Bauhaus

Scola de Bauhaus, Desau, Deutxland.

Bauhaus (o, plu completa, Staatliches Bauhaus) ia es un scola en Deutxland cual combina artisania e la artes clasica, e ia es famosa per la filosofia de desinia cual lo promove e ensenia. lo ia opera de 1919 a 1933. La nom es deutx per "casa de construi". La scola ia es fundida par Walter Gropius en Weimar. La idea fundal ia es ce arte, artisania, e arciteta ta es integrada. La stilo de bauhaus ia deveni un de stilos la plu influente en desinia e arciteta moderna, e ia ave un influe forte a developas seguente en arte, arciteta, desinia grafica, desinia de internas, desinia industrial, e tipografia. La scola ia esiste en tre sites deutx (Weimar de 1919 a 1925, Dessau de 1925 a 1932, e Berlin de 1930 a 1933) es ia es governada par tre diretores-arcitetas: Walter Gropius (1919 a 1928), Hannes Meyer (1928 a 1930), e Ludwig Mies van der Rohe (1930 a 1933). La scola ia es cluida par sua dirijores en 1933, su la presa de la governa nazi.