Palatia Ferrariae

Paços de Ferreira

Insigne

Vexillum

Urbis sententiola: Paços de Ferraria

(Palatia Ferrariae)

Gentilicium

Palatiensis-e

Area

70.99 km²

Numerus incolarum
- Totus (2011)
- Spissitudo

56 340 inc.
793.63 inc./km²

Numerus paroeciarum

12

Praeses
Camerae Municipalis

Humbertus Brito (PS)
(mandatum inter 2013 et 2017)

Fori sive
municipium conditum

Antiqua provincia

Sancta Eulalia

Feriatus municipalis

6 Novembris

Numerus cursualis

4590 et 4595

Situs interretialis

www.cm-pacosdeferreira.pt

Palatia Ferrariae^[1] (Lusice Paços de Ferreira) sunt Lusitanica urbs in Districtu Portu Cali (Lusice Distrito do Porto), in Regione Inter Durium et Minium (Lusice Região Entre Douro e Minho) et in Subregione Valli Sausae et Tamăcā Inferiori (Lusice Subregião Vale do Sousa e Baixo Tâmega), cum 7491 incolarum anno 2011.

Est sedes concilii cum 70.99 km² areae et cum 56 340 incolarum anno 2011, subdivisi in paroecias duodecim. Municipium ab Oriente municipio Lausatā, a Meridie Parietibus, ab Austroccidente Valli Longo et ab Occidente ac Septemtrione Sancto Thyrso terminatur.

Usque ad liberalismum Cotum Palatiorum Ferrariae (Lusice Couto de Paços de Ferreira) constituebat. Factum est concilium die 6 Novembris anni 1836, succedens concilio Suberosae^[2] (Lusice Sobrosa) et elevatum est ad urbis statutum die 20 Maii anni 1993.

Historia

Inventa Praehistoricam catoeciam probant. Paroeciae Sancti Felicis Ferrariae^[3]^[4] (Lusice Sanfins de Ferreira) Castrum Sancti Felicis visi potest, catoeciae reliquiae ad Culturam Castrorum pertinentes, quod a Romanis commutatum et colonizatum est.

Hodiernus locus colonizationis programmmate per Recuperationem Hispanicam conformatus est. Prima huius loci mentio saeculo undecimo orta est. Anno 1258 hic locus velut "Oppidum Ferrariae" (Lusice Vila de Ferreira) annotatus est in Inquisitionibus. Rex Dominus Emmanuel I ei primum forum anno 1514 dedit.

Liberum concilium Palatia Ferrariae anno 1836 creatum est, per dissimiles administrativas reformationes post anni 1822 Revolutionem Liberalem (Lusice Revolução Liberal). Antea Palatia Ferrariae ad concilium Penafidelem (Lusice Penafiel) pertinebat.

Anno 1993 elevata sunt Palatia Ferraria ex oppido (Lusice vila) categoria ad urbis (Lusice cidade) categoriam.

Geographia

Concilium Palatia Ferrariae situm est in altae planitiei zonā, Plano Ferrariae (Lusice Chã de Ferreira) nuncupatā, olim propter naturalem topiorum pulchritudinem ac propter humanizatam dispositionem noto. Sic, concilium variis elevationibus terminatur, inter quas eminent Iugum Agrela^[5] (Lusice Serra da Agrela) ac Mons Pilae (Lusice Monte do Pilar), ab Occidente, quae id a concilio Sancto Thyrso separant; Iugum Sancti Iacobi (Lusice Serra de São Tiago), a Meridie, quod limitem cum consilio Parietibus (Lusice Paredes) designat; et Mons Domina de Succursu (Lusice Monte da Senhora do Socorro), a Septemtrione, concilio Sancto Thyrso finitimus.

Altissimus concilii locus est punctum trigonometricum Castri Sancti Felicis, homonymae paroecia, 570 metra super aequore maris altum. Attamen, maior concilii pars sensibiliter in 300 metrorum aequore collocatur.

Concilium variis fluminibus transitur, sed parvi voluminis. Quorum significativius est Flumen Ferraria ^[7] (Lusice Rio Ferreira), Fluminis Sausae^[8] (Lusice Rio Sousa) tributarius et Fluminis Durii subtributarius, quod Meridionalem concilii partem transit, postquam Villae Fredemundi^[9] (Lusice Freamunde) ortum sit. Omnes reliqui cursus aquae concilii hoc flumen influunt, inter quos notanda sunt Flumen Carvalosa^[10] (Lusice Rio Carvalhosa), Listosae^[11] (Lusice Lustosa) Lausatae (Lusice Lousada) ortum, Palatiis Ferrariae influens atque Parochia (Lusitania)s Villam Regimundi^[12] (Lusice Raimonda), Ficulneolam^[13]^[14] (Lusice Figueiró), et Carvalosam^[15] (Lusice Carvalhosa) transeuns; et Flumen Eiricus^[16] (Lusice Rio Eiriz), Lamosi (Lusice Lamoso) ortum, loci Molarum (Lusice lugar de Moinhos) Farazone^[17] (Lusice Frazão) influens ac Villam Eirici^[18] (Lusice Eiriz) atque Villam Maximini^[19] (Lusice Meixomil) transeuns.

Loci definitio

Boroccidens: Sanctus Thyrsus Mons Corduvae^[20]	Septemtrio: Villa Avium (Sanctus Thyrsus)	Boreoriens: Listosa (Lausata)
Occidens: Agrela (Sanctus Thyrsus)		Oriens: Lausata
Austroccidens: Sanctus Andreas de Sobrado^[21] (Vallis Longus)	Meridies: Parietes, Lauritellum et Villella	Austroriens: Suberosa (Parietes)

Geologia

Alta planities concilium componens in transitionis zona inter Iugi Vallis Longi (Lusice Serra de Valongo) schistos ac Minii granita sita est. Lapides magis in concilii limitibus copiosisimae sunt, cum schistorum abundantia in Meridionali Iugi Agrela (Lusice Serra da Agrela) displuvio et cum caerulei graniti copia in reliquis montanis concilii zonis.

Lapides commercialis usus scopus sunt, inter quas eminent granitum caeruleum e paroeciarum Villae Eirici (Lusice Eiriz) ac Sancti Felicis Ferrariae (Lusice Sanfins de Ferreira) lapicidinis extractum et schisti in Seroiae^[22] (Lusice Seroa) zona extracti.

Clima

Secundum classificationem climatum Köppenianam-Geigerianam, Palatia Ferrariae clima temperatum cum pluviosa hieme et sicca ac paulo calida aestate (Csb) habet.

Temperatura media annua 13.0 °C est (secundum medias inter annos 1955 et 1980 e Palatiorum Ferrariae agraria statione, nihilominus exstincta) et pluviositas inter 1700 et 1750 mm quotannis variat.

Quia in zona satis peculiari velut est Planum Ferrariae (Lusice Chã de Ferreira) et iam fere chiliometra triginta ex oceano inveniuntur, crebro meteorologicae condiciones Palatiis Ferrariae eis apud litorales zonas verificatis dispares sunt.

Sic, hiemes Palatiis Ferrariae relative lenes sunt, cum temperaturis inter 0 °C et 15 °C, cum praecipitationibus creberrimis.

Secundum mediam, noctes cum gelicidio super terra 59 dies quotannis repraesentant. Nivis incidentia relative rara est, cum nivalium procellarum frequentia per annos deminisset. Ultima nivalis procella saeva concilii in tabulas relata est die 9 Ianuarii anni 2009.

Hieme parvum flumen Ferraria (Lusice Ferreira) suaque tributaria Eiricus (Eiriz) et Carvalosa (Carvalhosa) saepe exundant, quae intransibiles aliquos concilii pontes facit. Hac anni epocha quoque magna umiditate describitur.

Iam aestates plerumque calidae et siccae sunt, cum temperaturis inter 20 °C et 30 °C. Attamen, rarissima est extremorum caloris ac ariditatis phaenomenorum incidentia.

Propter magnam industrializationem, concilium in tabulas altos pollutionis gradus refert, cum stratosphaerici ozoni conglobatione aliquando informationis limen populositati exsuperante.

Fauna et flora

Faunistica concilii diversitas, infeliciter, minor minorque est, propter naturalium oecosystematum destructionem ac crescentem topiorum ac antea ruralium incultarumque zonarum humanizationem.

Palatiorum Ferrariae flora quoque minus minusque abundans est, quia silvestres concilii zonae constanter in periculum variis factoribus vocantur. Primum, incendia ultimis annis eventa magnas clades in silvestribus concilii areis fecere, accurate in Monte Sancti Dominici (Lusice Monte de São Domingos), prope mediam urbem; in Mons Pilae (Lusice Monte do Pilar), Penamaiore (Lusice Penamaior); et in Iugo Agrela (Lusice Serra da Agrela) Seroiae (Lusice Seroa). Post haec incendia, non facta est silvarum redintegratio, sed, ustae zonae scopus immobilis negotiationis sunt, quae rapide constructioni concessae sunt. Aliud problema^? ab aliquibus Iunctis Paroeciae (Lusice Juntas de Freguesia) alienati inculti agri est, qui quoque rapide sunt immobilis negotiationis scopus. Denique, novarum, publicarum privatarumque, structurarum constructio, accurate novae viae (A42 et varians Septemtrionalis) et industriales zonae (Seroiae, Farazone, et complexus IKEA), antiquas regiones silvestres et adhuc reservati naturalis zonas occupaverunt.

Arboreis in zonis exsistentibus, species abundantissimae sunt pinus pinaster et, singulariter, eucalyptus, quae reposita est, per saecula saecula undevicensumum et vicensimum, in locum macularum autochthonicarum specierum, velut quercus. Usque ad recens tempus, adhuc erat considerabilis suberum macula, casus rarus in regione, cuius pleraque exemplaria attamen accisa sunt ut aedificaretur complexus IKEA.

Civilitas

Municipium Palatia Ferrariae a camera municipali (Lusice câmara municipal) a decurionibus (Lusice vereadores) septem composita administratur. Est conventus municipalis (Lusice assembleia municipal), qui est legisferum municipii organum, constitutum a sodalibus 33 conventūs municipalis (e quibus 21 directe eliguntur).

Munus Praeses Camerae Municipalis (Lusice Presidente da Câmara Municipal) ab Humberto Brito in praesenti sustinetur, qui electus est comitiis autarchicis (Lusice eleições autárquicas ) anni 2013 per Factionem Socialisticam, cum decurionum maioritate absoluta intra cameram. Sunt etiam tres decuriones a Factione Sociali Democratica, quae anno 2013 Cameram Municipalem primum in democratica concilii historia amisit, post 37 annos cum camerae praesedere deinceps sociales democratae Ferdinandus Vasconcelos, Armenius Pereira et Petrus Pinto (hic ultimus urnis anno 2013 victus). Iam in Conventu Municipali factio repraesentatissima est Factione Sociali Democratica cum deputatis decem electis et praesidibus Iunctarum Paroeciae (Lusice presidentes de Juntas de Freguesia), cum maioritate absoluta, quam sequitur Factio Socialistica cum quindecim. Reliquae factiones repraesentationem in ullis organis non habent.

Comitia autarchica anni 2013
Organum	PS	PSD	PCP-PEV	CDS-PP	PTP
Camera Municipalis	4	3	0	0	0
Conventus Municipalis	15	18	0	0	0
e quibus directe electi	11	10	0	0	0

Coniunctio communium

Palatia Ferrariae coniuncta sunt cum:

Satorvilla^[23] (Francogallice Sartrouville), in Francia.

Paroeciae

Concilium Palatia Ferrariae divisa est in paroecias duodecim quae sunt in tabula inferiori:

Insigne	Paroecia Latine	Paroecia Lusice
Insigne Carvalosa	Carvalosa^[24]	Carvalhosa
Insigne Ferrariae	Ferraria^[25]	Ferreira
	Ficulneola^[26]^[27]	Figueiró
Insigne Farazonis	Farazon Arreigada ^[28]	Frazão Arreigada
	Palatia Ferraria^[29]/Modelli	Paços de Ferreira/Modelos
Insigne Penamaioris	Penamaior	Penamaior
	Sanctus Felix, Lamosum et Cytisi^[30]	Sanfins, Lamoso e Codessos
	Seroia^[31]	Seroa
Insigne Villae Eirici	Villa Eirici^[32]	Eiriz
Insigne Villae Fredemundi	Villa Fredemundi^[33]	Freamunde
Insigne Villae Maximini	Villa Maximini^[34]	Meixomil
Insigne Villae Regimundi	Villa Regimundi^[35]	Raimonda

Fere omnes paroeciae satis homogeneae de incolarum numero sunt. Etiamnunc, populositas se praesertim urbibus Palatiis Ferrariae ac Villae Fredemundi, oppidis Farazone ac Carvalosae et villagiis Ferrariae ac Seroiae concentrat.

Demographica evolutio

Demographica evolutio inter annos 1849 et 2011.
1849	1900	1930	1960	1981	1991	2001	2004	2011
10091	11900	15686	27537	33653	40687	44190	52985	56340

Oeconomia

Maizii cultura Saepto Urbano Palatiorum Ferrariae (Lusice *Parque Urbano de Paços de Ferreira*).

Villa Padifoliorum (Lusice *Quinta das Uveiras*).

Concilium Palatia Ferrariae "supellectilis caput" designationem assumit, propter pondus suae industria supellectilium. Amplius dimidium facultatis laborandi in industria, praecipue in supellectilium industria, laborat, quamquam etiam adsunt textilis, metallomechanicus, alimentarius, serrati ligni et graniti transformatorius sectores. Agricultura etiam praecipua est concilii oeconomiae: producuntur patatae, maizium, fructus praediorum et vinum. Ad hanc activitatem aggregantur pluries educatio animalium et usus silvestris.^[36]

Vectura

Urbs per Autoviam A42 (Lusice Autoestrada A42) Eremitae et Lausatae conectitur.

Localis vectura publica per locales ac regionales lineas laophoricas quindecim a locali societate vecturae Auto Viação Pacense praestatur. Quae pertinet ex anno 1996 ad privatum inceptum ex Villa Nova Famellicani^[37] (Lusice Vila Nova de Famalicão), quod localem vecturam publicam variis Regionis conciliis per publicam concessionem tractat.

Periegesis

Cum locuplete historia, Palatia Ferrariae multa ad videndum ac visendum offerunt.

Nuncupata Caput Supellectilis, Palatia Ferrariae hodie maximum centrum negotiis supellectilium in Portugallia est, ubi centralizatur fluctus plerarumque productarum nationalium supellectilium, maximam huius sectoris repraesentationem habentia.

Per Castrum Sancti Felicis (Lusice; Citânia de Sanfins) aut per Monasterium Ferrariae (Lusice; Mosteiro de Ferreira) per spatium ac tempus iter facere est. Hic archaeologicus locus subtilem atmosphaeram reddit et est unus inter loca significativissima Culturae Castrorum in Paeninsulari Boreoccidente et in Europaea protohistoria. Iam Monasterium Ferrariae miram vim ac robur evocat, velut Monumentum Nationale classificatum, et est una inter gemmas Romanici patrimonii in Terris Sausae (Lusice Terras de Sousa).^[38]

Cultura

Palatia Ferrariae etiam vasto eventuum programmate favent, exhibentia culturalium manifestationum flabellum quae artisticos campos inter se dissimiles velut operam, cinematographiam, musicam modernam ac theatrum comprehendunt.^[39]

Greges musici laographici

Inter greges musicos laographicos (Lusice ranchos folclóricos) excellunt:

Gastronomia

In Palatiensi gastronomia, excellit capo Villae Fredemundi (Lusice capão de Freamunde), haedina assa (Lusice; cabrito assado), ius siccum (Lusice; sopa seca) et lapides Castri (Lusice; rochas da Citânia).^[40]

Festa et peregrinationes

**Festorum maiorum calendarium**^[41]
Dies	Nomen Latinum	Nomen locale	Paroecia
15 Ianuarii	Festum Sancti Mauri	Festa de Santo Amaro	Penamiaor
Exeunte Ianuario	Festum Sancti Sebastiani	Festa de São Sebastião	Sanctus Felix Ferrariae
2 Februarii	Festum Virginis Candelariae	Festa da Senhora da Luz	Ferraria et Farazon
3 Februarii	Festum Sancti Blasii	Festa de São Bráz	Farazon
19 Martii	Festum Sancti Iosephi	Festa de São José	Villa Fredemundi
Maio	Festum Angeli Tutelaris	Festa do Anjo da Guarda	Arreigada
Idibus Iuniis	Festum Sancti Antonii	Festa de Santo António	Villa Eirici et Villa Fredemundi
Pridie vespere 24 Iunii	Festum Sancti Ioannis	Festa de São João	Cytisi et Farazon
Quadragesimo die post Pascham	Festum Nostrae Dominae Horae	Festa da Nossa Senhora da Hora	Lamosum et Penamaior
Primo Die Solis post Pentecosten	Festum Sanctissimae Trinitatis	Festa da Santíssima Trindade	Villa Maximini
Secundo Die Solis Iunii	Festum Sancti Sebastiani	Festas Sebastianas	Villa Fredemundi
Fine hebdomade post diem 29 Iunii	Festum Sancti Petri	Festa de São Pedro	Villa Regimundi
Ultimo Die Solis Iunii	Peregrinatio Sancti Gundisalvi	Romaria de São Gonçalo	Villa Eirici
Iunio	Festum Corporis Dei	Festa do Corpo de Deus	Villa Eirici, Palatia Ferrariae, Sanctus Felix Ferrariae et Seroia
25 Iulii	Festum Sancti Iacobi	Festa de São Tiago	Ferraria et Modelli
Iulio	Festum Beatae Mariae Virginis Perdolentis	Festa da Senhora da Piedade	Farazon
Primo Die Solis Augusti	Peregrinatio Dominae Ducis	Romaria da Senhora da Guia	Sanctus Felix Ferrariae
9 Augusti	Peregrinatio Sancti Ovidii	Romaria de Santo Ovídio	Villa Maximini
15 Augusti	Festum Dominae Totius Mundi	Festa da Senhora de Todo Mundo	Ficulneola
15 Augusti	Festum Nostrae Dominae Pilae	Festa da Nossa Senhora do Pilar	Penamaior
Ultimo fini hebdomadis Augusti	Festum Sancti Mamantis	Festa de São Mamede	Seroia
Augusto	Festum Nostrae Dominae Fatimae	Festa da Nossa de Fátima	Farazon
Primo Die Solis Septembris	Festum Dominae de Succursu	Festa da Senhora do Socorro	Cytisi
Septembri	Festum Nostrae Dominae Remediorum	Festa da Nossa Senhora dos Remédios	Arreigada
6 Novembris	Feriatus Municipalis	Feriado Municipal	Totum municipium
8 Decembris	Festum Immaculatae Conceptionis	Festa da Imaculada Conceição	Villa Fredemundi et Villa Maximini
Idibus Decembribus	Peregrinatio Sanctae Luciae	Romaria de Santa Luzia	Villa Fredemundi
27 Decembris	Festum Sancti Ioannis Evangelistae	Festa de São João Evangelista	Villa Eirici
Variabile	Festum Corporis Dei	Festa do Corpo de Deus	Ficulneola

Clari Palatienses

Inter claros Palatienses excellunt:

Iosephus Pinto Martins, Villae Maximini natus et anno 1827 mortuus, agrarius ergolabus, Brasiliensis urbis Pelotarum (Lusice Pelotas) co-conditor
Silvia Cardoso, Palatiis Ferrariae anno 1882 nata et eodem municipio anno 1950 mortua, laboratrix socialis, quam die 27 Martii anni 2013 Papa Venerabilem Dei servam declarata est
Iosephus Carolus Vasconcelos, Villae Fredemundi anno 1940 natus, iurisprudens, diurnarius et politicus
Antonius Maria Bessa Taipa, Villae Fredemundi anno 1942 natus, auxiliarius Portucalensis
Antonius Assunção, Palatiis Ferrariae anno 1945 natus et Novi Eboraci anno 1998 mortuus, actor
Carolus Paulus Martins Carneiro, Palatiis Ferrariae anno 1974 natus, pedilusor
Petrus das Neves Correia, Palatiis Ferrariae anno 1974 natus, ianitor
Marisa Barros, Palatiis Ferrariae anno 1980 nata, cursor Marathonia
Ricardus Emmanuel Ferreira Sousa, etiam Cadú appellatus, Palatiis Ferrariae anno 1981 natus, pedilusor
Emmanuel Antonius Cardoso, Palatiis Ferrariae anno 1983 natus, birotarius
Iulius Emmanuel Pires Coelho, Palatiis Ferrariae anno 1984 natus, pedilusor
Daniel Petrus Pires Barbosa, Villae Fredemundi anno 1985 natus, pedilusor
Andreas Leão, Villae Fredemundi anno 1985 natus, pedilusor
Victorinus Antunes, Villae Fredemundi anno 1987 natus, pedilusor;
Ludovicus Petrus Gomes Martins, Villae Fredemundi anno 1989 natus, pedilusor.

Artes athleticae

Societas pedilusoria Futebol Clube Paços de Ferreira in Lusitanica prima liga Primeira Liga ludit. Cuius sedes est Stadium Capitis Supellectilis (Lusice EStádio da Capital do Móvel). Huius societatis sectatores et activi pedilusores per occasionem Lusice os castores (scilicet "castores") nuncupantur, quod refert ad ligni tractationem, cui traditionaliter urbs sociatur.

Prima paroeciae Villae Fredemundi turma pedilusoria Sport Clube Freamunde in secunda liga Segunda Liga ludit. Etiam inter alias concilii turmas excellunt turmae Clube Desportivo Águias Eiriz Villae Eirici, Clube Desportivo Leões Seroa Seroiae et Grupo Cultural Desportivo Leões Citânia Sancti Felicis Ferrariae. Omnes haec turma in minore Districtūs liga ludunt.

Nexus externi

Vicimedia Communia plura habent quae ad Palatia Ferrariae spectant.

Nota

[1] O território de Anegia

[2] Vicipaedia Lusica

[3] .pt

[4] .pt.

[5] ARCHEOLOGO PORTUGUÈS.

[6] rcodecanaveses.pt

[7] O território de Anegia

[8] O archeologo português. O territorio de "Anegia"

[9] Vicipaedia Lusica

[10] rcodecanaveses.pt

[11] Diarium Lausatae^{[nexus deficit]}

[12] Memoria portuguesa

[13] .com

[14] .pt

[15] rcodecanaveses.pt

[16] .pt

[17] .pt

[18] .pt

[19] .pt

[20] A Cruz do Lugar das Marcas (Lousado, Vila Nova de Famalicão) e o Couto do Mosteiro de Santo Tirso a Mario Jorge Barroca

[21] Vicipaedia Lusica

[22] -pacosdeferreira.pt

[23] Vicipaedia Francica

[24] rcodecanaveses.pt

[25] O território de Anegia

[26] .com

[27] .pt

[28] .pt

[29] O território de Anegia

[30] .pt

[31] -pacosdeferreira.pt^{[nexus deficit]}

[32] .pt

[33] Vicipaedia Lusica

[34] xomil.pt

[35] Memoria portuguesa

[36] .pt

[37] .pt

[38] `cm-pacosdeferreira.pt.

[39] `cm-pacosdeferreira.pt

[40] Jornal de Notícias

[41] -pacosdeferreira.pt

[1]

[2]

[3]

[4]

[5]

[6]

[7]

[8]

[9]

[10]

[11]

[12]

[13]

[14]

[15]

[16]

[17]

[18]

[19]

[20]

[21]

[22]

[23]

[24]

[25]

[26]

[27]

[28]

[29]

[30]

[31]

[32]

[33]

[34]

[35]

[36]

[37]

[38]

[39]

[40]

[41]