Angola
| Republica de Angola República de Angola | |||
|
| ||
| |||
| Informa jeneral | |||
| Capital: | Luanda | ||
| Lingua ofisial: | Portuges | ||
| Dirije | |||
| Governa: | Republica presidental | ||
| - Xef de stato: | José Eduardo dos Santos | ||
| - Xef de governa: | Manuel Vicente | ||
| Otras | |||
| Area: | 1,246,700 km² | ||
| Popla: | 25,789,024 | ||
| Densia: | 2,069 | ||
| PIB: | 109 533 milion | ||
| Mone: | Kwanza (AOA) | ||
| Zona de ora: | WAT (UTC 1) | ||
| Numero de telefon: | 244 | ||
| Interede: | .ao | ||
| |||
Angola es un pais en Africa. La capital es Luanda.
La area es sirca 1 246 700 cilometres cuadrida e la cuantia de abitores, en la anio 2007, ia es sirca 12 263 596 persones.
La linguas major es portuges, bantu, etc.
Angola es membro de la Uni African, la Comunia de Paises de Lingua Portuges, la Uni Latina, la Zona de Coopera e Pas de Atlantica Sude e la Comunia de Developa de Africa Sude.
Etimolojia
[edita | edita la fonte]La nom Angola veni de la nom portuges colonial Reino de Angola, cual ia apare tan temprana como en la constitui de Dias de Novais de 1571. La toponim ia deriva de la titulo ngola cual ia ave la res de Ndongo. Lo ia es un rena en la montanias, entre la rios Kwanza e Lukala, cual ia xerca plu nondepende de la re de Kongo en la sentenio 16.
Istoria
[edita | edita la fonte]Angola moderna ia es poplada xef par coicoi e san nomada ante la ariva de la prima migras bantu. La coicoi e la san ia no es cultivores no pastores, ma los ia ave un modo de vive de xasores-coliores. Los ia es deslocada para la poplas bantu ci ia veni de la norde, la plu parte de los ia orijina en lo ce oji es Nijeria norde-ueste e Nijer sude. La parlores de linguas bantu ia introdui la cultiva de bananas e taro, como ance manadas de boves, a la montanias sentral de Angola e a la plano de Luanda.
A la rejion oji conoseda como Angola ia ariva la esploror portuges Diogo Cão en 1484. La coloni portuges, cual ia comensa e, en multe sentenios, ia es limitada a la costa asta la comensa de la sentenio 19, cuando la colonistes european ia comensa a entra a la interna. Como colonia portuges, Angola ia no inclui la fronteras de aora asta la sentenio 20 temprana, seguente la resiste de grupos como la Cuamato, la Kwanyama e la Mbunda. En 1975 la nondepende ia es otenida su un stato marxiste-comuniste de un sola partito, suportada par la Uni Soviet e Cuba a pos un gera anticolonial. An tal, la pais ia deriva a un gera interna cual ia dura asta 2002. De alora, lo ia deveni un republica presidental unida relativa stable.
Jeografia
[edita | edita la fonte]Angola es la pais 23 plu grande en la mundo. Lo ave fronteras con Namibia a sude, Zambia a este, la Republica Democrata de Congo a norde-este e la Mar Atlantica Sude a ueste.
Clima
[edita | edita la fonte]La temperatur promedia en la costa es de 16°C en inverno e 21°C en estate. Lo ave du saisones: seca (de maio a otobre) e pluvosa calda (novembre a april).
