I.
STABAT Mater speciosa
Juxta fœnum gaudiosa,
Dum jacebat parvulus;
Cujus animam gaudentem
Lactabundam ac ferventem
Pertransivit jubilus.
II.
O quam læta et beata
Fuit illa immaculata
Mater Unigeniti!
Quæ gaudebat et ridebat,
Exultabat, cum videbat
Nati partum inclyti.
III.
Quis jam est, qui non gauderet
Christi matrem si videret
In tanto solatio?
Quis non posset collætari,
Christi matrem contemplari
Ludentem cum filio?
IV.
Pro peccatis suæ gentis
Christum vidit cum jumentis
Et algori subditum;
Vidit suum dulcem natum
Vagientem, adoratum
Vili diversorio.
V.
Nato Christo in præsepe
Cœli cives canunt læte
Cum immenso gaudio;
Stabat senex cum puella
Non cum verbo nec loquela.
Stupescentes cordibus
VI.
Eja mater, fons amoris,
Me sentire vim ardoris,
Fac ut tecum sentiam!
Fac ut ardeat cor meum
In amatum Christum Deum,
Ut sibi complaceam.
VII.
Sanscta mater, istud agas,
Prone introducas plagas
Cordi fixas valide.
Tui nati cœlo lapsi,
Jam dignati fœno nasci
Pœnas mecum divide.
VIII.
Fac me vere congaudere,
Jesulino cohærere
Donec ego vixero.
In me sistat ardor tui;
Puerino fac me frui
Dum sum in exilio.
Hunc ardorem fac communem,
Ne me facias immunem
Ab hoc desiderio.
IX.
Virgo virginum præclara,
Mihi jam non sis amara;
Fac me parvum rapere;
Fac ut pulchrum santem portem,
Qui nascendo vicit mortem,
Volens vitam tradere.
X.
Fac me tecum satiari,
Nato me inebriari,
Stans inter tripudio.
Inflammatus et accensus
Obstupescit omnis sensus
Tali de commercio.
XI.
Omnes stabulum amantes,
Et pastores vigilantes
Pernoctantes sociant.
Per virtutem nati tui
Ora ut electi sui
Ad patriam veniant.
Stabat Mater (Coles)