Talthybius
Talthybius (Graece: Ταλθύβιος) est alter nuntiorum Agamemnonis in Iliade[1] descriptorum. Et in tragoediis postea ad Agamemnonem pertinentibus nonnumquam memoratur[2] aut ipse in scaena apparet[3]
Carmine primo una cum Eurybate, altero claro Atridae nuntio, Achillem ancillam Briseidem ademptum adit[4]. Deinde, constituto certamine inter Menelaum et Parim quod de exitu belli et Helenae possessione decerneret, agnos duos apportare[5] ab Agamemnone iubetur. Item vulnerato Menelao Machaonem medicum arcessitum mittitur[6]. Postea pugnam inter Hectorem et Aiacem, nocte adveniente, una cum collega Troiano Idaeo diremit[7]. Carmine nono decimo immolando capro operam dat, quae victima ad iusiurandum Agamemnonis maxime idonea est[8].
Lacedaemonii Talthybium cultu honorabant[9].
Notae
[recensere | fontem recensere]- ↑ I.320.
- ↑ Euripides, Iphigenia Aulidensis 1563-4. Orestes 888-898
- ↑ E.g. in Hecuba versus 483-608 et Troadibus Euripidis versibus 235sqq. et 709-789 et 1123-1155. Quod imitatus est Seneca in tragoedia eiusdem tituli.
- ↑ I.320sqq.
- ↑ III.118-120.
- ↑ IV.112-209.
- ↑ VII.274-282.
- ↑ Ilias XIX.260-267.
- ↑ Herodotus, Polyhymnia 134-137
Plura legere si cupis
[recensere | fontem recensere]- Kristine Gilmartin, "Talthybius in the Trojan Women", The American Journal of Philology, 1970ː 213-222
- James Jan Sullivan, "The Agency of the Herald Talthybius in Euripides' "Trojan Women"", Mnemosyne, 2007ː 472-477
- "Talthybius" in Brill's New Pauly encyclopaedia
 |
Haec stipula ad mythologiam spectat. Amplifica, si potes! |