 475 174 persones. La lingua major es bielarusce. La partes economial la plu forte de lo es industrias de servi e fabrica. Asta la sentenio 20, statos diferente a veses diferente ia controla la tera cual es oji Bielarus; estas inclui la Prinsia de Polotsc (entre la sentenios 11 e 14), la Duxia Grande de Lietuva, la Republica de la Du Nasiones, e la Impero Rusce.
En la tempo seguente la Revolui Rusce de 1917, Bielarus ia declara sua autonomia como la Republica Poplal Bielarusce, cual ia es concistada par Rusia Soviet. La Republica Sosialiste Soviet Bielarusce ia deveni un republica composante de fundi de la Uni Soviet en 1922 e ia es renomida a la Republica Sosialiste Soviet Bielarusce (RSS Bielarusce). Bielarus ia perde cuasi dui de sua teritorio a Polsca pos la Gera Polsce-Soviet, cual ia aveni entre 1919-1921. Multe de la bordas de Bielarus ia ateni sua forma moderna en 1939, en cuando alga teras de la Republica Polsce Du ia es reintegrada a en Bielarus a pos la invade soviet de Polsca, e ia es completida pos la Gera Mundal Du. En la Gera Mundal Du, funsionas militar ia ruina Bielarus, cual ia perde sirca un tri de sua popla e plu ca dui de sua recursos economial. La republica ia es redevelopada en la anios pos geral. En 1945, la RSS Bielarusce ia deveni un membro fundinte de la Nasiones Unida, con la Uni Soviet e la RSS Ucrainsce.