Petra Pau
Petra Pau (nata 9 Augusti 1963 Berolini) politicarum rerum perita Theodisca factionis primo SED, nunc Sinistrae est.
Iuventus et munus
[recensere | fontem recensere]Post scholam finitam Pau ab anno 1979 tirocinium apud Iuventutem Theodiscam Liberam (FDJ), apparatum communistarum Rei publicae Democraticae Germanicae, fecit et deinde ab anno 1983 in schola congregationem iuventutis rexit atque magistra linguam Germanicam atque artem docuit. Deinde annis 1985 - 1988 in universitate factionis SED "Carolus Marx" Berolini doctrinae societatis studebat et diploma accepit. Tum apud consilium centrale FDJ laboravit. Post eversionem rerum anni 1989 FDJ dissoluta est atque Pau opere vacuus fuit.
Cursus honorum
[recensere | fontem recensere]Pau ab anno 1983 sodalis SED erat, deinde factionis PDS, nunc autem Sinistrae. Annis 1990 - 1995 legatus ad consilium pagi Hellersdorfii, 1995 - 1998 ad domum legatorum Berolini fuit. Ab hoc tempore et legata Dietae Foederalis Germaniae est. A die 7 Aprilis 2006 et praeses vicaria parlamenti Theodisci est: Die 22 Octobris 2013 iterum praeses vicaria parlamenti electa est[1]. Die 25 Octobris 2017 Pau tertio praeses vicaria Dietae Foederalis electa est[2].
Nexus externi
[recensere | fontem recensere]
|
Vicimedia Communia plura habent quae ad Petra Pau spectant. |
- Pagina personalis Petrae Pau (lingua Theodisca)
- Biographia in pasgina Dietae Foederalis (lingua Theodisca)
- Curriculum vitae in pagina fractionis Sinistrae Dietae Foederalis (lingua Theodisca)