Mediterranean Shipping Company
D'Mediterranean Shipping Company (kurz MSC) ass eng Schwäizer Reederei mat Sëtz zu Genf.
Geschicht
[änneren | Quelltext änneren]D'MSC gouf 1970 vum italieenesche Kapitän Gianluigi Aponte gegrënnt. Si huet sech zanterhier zum zweetgréisste Container Carrier (no der Mærsk Line, déi am August 2005 d'Royal P&O Nedlloyd iwwerholl hat), eropgeschafft.
Linnen- a Containerschëfffaart
[änneren | Quelltext änneren]
Bis 1995 goufe vun der MSC ausschliisslech Occasiounscontainerschëffer kaaft. D'Flott bestoung aus enger ëmmer méi grousser Zuel vu Second-hand-Containerschëffstyppen aus der éischter bis zur drëtter Generatioun. Eréischt vun 1994 un huet d'MSC nei Containerschëffer baue gelooss oder gechartert.
Ënner MSC-Fändel si Mëtt 2007 eng 340 Containerschëffer, mat enger Stellplazkapazitéit vun 1.115.000 TEU, gefuer. Am Vergläich Maersk-Sealand mat 1.030.000 TEU, incl. P&O Nedloyd 1.400.000 TEU. D'Nimm vun de Schëffer loossen erkennen, wéi eng gechartert a wéi eng der Reederei gehéieren. Déi zur Zäit gréissten MSC Containerschëffer mat enger Capacitéit vu jee 9.178 TEU sinn d'„MSC Pamela“ an „MSC Susanna“. Si goufen am Juli 2005 bei Samsung H.Ind. a Südkorea fir déi däitsch Reederei C.P.Offen gebaut, a fir aacht Joer un MSC verchartert. No kuerzer Zäit huet MSC se kaaft. Aner Schëffer vun där Serie si schonn ausgeliwwert respektiv bestallt.
Wichtegsten zentrale Containerterminal vun der MSC ass Antwerpen; do exploitéiert d'Reederei en eegenen Terminal.
MSC bedéngt weltwäit 270 Häfe mat 170 Linnen.
Weltweit zielt d'MSC iwwer 30.000 Mataarbechter an 390 Néierloossungen, déi iwwer 146 Länner verspreet sinn.
Am Dezember 2021 bitt MSC op d'mannst 5,7 Milliarden Euro fir Bolloré Africa Logistics, eng Duechtergesellschaft vum Bolloré Grupp.
Croisièren
[änneren | Quelltext änneren]
1995 ass d'MSC, wéi se d'StarLauro S.p.A. iwwerholl huet, an d'Croisièresgeschäft erageklomm an zwar ënner dem Numm MSC Crociere S. p. A.. D'Entreprise ass grad wéi bei de Containerschëffer virgang an huet fir unzefänken eeler Schëffer aus zweeter Hand kaaft. 2003 koum du mat der "MSC Lirica" (59500 BRT) dat éischt neigebaute Schëff dobäi. 2004 koum d'Schwësterschëff "MSC Opera" no, an duerno d'"European Vison" an d'"European Stars" (je 58000 BRT) déi d'Gesellschaft no der Faillite vun der Festival Crociere S. p. A., als "MSC Armonia" an "MSC Sinfonia" iwwerholl hat. MSC ass weider séier gewuess an huet nei Schëffer bestallt. 2006 gouf d'"MSC Musica" (95000 BRZ) a Betrib geholl, gefollecht, 2007, vun der "MSC Orchestra". Mat der "MSC Poesia"(2009) an der "MSC Magnifica"(2010) kommen nach zwee weider Schwësterschëffer dobäi. Fir 2008 an 2009 sinn d'"MSC Fantasia" an "MSC Splendida" (je 133500 BRT) bestallt. Gebaut ginn all déi Schëffer vun der franséischer Werft Chantiers de l'Atlantique vu Saint-Nazaire.
Flott vu Croisièresschëffer
[änneren | Quelltext änneren]| Joer | Numm | Tonnage | Werft | Status/Wat aus e ginn ass |
| 1995 (1956) | Monterey | 20046 BRT | Bethlehem Shipbuilding Corporation, Sparrows Point | 1956: fir Matson Navigation Co. / 1995 un MSC / Am Déngscht |
| 1995 (1975) | Rhapsody | 17095 BRT | Burmeister & Wain A/S, Kopenhagen | 1975 ex Cunard Princess, Cunard / 1995 un MSC / 2005 Am Déngscht |
| 1995 (1951) | Symphony | 16741 BRT | Swan, Hunter & Wigham, Richardson Ltd., Newcastle | 1951 ex Provence, SGTM / 1995 un MSC / 2000 verkaaft |
| 1997 (1982) | Melody | 35143 BRT | Chantier Navale de la Mediterranée S.A., La Seyne | 1982: ex Atlantic, Home Lines / 1995 un MSC / Am Déngscht |
| 2003 | MSC Lirica | 59058 BRT | Chantiers de l'Atlantique S.A., St. Nazaire | Am Déngscht |
| 2004 | MSC Opera | 59058 BRT | Chantiers de l'Atlantique S.A., St. Nazaire | Am Déngscht |
| 2004 (2001) | MSC Armonia | 58625 BRT | Chantiers de l'Atlantique S.A., St. Nazaire | 2001: ex European Vision, Festival Crociere / 2004 un MSC / Am Déngscht |
| 2004 (2002) | MSC Sinfonia | 58625 BRT | Chantiers de l'Atlantique S.A., St. Nazaire | 2002: ex European Stars, Festival Crociere / 2004 un MSC / Am Déngscht |
| 2006 | MSC Musica | 95000 BRT | Chantiers de l'Atlantique S.A., St. Nazaire | Am Déngscht |
| 2007 | MSC Orchestra | 95000 BRT | Chantiers de l'Atlantique S.A., St. Nazaire | Am Déngscht |
| 2008 | MSC Poesia | 95000 BRT | Chantiers de l'Atlantique S.A., St. Nazaire | Am Bau |
| 2010 | MSC Magnifica | 95000 BRT | Chantiers de l'Atlantique S.A., St. Nazaire | Am Bau |
| 2008 | MSC Fantasia | 133500 BRT | Chantiers de l'Atlantique S.A., St. Nazaire | Am Bau |
| 2009 | MSC Splendida | 133500 BRT | Chantiers de l'Atlantique S.A., St. Nazaire | Am Bau |
Quellen
[änneren | Quelltext änneren]- Ward, Douglas: Berlitz Complete Guide to Cruising & Cruise Ships 2006, ISBN 981-246-739-4
Kuckt och
[änneren | Quelltext änneren]Um Spaweck
[änneren | Quelltext änneren]| Commons: MSC Cruises – Biller, Videoen oder Audiodateien |
