Ceslaus Biedulski

Ceslaus Henricus vulgo Czesław Henryk Biedulski (natus die 4 Aprilis 1936 Vilnae, mortuus die 15 Aprilis 2018 Lublini) fuit Polonicus et Lithuanicus monachus, presbyter, technicus-biologus et editor. Insuper praeerat Unioni Internationali Esperantistarum Catholicorum annis inter 1976 et 1979. Una cum aliis sectionem Esperanticam in Bibliotheca principali Universitatis catholicae Lublinensis condidit.

Vita

Filius sutoris ex anno 1943 scholam elementarem Lentvaris in vico haud procul a Vilna sito frequentavit; e patria expulsus res scholasticas primas anno Górów Iłowiecki in Warmia et Masuria terminavit. In lyceo urbis Lidzbark Warmiński absolutorium scholasticum anno 1954 nactus est, antequam Frauenburgi seminarium Salesianorum intraret. Insuper studiis Nysa in oppido vacabat. Anno 1956 frator minor capuccinus factus est Varsoviae. Novitiatu in urbe Nowe Miasto nad Pilicą perfecto studia philosophica theologicaque sequebantur ante ordinationem sacerdotalem Łomża die 29 Iunii 1963 factam. Statim philosophiae naturali studuit Lublini in facultate philosophica christiana. Ceslaus mense Iunio 1968 magistratu laureatus est disserens de interpretationibus teleologicis biocosmicorum in scriptoribus modernis Polonicis.

In scientiis

A mense Octobri 1968 tirocinium fecit et assistens fuit in cathedra biologiae theoreticae Lublini in facultate philosophica-christiana in Universitate catholica ipsa. Mense Iulio 1971 per montes Districtus Sanctae Crucis grassans explorationes indagationesque varias fecit. Doctoratu anno 1974 coronatus est labore suo de bioluminiscentia quoad vitae originem confecto. Tunc nominatus est famulus professoris Vladimiri Sedlak, creatoris scholae bioelectronicae Polonicae. Cum muneris stabilitas ibidem deesset anno 1975 in sectionem lexicographicam trans facultates institutam venit, ut in Encyclopaedia catholica congerenda iuvaret. Eodem anno ab ordinis superioribus Varsoviam vocatus et et die 30 Novembris 1975 Almae Matri valedicendum erat.

In animarum cura

Ex anno 1962 linguam Esperanticam active coluit. Una cum sacerdote Henrico Paruzel die 24 Octobris 1974 bibliothecam Esperanticam in aedibus universitariis Lublinensibus aperuit, cui diu Andreas Paluchowski praeerat. In praesidio unionis IKUE sedebat electione epistulari autumno 1974 facta. Ferdinando Longoni mortuo aliquando praeses unionis IKUE fuit. Ut clarius dicatur: Praesidii membra quoniam labores inter se dividere cessaverunt eum mense Februario 1976 definitive vicarium praesidem cum functione praesidentis nominaverunt. Tunc e Polonia in Italiam commigravit ubi grapheum centrale Romanum portas patefecit. Anno 1977 congressus magnus catholicus Czanstochovae celebratus est cum multis participibus. Editiones catholicae Esperanticae nova vita inspiratae sunt et emissiones radiophonicae Stationis radiophonicae Vaticanae incohabantur. Statutum unionis IKUE ante legem Italicam clarificatum est et folia "Esperanto Katolika" eodem annum approbata sunt tamquam periodica consociationis officialia. Carolus cardinalis Wojtyła autem, congressus protector, ob mortem episcopi Antonii Baraniak ipse adesse pro dolor non potuit.

Commentarios varios et symbolas pro foliis catholicis scripsit. Anno 1978 dimissionem officiorum Romanorum petivit.

Opera selecta

Polonice

Z problematyki celowościowej interpretacji biokosmosu. Pojęcia podstawowe, p. 191-203, "Roczniki Filozoficzne", Lublini, Lublin, vol. 20, fasc. 3
Teleologiczna interpretacja przyrody u polskic'h neotomistów, p. 107-124, apud: "Roczniki Filozoficzne", tomus 21, fasc. 3, Lublini 1973
Stan badań polskich i radzieckich nad bioplazmą, p. 27-38, apud: Kosmos A, Varsaviae 1973
Ewolucyjny charakter bioluminiscencji, p. 575-591, apud: Kosmos A, fasc. 6, Varsaviae 1973
Bioluminiscencja wyrazem plazmowych procesów w układac'h żywych, p. 141-152, Pierwsza w Polsce konferencja naukowa poświęcona bioplazmie, p. 153-155, apud: "Roczniki Filozoficzne", tomus 22, Lublini 1974; fasc.3, Lublini 1975
Zagadnienia bioluminiscencji w świecie żywym, p. 241-246, apud: Włodzimierz Sedlak: Podstawy bioakustyki kwantowej, Lublini 1978
Rys historyczny bioelektroniki, p. 9-13, apud: "Bioelektronika", Lublini 1979

Esperantice

Biogenezo en medio de prekambrio kaj kambrio, Albae Graecae, p. 25-34, apud: "Scienca Revuo", 1/1976
Bioluminesko. Ĉu rezulto de plasmaj procesoj en vivaj organismoj, Albae Graecae 1977, p. 227-236, apud: "Scienca Revuo", nr 6

Biedulski editore

Sergiusz Riabinin, Sankta Francisko. Poeziaĵoj, IKUE, Romae 1977
Kongresa Libro, 37. IKUE Kongreso en Ĉenstoĥovo 17-21.8.1977, IKUE-Centro, Romae
Irena Bednarz, Bibliografio de la esperanto-eldonajhoj aperigitaj en Pollando 1945-1979, Romae 1979
(redaktoro) Katalog polskich prowincji Ojców Kapucynów, Romae-Varsaviae 1979
Edward T. Wojtakowski, Decimala katalogo de la planlingva literaturo ĉe Universitata Biblioteko de la Katolika Universitato en Lublino, Romae-Lublino 1979
Sergiusz Riabinin, Bezsilne są kolczaste druty, Niepokalanów 1979
Zbigniew Jóźwik, Motyw dziecięcy w ekslibrisach..., Romae 1979
Anna Grabowska, Edward Wojtakowski, Katalog Czasopism Esperanckich w Bibliotece Uniwersyteckiej K.U.L., Lublini-Romae 1981, p. 87
Georgo Korytkowski, Internacia lingva komunikado en la Eklezio kaj nuntempa mondo, Ritmo, Varsaviae 1986, ISBN 83 7013 020 8
Piotr Łossowski, Likwidacja Uniwersytetu Stefana Batorego przez władze litweskie w grudniu 1939 roku, Interlibro, Varsaviae 1991, ISBN 83-85161-26-0
Martine, Seks i astrologia, Interlibro, ISBN 83-85161-35-X
Wiesław Tomaszewski, Sankta Meso, Interlibro, Varsaviae 1999, p.16, ISBN 83-85161-84-8

Biedulski interprete

S.C. Napiórkowski, Doktrina dialogo luterana-katolika, lau "Ekumena Bulteno", en "Espero Katolika", n-roj 1-4/1978
Georgo Korytkowski, Internacia lingva komunikado en la Eklezio kaj nuntempa mondo, Ritmo, Varsovio 1986, p. 89 ISBN 83 7013 020 8

Bibliographia

Janina Korytkowska, Raporto pri la 37-a IKUE-Kongreso, apud: "Espero Katolika", 8/1977, p. 174-190
Antonio De Salvo, Johano Paulo Dua kaj Esperanto, apud: "Espero Katolika", 12/1978, p. 214-216
Czesław Biedulski, Retrorigardo, apud: "Espero Katolika", mensibus Martio-Aprili 1979

Nexus externi