Adrian Hasler

Adrian Hasler
Gebuer	11. Februar 1964 Vaduz
Nationalitéit	Liechtenstein
Educatioun	Universitéit St. Gallen, Liechtensteinisches Gymnasium
Aktivitéit	Politiker, Geschäftspersoun, Ekonomist

Den Adrian Hasler, gebuer den 11. Februar 1964, ass e liechtensteinesche Politiker vun der Fortschrittliche Bürgerpartei in Liechtenstein (FBP). Hie war vum 27. Mäerz 2013 bis de 25. Mäerz 2021 Regierungschef, sou wéi och Minister fir Presidiales a Finanzen a Liechtenstein.

Hien huet vun 1984 bis 1991 Ekonomie a Gestioun op der Hochschule St. Gallen studéiert a mat enger Licence (lic.oec.HSG) ofgeschloss. Duerno huet hie vun 1992 bis 1996 am Controlling bei der Balzers AG a vun 1996 bis 2004, deels als Directeur adjoint, bei der Verwaltungs- und Privat-Bank zu Vaduz geschafft.

2001 gouf hie fir d'FBP an de Landtag, d'Liechtensteinescht Parlament, gewielt. 2004 huet hie säi Sëtz opginn, fir neie Chef vun der Police ze ginn.

Bei der Landtagswal vun 2013 war den Hasler Spëtzekandidat vun der FBP a gouf Regierungschef vun enger Koalitiounsregierung vu senger Partei an der Vaterländische Union (VU).

Hien ass bestuet an huet zwee Kanner.

Um Spaweck

Commons: Adrian Hasler – Biller, Videoen oder Audiodateien

• Interview mam Adrian Hasler (PDF; 357 kB), 25. August 2012, Liechtensteiner Volksblatt
• Um Internetsite vun der liechtensteinescher Regierung