Civitates Foederatae Americae

-3 (maximum dubium) Latinitas huius rei maxime dubia est. Corrige si potes. Vide {{latinitas}}.

Civitates Foederatae Americae

Res apud Vicidata repertae:

Civitates Foederatae Americae: insigne

Civitates Foederatae Americae: vexillum

Terra continens: America Septentrionalis
Territoria finitima: Mexicum, Canada
Locus: 39°49′41″N 98°34′46″W
Caput: Vasingtonia

Gestio

Respublica praesidentialis, Res publica foederalis, res publica
Princeps: Iosephus Biden
Praefectus: Iosephus Biden
Consilium: Congressus Civitatum Foederatarum
Iudicium: Summum Iudicium Civitatum Foederatarum
Situs interretialis

Populus

Numerus: 332 278 200
Sermo publicus: Anglice
Zona horaria: UTC−12:00, UTC-11, UTC−09:00, UTC-8, UTC-7, UTC−6, UTC-5, UTC-4, UTC 10, UTC 12, Samoa Time Zone, UTC-4, UTC-6, Alaska Time Zone, UTC-7, Chamorro Time Zone
Moneta: dollarium Civitatum Foederatarum

Commemoratio

Paean: The Star-Spangled Banner
Praeceptum: In God We Trust

Sigla

ISO US, USA, 840; IOC USA
Dominium interretiale: .us
Praefixum telephonicum: +1
Siglum autoraedarum: USA

Tabula aut despectus

Civitates Foederatae Americae: situs

Civitates Foederatae Americae (Anglice United States of America), breviter Civitates Foederatae et CFA (Anglice USA), sunt civitas sui iuris plerumque in America Septentrionali sita. Quae in quinquaginta civitatibus, uno districtu foederali, quinque maioribus territoriis se gubernantibus, 326 reservatis Indianorum terris, atque variis possessionibus insularibus consistit.

Americani sunt natio phyletice ethniceque diversa, quam saecula immigrationis formaverunt. Caput est Vasintonia, cui nomen iustum est Districtus Columbiae, et urbs frequentissima est Novum Eboracum.

Civitas, quae aream superficialem 9.83 millionum chiliometrorum quadratorum praebet et plus quam 305 milliones incolarum habet, obtinet omnium orbis terrarum civitatum locum tertium vel quartum, quod ad areae magnitudinem attinet, et locum tertium quod ad magnitudinem terrarum et numerum incolarum attinet. Civitas propter magnam immigrationem gentium in numero divitissimarum varietate humana civitatum orbis terrarum habetur, si cultura hominum et stirps comparantur. Oeconomia eius est maxima orbis terrarum, cuius proventus domesticus grossus (PDG) anno 2008 US$14.3 trillione (23% totius mundi ad PDG nominale et prope 21 centesimas de paritate potestatis emptionis) aestimatus est.

Civitas a Tredecim Coloniis Britanniarum Regni secundum Orientalem Oram condita est, quae die 4 Iulii 1776 Declarationem Libertatis promulgaverunt, earum libertatem a Britannia et earum formam foederationis se adiuvantem adfirmans. Civitates seditiosae Regnum Britanniarum in Bello Libertatis Americanae vicerunt—primo coloniali libertatis bello prospero. Conventus Philadelphiae praesentem Constitutionem Civitatum Foederatarum sanxit die 17 Septembris 1787, cuius ratificatio proximo anno civitates fecerunt partes unius reipublicae, validam sedem imperii habentes. Gubernatio Civitatum Foederatarum anno 1789 coepit. Rogatio Iurum, quae in decem emendationibus constitutionis consistit, multa principalia iura civilia praestans, anno 1791 sancta est.

Civitates Foederatae magnam regionem Emptione Ludoviciana a Francia saeculo undevicensimo ineunte emerunt, et parvum tractum Foedere Adams-Onís ab Hispania, Terram Oregonensem a Britanniarum Regno, amplum tractum in Bello Mexici et Civitatum Foederatarum a Mexico, et iterum magnum tractum Emptione Alascana a Russia adeptae sunt, et in dicionem suam respublicas Texanam et Havaianam redegit. Dissensio inter Meridianam agrariam et Septentrionalem industrialem quod attinet ad iura civitatum et expansio servitutis Bellum civile Civitatum Foederatarum decennium 187 incitaverunt; victoria autem Septentrionum perennem reipublicae fissuram prohibuit, et legitimum servitutis finem in Civitatibus Foederatis promovit. Ante decennium 188, oeconomia civitatis iam fuit maxima orbis terrarum. Bellum Hispaniae et Civitatum Foederatarum et primum bellum mundanum statum reipublicae confirmaverunt opum. Anno 1945, Civitates Foederatae ex secundo bello mundano emerserunt prima civitas arma nuclearia habens, perennis Concilium Salutis Consociationis Nationum sodalis, et condens NATO sodalis. Finis Belli Frigidi et dissolutio Unionis Sovieticae Civitates Foederatas solam civitatem praepotentem effecerunt. Civitas circa 50 centesimas erogationum per orbem terrarum pro militia et apparatibus belli erogat, et est princeps vis oeconomica, politica, et culturalis in mundo hodierno.

Iosephus Biden praeses quadragesimus sextus est.

Forma foederalis rei publicae

Secundum suam constitutionem, res publica Americana in singula re publica foederali consistit, hodie in se quinquaginta civitates distinctas continente. Cuique civitati est propria constitutio administratioque civilis. Insuper nonnullae territoria sive terrae sunt variis in condicionibus, inter eas Portus Dives, Samoa Americana, Guama, et Districtus Columbiae. Coloniae sicut civitates non constant, sed incolae suae inter cives Civitatum Foederatarum enumerantur.

Res publica foederalis est divisa in tris partes: legifera, iuridica, administrativa.

Pars legifera convenit in duabus cameris, Camera Repraesentantium ex 435 repraesentantibus consistenti et Senatu ex centum senatoribus consistenti. Cuique civitati sunt duo senatores et tot repraesentativi quot numerus incolarum suarum meretur.

Praeses, qui exercitui imperat et grapheocratiis rectionium praeest, a collegio electorali quarto quoque anno electus est. Cuique civitati sunt in collegio electorali tot electores quot sunt sibi senatores repraesentativique in Congessu. Quarto quoque anno, collegium electorale a populo electum est, et postmodo praeses a collegio electus est. Praeses consilium ministrorum habet, cuius ministri non sunt electi, sed a praeside ipso nominati.

Altissimum forum iuridicum Civitatum Foederatarum est Iudicium Summum, cuius iudices praeses subrogat et senatus sancit. Ritus horum iudicum numerus hodie est et semper fuit novem.

Annis ab 1777 ad 1789, res publica Americana "operabatur" forma infirma sub Articulis Confoederationis a tredecim civitatibus conditoribus creata. Anno 1787, denique patres conditores, Civitates Foederatas Americae creantes, novam Constitutionem rei publicae comprobaverunt. Quamquam consitutio ipsa quot emendatur, forma rectionis originalis anni 1787 hodie intacta manet.

Litterae aliae quae ad rectionem Americanam spectant:

• Declaratio Libertatis Civitatum Americae Foederatarum (textus)
• Constitutio Civitatum Foederatarum Americae (textus)
• Emendationes Constitutionis Civitatum Foederatarum Americae (Rogatio Iurum)
• Praesides Americani

Geographia

Tabula geographica duodequinquaginta civitatum confinium.

Terrestris confinium area Civitatum Foederatarum circiter 1 900 000 000 agrorum est. Alasca, attiguis^? Civitatum Foederatarum a Canada abiuncta, maxima civitas est, 365 000 000 agrorum. Insulae Havaianae, in medio Oceano Pacifico obsidentes, plus quam 4 000 000 agrorum habent. Post Russiam et Canadam, Civitates Foederatae tertia quartave civitas maxima area tota (terrali^? aqualique) sunt, aut ante aut post Sinam locata. Ordo propter agrorum duorum et India et Sinis postulatorum numerandum et magnitudinis summae Civitatum Foederatatum enumerandum discrepat: CIA “World Factbook” 9 826 675 km² proponit, Divisio Statisticorum Consociationis Nationum 9 629 091 km², Encyclopediaque Britannica 9 522 055 km² dat. Cum modo area terreni Civitatum Foederatarum tertiae magnitudine, post Russiam et Sinam, et vix ante Canada sunt.

Campus litoralis orarum martimarum Atlanticis intus in silvas deciduosas et colles volventes Piedmontis^? cecidit. Montes Appalachiani oram maritimum orientalem a Lacubus Magnis et pratis Mediis-Occidentibus dividit. Amnis Mississippiense-Missuriense, quarta a maxima in orbe terrarum systema amnum, plerumque a septentrione ad meridiem trans medullam civitatis fluit. Magnae Planities, planum fetumque, Camporum Magnorum^? ad occidentem, a regione montana in austro-orientale ruptum tendit. Montes Saxosi, in limite Campis Magnis, a septentrionibus ad meridiem trans civitatem, altitudines ultra 4300 metra (in Colorato adsurgentes. Occidentius sunt Bacinus Magnus et desertae. Serra Nivata et Iuga Cascades prope ad litus Pacificum extendit. Mons McKinley, vertex altissmus in civitate America Septentrionis, est circa 6194 metra altus. Montes igniferi crebri per Insulas Alexandri et Aleutiae sunt, et Insulae Havaianae in montibus igniferis consistit. Supervolcanus sub saepto nationali Yellowstone in Montibus Saxosis est maximus adiunctum volcanicum in continente situm.

Flumina

• Index longissimorum Civitatum Foederatarum fluviorum

Clima

Montes Saxosi.

Civitates Foederatae, magnus magnitudine et varietate geographica, genera plura climatis continent. Ad orientalem meridiani 100, a continentale humida ad subtropicam humidam extendit. Meridianus Floridae vertex tropica est, et Havaii. Campi Magni^? meridiani 100 occidentes semiaridi sunt. Plerumque montes occidentales alpini sunt. Clima in Magna Pelve arida, in austro occidentale deserta, in litorale California mediterraneana, et in litorale Oregonia, Vasingtonia, et Alasca meridiana oceanica. Plerumque Alasca polaris an^? subarctica est. Tempestates intemperantes non rarae sunt: civitates Sinus Mexici attingentes saepe typhones marinos habent, et plurimi turbines in Civitatibus Foederatis, plerumque in Angiporto Turbinum^? fiunt.

Linguae

Vide paginam Sermonibus Civitatum Foederatarum dicata.

Cultura

Traditionales culturae Americanae res: crustum mali, basipila, et vexillum Americanum.

Civitates Foederatae sunt respublica multiculturalis, ubi ethnicorum gregum varietas, mores, et aestimationes inter se miscentur. Contra nunc paucos Indos Americanos et indigenas Havaianas, paene omnes Americani vel eorum maiores intra quinque saecula recentissima immigraverunt. Cultura quam plurimi cives ferme celebrant est cultura Occidentalis, plerumque ex moribus immigrantium ex Europa, cum singulis ex aliis fontibus motis, sicut mores ex servis Africanis illati.

Historia

Conferatur pagina principalis Historia Civitatum Foederatarum Americae.

Origines

Conferantur paginae principales Indi Americani et Colonica Civitatum Foederatarum historia.

Gentes quae terram Civitatum Foederatarum primum incolaverunt historici putant per pontem terrestrem trans fretum Beringense in Alascam ab Asia pervenisse ad minimum abhinc annos ab 14 000 ad 30 000. Multi indigenae venatores vel convectores primitivi erant; alii sedentarii ac agricultores. Multi tribus novas formaverunt propter colonias ab Europeanis in America factas.

Coniectus qui ubique audiatur

Tabula Washingtonius Delavariam transiens. Transitus, hic ab Emanuele Leutze anno 1851 depictus, die 25 Decembris 1776 accidit.

Res publica Civitatum Foederatarum Americae ex tredecim coloniis Britannicis Americae Septentrionalis post bellum libertatis anni 1776 orta est. Hae coloniae fuerunt: Provincia Nova Hantonia, Provincia Sinus Massachusettae, Colonia Rhodensis Insula et Providentiae, Colonia Connecticuta, Provincia Novum Eboracum, Provincia Nova Caesarea, Provincia Pennsilvania, Colonia Delevaria, Provincia Terra Mariae, Colonia Dominiumque Virginia, Provincia Carolina Septentrionalis, Provincia Carolina Meridionalis, et Provincia Georgia.

Iam circa annum 1760, magna discordia inter colonias et patriam Britannicam exsistebant; exempli gratia, ob regimen mercantilisticum Britannicum, quod vectigalia et delectus ad bella Europaea servanda imperabat, distantiam et coloniarum problemata neglegens, et ob superbum cultum Americanum, individualisticum et democraticum. Cum demum Americani regi restiterunt, rex copias ad colonias rebelles opprimendas misit. Et Americani hos actos indignati re vera rebellaverunt, militiasque civiles formaverunt.

Tandem Lexingtoniae die 19 Aprilis 1775 coniectus qui ubique auditur rerum commutatio Americana cecinit. Postea, tredecim colonias suam libertatem a rege die 4 Iulii 1776 declaraverunt. Francia se bello anno 1778 adiunxit, ut Britanniam ab coloniis suis privet, veterem adversarium Britannicum molliens. Bellum usque ad annum 1781 extendit, cum apud Yorktown exercitus Britannicus quo Generalis Cornwallis praeerat se Generali Washingtonio dedit.

Civitates et Britanniarum Regnum bellum demum anno 1783 Foedere Lutetiae pacem congruerunt. Anno 1789 civitates se coniunxerunt, nova constitutione foederali anno 1787 perfecta, Georgio Washingtonio primo praeside.

Expansio

Pictura allegorica ab Ioanne Gast circa annum 1872 picta, nomine Progressus Americanus, quae Fatum Manifestum exprimit. Fatum, hic Columbia, persona Civitatum Foederarum repraesentans, cultum humanum ad occidentem versus fert per incolas Americanos, qui filum telegraphicum rura extendunt; librumque scholasticum tenet. Varia colonii negotia proponit, et specialiter varios modos vecturae temporum. Indi et ferae fugiunt.

Saeculo duodevicensimo ineunte, foederatio celeriter expansit. Emptio Ludoviciana, anno 1803 a Praeside Jefferson facta, Franciam Napoleonicam ab occidente submovit, et territorium Americanum duplicavit, colonias extensas ad occidentem Missisippii Fluvii sinens.

Quod oeconomia Americana plerumque agriculturalis erat, terrae auxus Europaeique immigrantes, quae terras novas excoluerunt, magnopere reipublicae oeconomiam auxerunt. Terrarum aviditate regimina Americana, et foederalia et civica, magnopere Indos Americanos oppresserunt quos Europaei putaverunt saevos, incultos. Europaei Christianique porro habebant dogma Fati Manifesti, quo ei omnis Americae Septentrionalis continens incolandus erat, populique nativi mansuefaciendi, paganique in Christum ducendi.

Fato Manifesto Indi anno 1830 ad occidentem Mississippi Fluminis vi militari repatriati sunt. Et impetus ad colonias fundandas minime ad fines Civitatum Foederatarum desinit. Per saeculum undevigesimum, doctrina fati manifesti expansionista hominibus filibusteris privati exprimitur, qui Americam Latinam cum militibus mercinariis ex Civitatibus Foederatis invaserunt. Quamquam regimina Civitatum Foederatarum semper illos filibusteros recusaverunt, populo placebant.

Decennio 183, Europaei ex Civitatibus Foederatis Terras Texicas ad septentriones Mexici plerumque desertas sub auctoritate Mexici compleverunt. Mox Texas libertatem suam ab Mexico anno 1835 corripuit, quod populus novum regimen Mexicanum Imperator Antonii Lopez de Sancta Anna indignatus est, cuius actus autocrati eos multum nocuit. Cum Civitates Foederatae novam liberam Rempublicam Texianam anno 1845 in dicionem suam redegit, hae civitates quoque incertas fines inter Texiam et Mexicum sibi sumpsit, et occasionem ad Civitatum Foederatarum fines augendas per bellum cum Mexico. Mexico victo, Foedus Guadalupe Hidalgo anni 1848 Californiam, Novum Mexicum, Arizonam, et alias regiones ad septentriones adiunctas Civittaibus Foederatis concessit.

Bellum Civile

Proelium Gettysburgi, unum ex cruentissumis belli proeliis et punctum postquam Exercitus Unionis victurus erat.

Ex Civitatum Foederatarum conditu, contradictio magna inter libertatis doctrinas patrum conditorum et civitatum meridianarum servitutis consuetudinem exsistebat. Declaratio Libertatis Americana anno 1776 facta "quod omnes Homines sibi pares creantur, a suo Creatore praediti quibusdam Iuribus inseparabilibus, inter quae numerantur ius ad Vitam, Libertatem, et Beata persequenda" coepit. Motus ad capitalismum mundanum oeconomicam servitutis utilitatem saeculo septimo decimo iam multum diminuit, citando faucitatem per libera certamina oceonomica et mechanicam rerum fabricationem. Quamobrem opinabilis erat finem ad servitutem sine tumultu mox fieri. At longa Civitatum Foederatarum divisio inter civitates liberas Septentrionales et civitates serviticas Meriodionales profundas divisiones culturales, oeconomicas, et politicas producit, quae Septentriones et Meridianam ad separationem et bellum impellaturae erant.

Foederatio Civitatum Foederatarum, vulgo Unio et Septentrionalis appellata: caerulea, flava (civitas finitima), caesia; Confederatia, vulgo "Meridiana": brunea.

Post victoriam electoralem Republicani Abrahami Lincoln anno 1860, qui servitutis expansionem in novis territoriis fortiter opponebat, undecim civitates meriodianae ex Civitatibus Foederatis secesserunt, novam Civitates Americae Confoederatas conditans. Bellum die 12 Aprilis 1861 coepit, cum exercitus Carolinae Meridionalis tormenta in Castellum Sumter coniceret.

Bellum, quod quattuor annos, ad annum 1865 (de iure ad 1866) extendit, fuit saevum. Novi modi belli gerendi excogitati sunt, sicut batalaria cataphracta cannones in turris praebita, batalaria subaqueana, torpedones, minae navales et terrestres, sclopeta automatica,^? pyroboli manuales, et fossae castrenses. Quae res novae militares naturam internecivam belli multum auxerunt. Iuxta censum anni 1860, octo centesimae omnium marium albi coloris ab 13 ad 43 annos natorum interiverunt, quod 6 centesimas omnium Septentrionum et 18 centesimas omnis Meridiei comprehendit.

Reconstructio et faucitas

Ferrivia Transcontinentalis nomine First Transcontinental Railroad, perfectum anno 1869, ab Andrea J. Russell photographemate capta.

Decennio post bellum, Aetate Reficiendi vocato, variae emendationes ad Constitutionem Civitatum Foederatarum perfectae sunt, quae iura civilia Americanorum nigri coloris defendebant, sicut Enmendationem Tertiadecimam quae servitudem illegalem declaravit, Enmendationem Quartadecimam quae ius civitatis ad omnes in Civitatum Foederatarum natos dedit, et Enmendationem Quindecimam quae suffragium ad omnes cives, vel ad Americani nigri coloris, repromisit.

Haec aetas quoque consummationem bellorum contra Indos vidit, cum complures gentes Europaei aurum inveniendi vel fundos colendi causa ad terras occidentales migraverint.

Quamquam autem per hanc aetatem causa hominum nigri coloris legibus prolata erat, multae regiones ad meridiem a militibus regnatae a corruptela superatae sunt. Contra libertatis hominum nigri coloris causam societas tromocratica nomine Ku Klux Klan (KKK) surrecta est circum annos 1860. Aetatis finis accidit cum compromissioni anni 1877 parente novus Praeses Rutherford B. Hayes copias foederales ex civitatibus meridianis abscesserit.

Aetas maximae libertatis quae sequitur fuit quod auctor Marcus Twain aetatem auratam nominavit. Hac in aetate oeconomia Americana magnopere aucta est. Anno 1900 iam productio Civitatum Foederatarum industrialis productionem omnium singularum civitatum mundi praeterquam illam Britanniarum Regni excessit.

Potestas hodierna

Duae sphaerae militares politicaeque ad fines Belli Frigidi circum annum 1980–Civitates Foederatae et socii colore caerulo depicti, Unio Sovietica et socii colore rubro.

Faucitate potestas venit. Saeculo vicensimo ineunte, Civitates Foederatae ad scaenam internationalem advenerunt bellum contra Hispaniam gerentes, Cubam liberandi causa, Philippinas Portumque Divitem adquirentes. Civitates quoque partem ad fines primi belli mundani habuerunt, Franciam, Britanniarum Regnum, et Russiam contra Germaniam, Imperium Austro-Hungaricum, et Imperium Ottomanicum adiuvantes.

Bello confecto, Civitates Foederatae res Europaeas seponere studuerunt. Magna autem Depressio oeconomica, quae annis 1930 mundum universum adflictavit, mundum iterum ad bellum magnum citavit. Post impetum Iaponicum die 7 Decembris 1941 factum, Civitates secundum bellum mundanum inierunt. Ex bello, Civitates Foederatae magna potestate, bomba atomica, oeconomiaque auctissima instructae emerserunt.

Accumulatio bombarum atomicarum a Civitatibus Foederatis et USSR annis ab 1945 ad 2006. Per Bellum Frigidum orbs appropinquavit bello atomico inter Civitates Foederatas et URSS.

Post Bellum Civitates, ut respublica conditrix Consociationis Nationum, ius intercessionis in Concilio Salutis tenturae erant. Civitates mundi in tres factiones divisae sunt: mundus primus, in occidentem, capitalisticus a Civitatibus Foederatis ductus; mundus secundus, in orientem, communisticus ab Unione Sovietica ductus; mundus tertius, inter eos evolvens. Demum cum Unio Sovietica anno 1991 cecidisset, Bellum Frigidum quod inter Civitates Foederatas et Unionem Sovieticam accidit desivit. Et tempus quod Praeses Georgius H. W. Bush nominavit Novum Mundi Ordinem coepit.

Die 11 Septembris 2001, Civitates Foederatae impetum tromocraticum passae sunt, quo nonnulla caeliscalpia, praecipue binae turres Emporii Mundi Novi Eboraci, deleta sunt. Qui actus Civitates Georgio W. Bush Praeside impulerunt ad Bellum contra terrorem Islamicos Usama bin Ladin duce in Afganistaniam gerere. Postea Civitates pravo consilio quoque Iraquiam anno 2003 invaserunt, praesidem Saddamum Hussein demovendi causa, ne is arma destructionis massivae adeptus foret. Nulla autem arma similia ibi inventa sunt, sed novum bellum contra tromocrates et factiones religiosas culturalesque necesse fuit gerere, Iraquiae pacem trahendi causa.

Mercatus mundi, qui post Bellum Frigidum per universum orbem terrarum inter quasi omnes nationes mundi extendit, novam faucitatem oeconomicam citavit. Optimismus populi, novi mercatus, et auctus productivitatis ob novas technologias informaticas longam expansionem oeconomicam generaverunt. At simul inflatio monetaria et demissae mediae argentariae usuriae, discrimen magnum ad saeculi vincensimi fines creaverunt, quod extendit ab anno 2000 usque praesens. Demum anno 2008 oeconomia subito peius cecidit, republica universoque mundo depressione oeconomica capta.

Dogma Monrovianum (Anglice Monroe Doctrine) anno 1823 promulgata est.

Civitates, urbes, regiones

Vide etiam: Index Civitatum Foederatae Americae, Index locorum in Civitatibus Foederatis Americae, Index civitatum Americae per superficiem, Index Civitatum Foederatarum per annos accessionis in rempublicam

Haec nomina civitatibus sunt.

• Alabama, caput Mons Gomerici
• Alaska, c. Iunellum
• Arcansia, c. Petricula
• Arizona, c. Phoenix
• California, c. Sacramentum
• Cansia, c. Topeca
• Carolina Meridiana, c. Columbia
• Carolina Septentrionalis, c. Raleia
• Cenomannica, c. Augusta
• Coloratum, c. Denverium
• Connecticuta, c. Hartfordia
• Dacota Meridiana, c. Petropolis
• Dacota Septentrionalis, c. Bismarcopolis
• Delavaria, c. Dubris
• Florida, c. Tallahassia
• Georgia, c. Atlanta
• Havaii, -orum, c. Honolulu
• Idahum, c. Xylopolis
• Illinoesia, c. Campifons
• Indiana, c. Indianapolis
• Iova, c. Monachopolis
• Kentukia, c. Francofurtum
• Ludoviciana, c. Rubribaculum
• Massachusseta, c. Bostonia
• Michigania, c. Lansinga
• Minnesota, c. Sanctus Paulus
• Mississippia, c. Iacsonia
• Missuria, c. Ieffersonia
• Mons Viridis, c. Mons Pessulanus
• Montana, c. Helenopolis
• Nebrasca, c. Lincolnia
• Nivata, c. Carsonia
• Nova Caesarea, c. Trentonia
• Nova Hantonia, c. Concordia
• Novum Eboracum, c. Albanum
• Novum Mexicum, c. Sancta Fides
• Oclahoma, c. Oclahoma Urbs
• Ohium, c. Columbopolis
• Oregonia, c. Salem indecl.
• Pennsilvania, c. Harrisburgum
• Rhodensis Insula, c. Providentia
• Tennesia, c. Nasburgum
• Terra Mariae, c. Annapolis
• Texia, c. Austinopolis
• Uta, c. Urbs Lacus Salsi
• Vasingtonia, c. Olympia
• Virginia, c. Ricmondia
• Virginia Occidentalis, c. Carolopolis
• Visconsinia, c. Madisonia
• Vyomina, c. Cheyenna

Regiones geographicae

• Meridionalis
• Occidens
• Medium Atlanticum
• Medium Occidens
• Nova Anglia

Urbes principales

• Angelopolis Californiae
• Campi Nivatae
• Cantabrigia Massachusettae
• Franciscopolis Californiae
• Hustonia Texiae
• Nova Aurelia Ludovicianae
• Novum Eboracum
• Seattlum Vasintoniae
• Sicagum Illinoesiae
• Vasingtonia Districtus Columbiae

Bibliographia

"Foederati status Americae septentrionalis" in lingua Ecclesiae Catholicae Romanae.

• Atherton, John, Nicole Bernheim, Sophie Body-Gendrot, et François Brunet. 2004. États-Unis, peuple et culture. La Découverte. ISBN 2-7071-4260-3.
• Blackburn, Robin. 1998. The Making of New World Slavery: From the Baroque to the Modern, 1492–1800. Londinii et Novi Eboraci: Verso. ISBN 1-85984-195-3.
• Coutant, Arnaud. 2011. L'Amérique des États: Les contradictions d'une Démocratie fédérale. Mare et Martin. ISBN 2-8493-4085-5.
• De Rosa, Marshall L. 1997. The Politics of Dissolution: The Quest for a National Identity and the American Civil War. Edisoniae Novae Caesariae: Transaction. ISBN 1-56000-349-9.
• Dull, Jonathan R. 2003. Diplomacy of the Revolution, to 1783. Capitulum in A Companion to the American Revolution, ed. Jack P. Greene et J. R. Pole, 352–61. Malden Massachusettae: Blackwell. ISBN 1-4051-1674-9.
• Foner, Eric, et John A. Garraty. 1991. The Reader's Companion to American History. Novi Eboraci: Houghton Mifflin. ISBN 0-395-51372-3.
• Goussot, Michel. 2007. Les États-Unis, société contrastée, puissance contestée. La documentation photographique 8056, Martius & Aprilis.
• Greene, Jack P., et J. R. Pole, eds. 2003. A Companion to the American Revolution. Malden Massachusettae: Blackwell. ISBN 1-4051-1674-9.
• Kaspi, André. 2008. Comprendre les États-Unis d'aujourd'hui. Librairie Académique Perrin. ISBN 2-2620-2806-0.
• Lacorne, Denis. 2006. Les États-Unis. Fayard. ISBN 2-2136-2672-3.
• Morrison, Michael A. 1999. Slavery and the American West: The Eclipse of Manifest Destiny and the Coming of the Civil War. Chapel Hill: University of North Carolina Press. ISBN 0-8078-4796-8.
• Russell, David Lee. 2005. The American Revolution in the Southern Colonies. Jefferson Carolinae Septentrionalis et Londinii: McFarland. ISBN 0-7864-0783-2.
• Salmon, Frédéric. 2008. Atlas historique des États-Unis: De 1783 à nos jours. Armand Colin. ISBN 2-2003-4760-X.
• Van Euwen, Daniel, et Isabelle Vagnoux. 2006. Les États-Unis et le monde aujourd'hui. Éditions de l'Aube. ISBN 2-7526-0421-1.

Nexus interni

• Americanologia
• Bellum Civile Americanum
• Bellum Septem Annorum
• Colonizatio Europaea Americarum
• Colonica Civitatum Foederatarum historia
• Hibernus Americanus
• Historia Civitatum Foederatarum
• Litterae Civitatum Foederatarum
• Ministerium Saeptorum Nationalium (Civitates Foederatae)
• Poesis Civitatum Foederatarum
• Sinus Guantanamus
• Systema viarum inter civitates Civitatum Foederatarum
• "Vexillum Stellis Punctatum"
• "Yankee Doodle"

Regiones, civitates et territoria Americae

Opus geopoliticum • Nationes mundi • America

Capsae cognatae: Africa • Asia • Europa • Oceania

Civitates Foederatae : politica

Praesides Civitatum Foederatarum Americae

Georgius Washington • Ioannes Adams • Thomas Jefferson • Iacobus Madison • Iacobus Monroe • Ioannes Quintius Adams • Andreas Jackson • Martinus Van Buren • Gulielmus Henricus Harrison • Ioannes Tyler • Iacobus Knox Polk • Zacharias Taylor • Milvardus Fillmore • Franklinus Pierce • Iacobus Buchanan • Abrahamus Lincoln • Andreas Johnson • Ulixes S. Grant • Rutherford Hayes • Iacobus Garfield • Chester Alanus Arthur • Grover Cleveland • Beniaminus Harrison • Grover Cleveland • Gulielmus McKinley • Theodorus Roosevelt • Gulielmus Howard Taft • Woodrow Wilson • Warren G. Harding • Calvinus Coolidge • Herbertus Hoover • Franklinus D. Roosevelt • Henricus S. Truman • Dwight D. Eisenhower • Ioannes F. Kennedy • Lyndon B. Johnson • Ricardus Nixon • Geraldus Ford • Iacobus Carter • Ronaldus Reagan • Georgius H. W. Bush • Gulielmus Clinton • Georgius W. Bush • Baracus Obama • Donaldus Trump • Iosephus Biden Opus geopoliticum • Index praesidum Civitatum Foederatarum Americae • Duces civitatum Americanarum hodiernarum Capsae cognatae: Praesides vicarii • Coniuges praesidum • Secretarii civici • Advocati generales • Secretarii a munitione

Secretarii civici Civitatum Foederatarum

Robertus Livingston • Ioannes Jay • Thomas Jefferson • Edmundus Randolph • Timotheus Pickering • Ioannes Marshall • Iacobus Madison • Robertus Smith • Iacobus Monroe • Ioannes Quintius Adams • Henricus Clay • Martinus Van Buren • Eduardus Livingston • Ludovicus McLane • Ioannes Forsyth • Daniel Webster • Abel Upshur • Ioannes Calhoun • Iacobus Buchanan • Ioannes Clayton • Daniel Webster • Eduardus Everett • Gulielmus Marcy • Ludovicus Cass • Ieremias Black • Gulielmus Seward • Elihu Washburne • Hamilton Fish • Gulielmus Evarts • Iacobus Blaine • Fridericus Frelinghuysen • Thomas Bayard • Iacobus Blaine • Ioannes Foster • Gualter Gresham • Ricardus Olney • Ioannes Sherman • Gulielmus Day • Ioannes Hay • Elihu Root • Robertus Bacon • Philander Knox • Gulielmus Bryan • Robertus Lansing • Bainbridge Colby • Carolus Evans Hughes • Franciscus Kellogg • Henricus Stimson • Cordell Hull • Eduardus Stettinius • Iacobus Byrnes • Georgius Marshall • Dean Acheson • Ioannes Foster Dulles • Christianus Herter • Dean Rusk • Gulielmus Rogers • Henricus Kissinger • Cyrus Vance • Edmundus Muskie • Alexander Haig • Georgius Shultz • Iacobus Baker • Laurentius Eagleburger • Warren Christopher • Magdalena Albright • Colinus Powell • Condoleezza Rice • Hilaria Clinton • Ioannes Kerry • Rex Tillerson • Michael Pompeo Opus geopoliticum • Civitatum Foederatarum Secretarius Civitatis • Ministri a rebus externis civitatum Americanarum hodiernarum Capsae cognatae: Praesides Civitatum Foederatarum • Secretarii a munitione Civitatum Foederatarum

Consilium ministrorum Donaldi Trump 2017–2021

Praeses: Donaldus Trump • Praeses vicarius: Michael Pence Consilium: Alexander Acosta (2017–2019) • Alexander Azar (2018–2021) • Gulielmus Barr (2019–2020) • David Bernhardt (2019–2021) • Daniel Brouillette (2019–2021) • Beniaminus Carson • Helena Chao • Elisabetha DeVos • Marcus Esper (2019–2020) • Ioannes Kelly (2017) • Iacobus Mattis (2017–2018) • Stephanus Mnuchin • Christiana Nielsen (2017–2019) • Sonny Perdue • Ricardus Perry (2017–2019) • Michael Pompeo (2018–2021) • Thomas Price (2017) • Wilbur Ross • Jefferson Sessions (2017–2018) • David Shulkin (2017–2018) • Rex Tillerson (2017–2018) • Robertus Wilkie (2018–2021) • Ryan Zinke (2017–2019) Consiliariis pares: Iovita Carranza (2020–2021) • Daniel Coats (2017–2019) • Nikki Haley (2017–2018) • Gina Haspel (2018–2021) • Ioannes Kelly (2017–2019) • Robertus Lighthizer • Linda McMahon (2017–2019) • Marcus Meadows (2020–2021) • Michael Mulvaney (2017–2020) • Reince Priebus (2017) • Scott Pruitt (2017–2018) • Ioannes Ratcliffe (2020–2021) • Russell Vought (2020–2021) • Andreas Wheeler (2019–2021) A communicationibus: Ioannes Spicer (2017) • Michael Dubke (2017) • Antonius Scaramucci (2017) • Hope Hicks (2017–2018) • Gulielmus Shine (2018–2019) • Stephania Grisham (2019–2020) A strategematibus: Stephanus Bannon (2017) Opus geopoliticum • Consilium Ministrorum Civitatum Foederatarum Americae • Consilium ministrorum Donaldi Trump Capsae cognatae: Consilium Obama 2009–2017

Civitates Foederatae : geographica

Civitates Civitatum Foederatarum

Alabama · Alasca · Arizona · Arcansia · California · Carolina Meridiana · Carolina Septentrionalis · Cenomannica · Coloratum · Connecticuta · Dacota Meridiana · Dacota Septentrionalis · Delavaria · Florida · Georgia · Havaii · Idahum · Illinoesia · Indiana · Iova · Kansia · Kentukia · Ludoviciana · Massachusetta · Michigania · Minnesota · Mississippia · Missuria · Mons Viridis · Montana · Nebrasca · Nivata · Nova Caesarea · Nova Hantonia · Novum Eboracum · Novum Mexicum · Oclahoma · Ohium · Oregonia · Pennsilvania · Rhodensis Insula · Tennesia · Terra Mariae · Texia · Uta · Vasintonia · Virginia · Virginia Occidentalis · Visconsinia · Vyomina · · Territorium Columbianum (urbs Vasingtonia) Opus geopoliticum • Porta Civitatum Foederatarum Capsae cognatae: Territoria Civitatum Foederatarum

Territoria Civitatum Foederatarum

Guama · Insula Baker · Insula Howland · Insula Wake · Insulae Mariannae Septentrionales · Portus Dives · Samoa Americana · Sinus Guantanamensis · Territorium Columbianum · Virginis Insulae Civitatum Foederatarum Opus geopoliticum • Porta Civitatum Foederatarum Capsae cognatae: Civitates Civitatum Foederatarum

Urbes Civitatum Foederatarum maximae

Alba Quercus · Angelopolis · Antoniopolis · Arlintonia · Arx Vorthensis · Atlanta · Austinopolis · Baltimora · Bostonia · Campi · Carolinum · Cleveland · Columbopolis · Dallasium · Denverium · Detroitum · Didacopolis · El Paso · Fontes Coloratenses · Franciscopolis · Fresno · Honolulu · Hustonia · Indianapolis · Iosephopolis · Jacksonville · Kansanopolis · Litus Virginiae · Long Beach · Ludovicopolis · Memphis · Mesa · Miamia · Milvauchia · Minneapolis · Nasburgum · Nova Aurelia · Novum Eboracum · Oklahomapolis · Omaha · Philadelphia · Phoenix · Portlandia · Quercupolis · Sacramentum · Seattlum · Sicagum · Tucson · Tulsa · Vasingtonia · Wichita

Opus geopoliticum • Index urbium maximarum Civitatum Foederatarum • Maximae urbes orbis terrarum • Porta Civitatum Foederatarum

Capsae cognatae: Urbes maximae Americae Septentrionalis