Nordregioun (Portugal)

Lag vun der Região Norte (Nordregioun vu Portugal

D'Nordregioun vu Portugal (Região Norte) ass eng Regioun vu Portugal. Si ëmfaasst d'Distrikter Viana do Castelo, Porto, Vila Real, Bragança a Braga ganz, sou wéi Deeler vun den Distrikter Aveiro, Viseu a Guarda.

D'Nopeschregioun am Süden ass Região Centro. Am Norden an Oste grenzt d'Região Norte u Spuenien. Am Weste läit den Atlantik.

D'Fläch vun der Região Norte huet 21.278 km², dat si 24 % vum portugisesche Festland. D'Regioun huet eng Bevëlkerung vu 4 062 402 Milliounen (2007).

D'Regioun huet 8 statistesch Ënnerregiounen:

• Alto Trás-os-Montes
• Ave
• Cávado
• Douro
• Entre Douro e Vouga
• Grande Porto
• Minho-Lima
• Tâmega

An der Região Norte gëtt et 86 Gemengen.