Gare Esch-Uelzecht

Gare Esch-Uelzecht
Vue op d'Gare vun hannen (2018)
Streck	6a, 6f, 6e
PK	9,504 (Linn 6a a 6e) 15,768 (Linn 6f)
Quaien	2
Gleiser	8
Uertschaft	Esch-Uelzecht
Gemeng	Esch-Uelzecht
Kanton	Esch-Uelzecht
Koordinaten	49° 29’ 39’’ N       5° 59’ 07’’ O
Websäit	CFL.lu

D'Gare vun Esch-Uelzecht ass eng Gare op den CFL-Linnen 6a a 6f, tëscht der Gare Schëffleng, an der Gare Belval-Université, respektiv der Linn 6e an Direktioun Gare Däitsch-Oth, vun der Lëtzebuerger Eisebunn.

Bei der Gare vun Esch-Uelzecht gëtt et an der Ëmgéigend nëmme käschteflichteg Parkplazen.

Gebaier

D'Hal vum Gebai, déi ëm 1959 gebaut gi war (Architekt: Jean Prouvé), gouf am November-Dezember 2014 ofgerappt a gouf duerch en neit Gebai, an deem ënnenan ë. a. e klenge Supermarché amenagéiert gouf, ersat. Dat neit Gebai huet iwwer der Agankshal mat der Salle d'attente, am Géigesaz zum alen, fënnef Stäck, déi un d'Steierverwaltung verlount ginn.

Ausserdeem gouf direkt niewendrun, ier ee bei d'Passerell fir op de Gaalgebierg kënnt, eng nei Jugendherberg gebaut. Béid goufen 2017 fäerdeg.

D'Haus ëstlech vun der fréierer Hal, dat déi selwecht Zäit als Appartermentshaus gebaut gouf (mat ënnenan engem Garë-Buffet), gouf an den 2000er Jore renovéiert; et ass mëttlerweil de Sekretariatssëtz vun der Groussregioun.

D'Busgare

Busgare

Eng iwwerdaacht Bus-Gare op der lénkser Säit virum Gebai suergt dofir datt d'Passagéier kënne vun do och mam Bus (TICE (Linnen 1, 2, 3, 4, 5, 7, 12, 13, 15 a 17) an RGTR(Linnen 307, 313, 314, 319, 322 an 750) weidergeleet ginn.

Virun November 2009 war d'Bus-Gare op der rietser Säit vum Gebai.

Geschicht a Chronologie

• 1859 gouf déi éischt Escher Gare an der rue St.-Antoine opgeriicht.
• 1879 gouf eng nei Gare gebaut um haitege Boulevard J.-F. Kennedy
• 1958 gouf eng nei Marchandise-Gare gebaut
• 1959 gouf déi al Gare um Boulevard Kennedy ewechgerappt an duerch en neit Gebai ersat, déi dann nëmme méi fir Persounentransport geduecht ass.
• 2009 gouf d'Bus-Gare vun der rietser Säit vum Gebai op déi lénks Säit verluecht
• 2014 gouf d'Hal vum Gare-Gebai ofgerappt, fir duerch eng nei ersat ze ginn, déi an en administratiivt Gebai integréiert ass.

Biller

• 
  D'Gare vun 1879
• 
  D'Gebai vun 1959
• 
  Schantge vum neie Gebai an der Jugendherberg, 2015.
• 
  Voyagerus-Hal bannenan, 2022.

Zich déi an der Gare halen

Aus Richtung	Halt virdrun	Zuch	Nächst Halt	A Richtung
Lëtzebuerg	Schëffleng	RB CFL-Linn 6a CFL-Linn 6f	Belval-Université	Rodange
Lëtzebuerg	Schëffleng	RE CFL-Linn 6a CFL-Linn 6f	Belval-Université	Rodange
Rodange	Belval-Université	RB CFL-Linn 6a CFL-Linn 6f	Schëffleng	Lëtzebuerg
Rodange	Belval-Université	RE CFL-Linn 6a CFL-Linn 6f	Schëffleng	Lëtzebuerg
Terminus	Terminus	RB CFL-Linn 6e	Däitsch-Oth	Däitsch-Oth
Däitsch-Oth	Däitsch-Oth	RB CFL-Linn 6e	Terminus	Terminus

Literatur

• Linster, Alain (Ed.): Gare CFL Esch-sur-Alzette, in: Jean Prouvé au Luxembourg, Nr 5, Fondation de l'architecture et de l'ingénerie, 1998, ISBN 2-919906-02-X, Ss. 14-15
• "Gare des voyageurs à Esch-sur-Alzette." in: Centenaire. Administration des bâtiments publics Luxembourg [sous la direction de Jean Leyder]. Luxembourg 2010, S.76-77 ISBN 978-99959-680-0-7.

Kuckt och

• Lëscht vun den CFL-Garen

Um Spaweck

Commons: Gare Esch-Uelzecht – Biller, Videoen oder Audiodateien

• Praktesch Informatiounen iwwer d'Gare vun Esch-Uelzecht op der CFL-Websäit (de)
• D'Gare Esch-Uelzecht op der Websäit "rail.lu"
• D'Gare Esch-Uelzecht op der Websäit vu Spoorgroep Luxemburg
• Anne Julie Heintz, „Ein neuer Bahnhof für Esch“, op wort.lu den 29. Oktober 2018