Bacchus
Bacchus (Graece Βάκχος), vel Dionysus (Graece Διόνυσος), apud Romanos etiam Liber pater,[1] in mythologia Graeca et religione Romana fuit vini et ebrietatis deus, Iovis et Semelae filius.
Semele a Iunone decepta Iovem rogavit, ut se in nitore divino monstraret, itaque adusta est; ergo Iuppiter prolem innatum in crure suo collocavit. Dionysus nuper natus a Iove seu Herme in monte Nysa reconditus est; ibi a nymphis nutritus est et a Sileno Satyrisque educatus. In altera fabula, Bacchus a sorore Semeles curatus est. Satyri Bacchum secuti sunt.
Mulieres Dionysi sectatores Maenades (seu Bacchae seu Bacchantes) nuncupantur. Naxi, Ariadnen servavit Bacchus et in matrimonium duxit.
Variis fontibus mythographicis cenae Baccho ab Icario, Falerno, Brongo oblatae narratae sunt. Auctores ex his cenis origines vini in Attica Italiaque et Ponto deducere praetenderunt.
Festa
[recensere | fontem recensere]Festa Baccho dicata sunt Bacchanalia, die sextodecimo et septimodecimo Martii mensis acta.
Plura legere si cupis
[recensere | fontem recensere]- H. Jeanmaire, Dionysos, histoire du culte de Bacchus, Payot, 1951. Recensio critica Roberti FlacelièreAltera recensio critica
Notae
[recensere | fontem recensere]- ↑ Appellatus est Bacchus, Bassareus, Bromius, Dionysus, Euhan, Euhius, Iacchus, Liber pater, Lyaeus.
Nexus interni
- Dionysia
- Dithyrambus
- Pompa regis Ptolemaei II Dionysiaca
- Mysteria Bacchica, picturae murales iuxta Pompeios repertae
- Oenopion
- Bacchides (Plautus)
- Puer aeternus
- Ariadne auf Naxos, opera Richardi Strauss
- 2063 Bacchus
- 3671 Dionysus
Nexus externi
[recensere | fontem recensere]
|
Vicimedia Communia plura habent quae ad Bacchum spectant. |
- Vide etiam Dionysus in Communibus
- Imagines Bacchi in Musaeo Iconographico Warburgiano