Gare Arel

Arlon

Land	Belsch
Gemeng	Arel
Uertschaft	Arel
Koordinaten	49° 40’ 49’’ N       5° 48’ 34’’ O
Charakteristiken
Gleiser	8 (5 fir Persounenzich)
Quaien	3
PK	135,80
Opgaangen	27. Oktober 1858

D'Gare Arel ass eng Gare um Terrain vun der Gemeng Arel déi op der Infrabel-Linn 162 läit an en Uschloss un d'CFL Linn 5 huet.

D'Gare huet 3 Quaien déi fir de Passagéiertrafic accessibel sinn.

Historesches

• De 7.Oktober 1858 huet deen éischten Zuch Arel aus Richtung Bréissel erreecht. Deemools huet ee knapps 5 Stonne fir den Trajet gebraucht.
• Dat haitegt Gebai vun der Gare gouf 1885 vum deemolege Provënzialarchitekt Jean-Louis Van de Wyngaert entworf a vun der nationaler Belscher Eisebunnsgesellschaft gebaut. D'Gebai besteet aus loutrengeschem Sandsteen a gëllt haut als eent vun de schéinste Gebaier aus deem Steen.
• 1951 wëll d'SNCB, wéinst der Elektrifizéierung vun der Linn 162 d'Quaie méi héich leeën. De Spillraum tëscht dem Quai an dem Gebai selwer erweist sech als sou kleng datt kuerzerhand de ganze Buedem am Gebai ugehuewe gëtt.
• 1988 gouf d'Salle d'Attente eng éischt Kéier renovéiert.
• 2002 gouf d'Gare du vu Grond op renovéiert. D'Fassad gouf restauréiert an den éischte Quai gouf komplett nei geluecht. Zäitgläich gouf d'Plaz virun der Gare neigemaach.
• 2007 gouf den Iwwerdaach op de Quaie restauréiert an erëm an den Zoustand vun 1885 versat. Bis 2012 wëll Infrabel och den Interieur vun der Gare restauréiere loossen.

Zich déi an der Gare halen

Aus Richtung	Halt virdrun	Arel			Nächst Halt	A Richtung
Bréissel-Midi	Marbehan		IC 16 / IC 34		Lëtzebuerg	Lëtzebuerg
Bréissel-Midi	Marbehan		EC Vauban		Lëtzebuerg	Chur
Bréissel-Midi	Libramont		EC Iris		Lëtzebuerg	Zürich
Bréissel-Midi	Namur		EC Jean Monnet		Lëtzebuerg	Basel
Terminus	Terminus		L		Viville	Libramont
Terminus	Terminus		L CFL-Linn 80 An der Woch		Miezeg	Virton / Libramont

Um Spaweck

Commons: Gare Arel – Biller, Videoen oder Audiodateien