Misophonia
![]() |
Nulla Vicipaediae Latinae pagina huc annectitur. |
Misophonia (ex Gr. μῖσος 'odium' et φωνή 'sonus' compositum) morbus est, qui systema neurophysiologicum hominis eo adducit, ut aegrotus sonis communis vitae paene neminem turbantibus, sicut manducandi et respirandi sonis, molestiam capiat saevoque furore conquassetur. Constat enim misophoniam, contra hyperacusin qui morbus aegrotum omnes circa cogit sonos odi, paucorum tantum et quidem gravium redeuntiumque sonorum taedium adferre. Quod "odium soni" non apud omnes gentes morbus esse statuitur.
Appellatio misophoniae usu recepta est ineunte saeculo MM, postquam eius indicia ab hyperacusi differre demonstratum est.[1]
De indiciis
[recensere | fontem recensere]Misophonia est condicio neurophysiologica, cum cerebrum quibusdam sonis diurnis offenditur nec scit, utrum hominem currere an certare iubeat.[2] Soni aegrotum vexantes saepissime graves ac recidivi sunt, sicut devorandi vel manducandi vel masticandi vel sorbillandi strepitus, poppysma, alterius hominis respiratio, screatus, horologii crepitus. Causa misophoniae ignota est, sed mutationes in cortice insulari cerni possunt, nam cortex insularis anterior alias partes cerebri incendit tamquam iussu illarum partium, quae ad memorias longas (long-term memories), timores aliosque animi motus pertinent. Homines misophonia laborantes in cerebro maiores habent copias myelini; quamquam incertum est, myelinum utrum causa an effectus misophoniae sit.[3]
Notae
[recensere | fontem recensere]Bibliographia
[recensere | fontem recensere]- Brout, Jennifer J. (2917) Misophonia for Parents. Psychology Today 18 Septembris.
- Bruxner, G. (2016) 'Mastication rage': a review of misophonia—an under-recognised symptom of psychiatric relevance? Australasian Psychiatry 24 (2): 195–197.
- Cavanna, Andrea E. (2014) What is misophonia and how can we treat it? Expert Review of Neurotherapeutics 14 (4): 357–359.
- Jastreboff, Margaret M. & Pawel J. Jastreboff (2001) Components of decreased sound tolerance : hyperacusis, misophonia, phonophobia. ITHS Newsletter 2 Iulii.
- Kumar, Sukhbinder; Tansley-Hancock, Olana; Sedley, William; Winston, Joel S.; Callaghan, Martina F.; Allen, Micah; Cope, Thomas E.; Gander, Phillip E.; Bamiou, Doris-Eva; Griffiths, Timothy D. (2017) The Brain Basis for Misophonia. Current Biology 27 (4): 527–533.