Nigricolores

Vide etiam paginam discretivam: Nigrita.

Nelson Mandela Congressum Nationalem Africanum in proelio contra apartheid in Africa Australi duxit.

Liberi qui sunt in Namibia.

Nigricolores sunt homines quorum cutis colore fere atra est vel nigra.

Sunt qui nigricolores (vel nigros sive nigritas) tantum eos vocent, quorum maiores ex Africa orti sunt aut propter servitutem et emigrationem per alias continentes, praesertim per Americam, se propagavere. Alii alios comprehendunt, quorum cutis color aquilus est, inter quos indigenae Oceaniae et Asiae austro-orientalis, ut puta indigenae Australiani, Melanesii, et Dravidae.

Doctrina phyletica, quae saeculis saeculo undevicesimo et vicesimo ineunte vigebat, nigricolores phyli "negroidi" attribuit. Quae notio in dubium venit, et multi sunt qui secundum naturam phylas humanas omnino non exsistere censeant, et in eis solum notionem culturalem conspicantur.

Nomina

• "Nigricolores" notio huius temporis est, qua comtemptio, quae multis in linguis cum vocibus nigricolores denotantibus coniuncta est (confer verbum Anglicum "Nigger"), quantum fieri potest avertat.
• Veteres nigros homines saepe Aethiopes appellaverunt. Inde et Aethiopia, ae, f. (Αἰθιοπία), quae non solum fere hodiernam civitatem (Aethiopia supra Aegyptum), sed etiam finem terrae australem sive terram hominum nigricolorum valere potuit, et adiectivum Aethiopicus (Αἰθιοπικός).
• A Medio Aevo verba "nigri (homines)" et "nigritae" in usu venerunt.
• "Nigrita" etiam servum ex Africa abductum valere potuit.
• In Civitatibus Foederatis nigricolores his diebus Afroamericani nuncupari solent.

Nexus interni

• Afrophobia
• Albicolores (notio contraria)
• Martinus Lutherus King Jr.
• Nelson Mandela
• Rassismus

Nexus externi

Vicimedia Communia plura habent quae ad nigricolores spectant (Black people, People of Black African descent).

Vicicitatio habet citationes quae ad nigricolores spectant.