Gades

Gades^[1] (-ium f. pl.^[2] ; Hispanice Cádiz ; Punice גדר Gādīr, Gaddīr^[3] ; Graece τὰ Γάδειρα ; Arabice Qadiz) sunt urbs et portus in Hispania meridio-occidentali et caput unius ex octo provinciis quae communitatem autonomam Vandalitiae constituunt. Sententia urbis est "Hercules fundator Gadium dominatorque."

Historia

Traditur urbs a Phoenicibus saeculo duodecimo a.C.n. condita esse, at usque adhuc archaeologi nihil a tempore ante saeculum nonum invenerunt. Nihilominus fertur urbs esse antiquissima Europae habitatio continua exstans. Secundum fabulas Graecas, Hercules, Geryone interfecto, Gades condidit, et certus est Hercules Tyrius ibi cultum adesse. Saeculo sexto a.C.n., urbem Poeni, saeculo tertio, Romani tenuebant.

Imperio Romano corrupto, Gades factae sunt oppidum minoris momenti, usque ad saeculum quintum decimum; anno autem 1495, Christophorus Columbus secundam navigationem a Gadibus profectus est.

Franciscus Drakus Eques classem quandam Hispanicam in portu Gaditano Aprili mense 1587 sustulit. Bello inter Anglicos et Hispanicos gesto, Robertus Blake praefectus classis Angliae Gades a parte marina ab anno 1655 usque ad annum 1657 obsidebat.

Saeculo duodevicensimo, Gades urbem Hispalem superaverunt, in quo ad commercium Americanum attineret.

Theatrum Romanum

Nonnullis horreis veteribus igni anno 1980 destructis, reliquia theatri Romani in vico urbano El Pópulo appellato inventa sunt. Incendium corium fabricationis patefecit quod fundamenta aedificiorum medii aevi videbatur; haec fundamenta vicissim supra saxa antiquiora aedificata erant, calces more Romano caesas. Cava accurata theatrum Romanum magna ex parte intactum in lucem protulerunt.

Theatrum, iussu Lucii Cornelii Balbi minoris primo saeculo a.C.n. constructum, est orbis terrarum secundum a maximo theatrum Romanum, paululum minus solum theatro Pompeiorum, ad meridiem Romae sito. Cicero, in Epistulis ad Familiares, de usu Balbi pro ipsius propagandis scripsit.

Incolae noti

Lucius Cornelius Balbus, consul
Lucius Cornelius Balbus (minor), generalis
Quintus Lucilius Balbus, philosophus Stoicus (circa annum 40)
Canius Rufus eiusque uxor Theophila, a Martiale poeta celebrati
Emmanuel de Falla, compositor, hic natus anno 1876
Daniel Güiza, pedilusor
Camarón de la Isla, flamenco^? cantor
Lucius Iunius Moderatus Columella, scriptor de rebus agronomicis
Franciscus de Lucía, flamenco^? citharista
Georgius Gordon Meade, generalis Exercitus Americani, hic natus anno 1815
Iosephus Caelestinus Mutis, botanista et mathematicus
Niña Pastori (Hispanice María Rosa García García) flamenco^? cantor
Stephanus Piñero Camacho, Basty appellatus, socius D'NASH, gregis Hispanici
Xavier Ruibal, musicius, cantor, compositor carminum

Notae

↑ Livius 24.49.5; 32.2.5.
↑ Plin. Nat. 2.168; 4.120.
↑ Confer Pl. H. N.: "appellant, Poeni Gadir, ita Punica lingua saepe significante."

Nexus interni

Nexus externi

Vicimedia Communia plura habent quae ad Gades spectant.

Gades (Hispanice)

[1] Livius 24.49.5; 32.2.5.

[2] Plin. Nat. 2.168; 4.120.

[3] Confer Pl. H. N.: "appellant, Poeni Gadir, ita Punica lingua saepe significante."

[1]

[2]

[3]