Cursus campester

(Longus) cursus campester^[1] (Norvegice: langrenn) est nartationis genus maxime acceptum.

Generalia

In hac nartandi ratione chionopedilis^[2] baculisque facta non tantum deorsum in vallem laberis sed pulsu retro et horizontaliter et sursum moveris. Plerumque id in curriculo athletis praeparato, quod vestigia in plagis niveis bene visibilia efficit, fit. Agitur de athletica arte quae sanitati maxime prodest et hominibus omnium aetatum recommandari potest, quoniam omnes musculi, nervi, artus regulariter contenduntur atque detenduntur.

Genera finitima sunt biathlon^[3], combinatio septentrionalis, directoriorum nartatio (Ski orienteering), nartatio rotalis (Roller skiing), pedirotis prolapsus^[4] (Nordic inlineskating) et ambulatio nartatoria (Nordic walking).

Longus cursus campester a spectatoribus magni aestimatur et certamina saepe a Foederatione internationali nartatoria (FIS) eduntur. Praeterea privatim haec ars athletica variis methodis colitur, quae aut certationi acerbae aut ambulationi lentae ad animas refocilandas similis esse potest.

Historia

Anno 1892 in monte Holemkollen prope Osloam primum magnum certamen celebratum est; studentes quidam e Norvegia oriundi post annum 1870 mores suos in Germania notos fecit et ibi praeconia fecerunt e.g. Raimundus Pilet legatus (anno 1889), Fredericus Breuer in Nigra silva et saltuarius Förster in Harticis montibus. Denique Olympia hiemalia 1924 cursum campestrum officialter approbarunt. Mulieribus autem ea ars in ludis Olympicis hibernis ex anno 1952 patet.

Notae

↑ Christian Helfer: Lexicon auxiliare, tertia editio, Saraviponti 1991, p. 340
↑ Albert Sleumer: Deutsch-Kirchenlateinisches Wörterbuch, editio tertia, Dümmler, Bonnae 1962, p. 153
↑ Helfer (op.cit.), p. 124
↑ Stefan Feihl (ed.): Neues Lateinlexikon, Edition Lempertz, Königswinter 1998, p. 341, ISBN 978-3-933070-01-2

Nexus externi

Vicimedia Communia plura habent quae ad Longum cursum campestrem spectant.

De arte athletica ista^{[nexus deficit]} in paginis Foederationis internationalis nartatoriae]
Informationes variae a Ministerio Bavarico sanitatis

stipula

Haec pagina est stipula. Amplifica, si potes!

[1] Christian Helfer: Lexicon auxiliare, tertia editio, Saraviponti 1991, p. 340

[2] Albert Sleumer: Deutsch-Kirchenlateinisches Wörterbuch, editio tertia, Dümmler, Bonnae 1962, p. 153

[3] Helfer (op.cit.), p. 124

[4] Stefan Feihl (ed.): Neues Lateinlexikon, Edition Lempertz, Königswinter 1998, p. 341, ISBN 978-3-933070-01-2

[1]

[2]

[3]

[4]