Holmia

Holmia,^[1]^[2] seu Stockholmia,^[3] (Suecice Stockholm) est urbs maxima Sueciae et caput civitatis. Numerus incolarum regionis urbanae Holmiae circiter 1 620 000 erat anno 2020, secundum Curiam Centralem Statisticam Suecicam (Suecice Statistiska Centralbyrån).^[4]

Est sedes regis, senatus, atque administrationis regni. Anno 1998, caput culturale Europaeum declarata est.

De etymologia

Holmiae nomen Suecicum, Stockholm, ex duobus verbis compositum est: stock ('stipes, truncus') et holm (forma ex holme, 'insula parva').^[5]

Status caeli

Holmiae aestates temperatae sunt; hieme autem aer frigidus est.

Historia

Primum de Holmia anno 1252 in chronica Erici scriptum est. Urbem a Birgero Duce (Suecice: Birger Jarl) circa annum 1250 conditam esse traditur.

Holmia hodierna

Regiones urbanae

Holmiae hodiernae quattuordecim regiones urbanas habent, videlicet: Elsiovia (Suecice: Älvsjö), Bromma, Enschede-Orsta-Vantoeria (Enskede-Årsta-Vantör), Farsta, Hegerstenia-Lilieholmia (Hägersten-Liljeholmen), Hesselbia-Vellingbia (Hässelby-Vällingby) Congsholmia (Kungsholmen), Normalmia (Norrmalm), Austermalmia (Östermalm), Rincovia-Cista (Rinkeby-Kista), Scarpnaechia (Skarpnäck), Scaeriholmia (Skärholmen), Sudermalmia (Södermalm), et Sponga-Tensta (Spånga-Tensta)^[6].

Commeatus

Ferrivia

Holmia est magnus ferriviae nexus cum Statione Media Holmiensi (Stockholms centralstation). Ea statione etiam statio ferriviaria subterranea T-Centralen, maxima Holmiae, locata^? est.

Aeroportus

Maximus Sueciae est aeroportus internationalis Holmia-Arlanda, circiter 40 chiliometra Holmiae remotus. Ex anno 1999 Arlanda Express ferrivia aeroportum et urbem intra viginti minutas iungit.

Incolae noti

Gunnarus Asplund, architectus et professor
Ioanna Maria Lind (1820–1887), cantrix
Carolina af Ugglas, artifex, cantrix, et ductrix chori
Darin, cantor et saltator
Emanuel Swedenborg, rerum naturalium doctor, philosophus, theologus, theosophus qui etiam tractavit alias res religionis
Stieg Larsson, scriptor (ibi anno 2004 mortuus)
Bodil Malmsten, scriptrix
Petra Mede, stans actrix comica, animatrix programmatis, actrix, et scriptrix
Robyn, cantrix et auctrix carminum
Ioannes Smedberg, architectus
Augustus Strindberg, scriptor
Gunnel Vallquist, scriptrix
Sascha Zacharias, actrix

Notae

↑ Il mondo antico, moderno, e novissimo, ovvero Breve trattato, 2: 706.
↑ "Holmia, Stocholmia" :J. G. Th. Graesse, Orbis Latinus (Dresdae: Schönfeld, 1861; 1909. Brunsvici, 1972, 3 voll.) 1 2 3.
↑ "Holmia, Stockholmia"; adiect. "Holm(i)ensis, Stockholmiensis": Ebbe Vilborg, Norstedts svensk-latinska ordbok, editio secunda (2009).
↑ Census urbanus
↑ https://www.etymonline.com/word/Stockholm
↑ https://start.stockholm/om-stockholms-stad/organisation/stadsdelsforvaltningar/

Bibliographia

Jonna Dagliden, "Stockholm city guide: what to do plus the best bars, restaurants and hotels" in The Guardian (12 Octobris 2014)

Nexus interni

Nexus externi

Vicimedia Communia plura habent quae ad Holmiam spectant.

Pinacotheca

Universalis visio Holmiae.
Aedes Urbanae Holmienses.
Castellum Holmiense.
Globus.
Fori Feni Caeliscalpia.
Sigillum antiquum Holmiae urbis, in quo depingitur Ericus IX rex.
"Stockholmia Metropolis Regni Sueciae et sedes regia qua parte ad occidentem spectat"
Vädersolstavlan ex anno 1535, una veterrimarum imagines noti Holmiae.
Sculptura Accentus Rectus Vitreus, officialiter "Crystallum, accentus index directus in vitro chalybeque". Etiam "Clavulus" et "Obeliscus Vitreus" appellatur.
Illustratio variarum aquarum altitudines historicarum in Holmia cum adiumento a Västerbron.
Locus Holmiensis circa 3000 aCn.